文章
相簿

→ 中 環

長浜No.1拉麵 福岡人氣長龍店 真正博多風登陸

不眠王子 於 2012年08月06日發表   人氣:1037



 
  香 港 拉 麵 店 開 之 不 完 ,有 本 地 投 資 者 請 日 本 師 傅 來 港 助 陣 ,有 飲 食 集 團 向 日 本 拉 麵 店 買 特 許 經 營 權 喺 香 港 開 店 ,亦 有 港 人 開 嘅 港 式 拉 麵 店 ,更 有 日 本 過 江 龍 嚟 香 港 開 分 店。早 幾 日 從 朋 友 口 中 得 知 ,喺 福 岡 已 經 有 40 年 歷 史 ,擁 有 4 間 分 店 ,經 常 排 長 龍 嘅 人 氣 拉 麵 店 長 浜 No.1 拉 麵 喺 九 如 坊 開 佢 哋 嘅 海 外 第 一 間 分 店 ,於 是 拉 埋 兩 個 老 友 記 一 齊 去 試 吓!人 多 可 以 試 多 兩 款 拉 麵 嘛!

   
點 解 王 子 知 呢 間 拉 麵 店 經 常 排 長 龍?因 為 日 本 都 有 食 評 網 站 嘛!跟 香 港 幾 間 人 氣 拉 麵 店 有 啲 唔 同 ,長 浜 No.1 拉 麵 係 由 日 本 直 接 過 嚟 香 港 開 店 ,要 求 自 然 比 香 港 一 般 拉 麵 店 嚴 格 得 多。呢 間 拉 麵 店 出 名 採 用 極 細 麵 、豚 骨 湯 底 夠 鮮 濃 兼 骨 膠 原 豐 富 ,一 直 保 持 傳 統 嘅 博 多 口 味 ,唔 會 好 似 某 啲 拉 麵 店 咁 ,以 博 多 風 之 名 但 又 出 埋 啲 連 福 岡 都 無 見 過 嘅 古 靈 精 怪 口 味。



 你 睇 拉 麵 店 喺 星 期 四 開 張 當 日 條 長 龍 幾 勁!



 
  長 浜 No.1 拉 麵 既 然 由 日 本 直 接 過 嚟 香 港 開 店 ,日 本 店 方 自 然 派 咗 幾 位 日 籍 師 傅 長 駐 店 內 助 陣 了。 



   
店 子 面 積 較 細 ,帶 點 居 酒 屋 格 局 ,雖 然 只 容 納 到 20 人 左 右 ,卻 無 半 點 擠 迫 感。



 面 向 街 外 嘅 高 身 吧 枱 位 只 得 3 個 ,其 他 都 係 靠 牆 嘅 4 人 枱。



 
餐 具 比 一 般 拉 麵 店 精 緻 ,尤 其 是 呢 個 木 托 盤。



   
辣 芽 菜 係 放 喺 枱 面 免 費 任 食,送 拉 麵 或 送 酒 都 一 流 ,夠 驚 喜 吧?但 記 住 唔 好 貪 心 ,因 為 辣 度 勁 到 出 乎 我 意 料 ,先 試 少 少 為 妙! 



 
喺 香 港 嘅 正 宗 拉 麵 店 好 少 有 酒 供 應 ,潮 流 會 由 呢 度 帶 起 嗎?



 
清 酒 由 日 本 直 送 ,睇 嚟 都 有 唔 少 好 嘢 噃!(以 拉 麵 店 計)



 
除 咗 引 入 各 大 品 牌 清 酒 ,老 闆 將 會 有 自 家 浸 製 嘅 佳 釀 供 應。



 
  因 為 食 拉 麵 當 晚 仲 係 試 業 中 ,好 客 嘅 老 闆 娘 熱 情 咁 請 大 家 試 試 自 家 製 清 酒 ,其 中 一 款 帶 有 香 濃 咖 啡 味 嘅 清 酒 ,比 一 般 咖 啡 酒 多 幾 分 清 香 感 ,飲 完 即 時 跟 朋 友 講 ,如 果 而 家 有 件 蛋 糕 就 正 啦! 



 
 拉 麵 店 嘅 廚 房 當 然 係 開 放 式 設 計 ,日 本 師 傅 接 咗 我 哋 3 個 order ,於 是 我 偷 偷 看 、我 偷 偷 望 ,兩 位 師 傅 有 條 不 紊 、互 相 配 合 ,先 放 秘 製 醬 料 ,跟 住 放 湯 頭 ,然 後 放 細 麵 ,最 後 才 快 速 放 上 配 菜。

   食 拉 麵 之 前 試 吓 幾 款 屋 台 小 食 ,因 為 係 試 業 ,以 下 小 食 喺 賣 相 或 份 量 上 可 能 會 跟 正 式 開 業 時 有 所 不 同。




 
酒 淆 三 味 ($25) 包 括 日 式 叉 燒 、溏 心 蛋 及 豚 角 煮。溏 心 蛋 採 用 日 本 蛋 ,蛋 味 特 別 濃 ,叉 燒 亦 肥 瘦 度 適 中。



 
豚 角 煮 有 相 你 睇 ,充 滿 罪 惡 感 ,但 極 之 惹 味。 



 
燒 明 太 子 ($68) 鹹 香 、味 濃 ,慢 慢 啄 吓 啄 吓 ,佐 酒 一 流。



   
拉 麵 有 6 款 ,主 要 係 配 料 嘅 組 合 上 有 所 分 別 ,及 一 款 香 香 辣 辣 嘅 辛 味 噌 拉 麵。 



 
拉 麵 可 以 選 軟 硬 度 ,而 香 油 、蒜 頭 及 蔥 粒 都 可 以 按 自 己 口 味 決 定 要 唔 要。 



   
配 料 當 然 亦 可 追 加 ,平 均 每 款 都 只 係 $10、$8 ,必 食 推 介 有 辛 子 高 菜 及 辛 子 韮 菜。 



   
豬 骨 湯 拉 麵 ($72) 係 店 中 最 基 本 兼 係 最 平 嘅 拉 麵 ,俾 你 試 試 半 世 紀 老 字 號 嘅 傳 統 博 多 風。湯 頭 火 候 十 足 如 老 火 湯 ,骨 膠 原 豐 富 ,味 道 鮮 濃 得 嚟 清 而 不 濁 ,就 連 蔥 粒 都 新 鮮 爽 脆。 



 
辛 味 噌 拉 麵 ($82) 香 辣 度 到 恰 到 好 處 ,唔 會 一 味 死 辣。



 
你 睇 吓 塊 薄 切 叉 燒 ,肉 鮮 、夠 光 澤 ,半 肥 瘦 、引 死 人 ,食 落 爽 口 、夠 軟 腍。滿 意 未?



   
長 浜 No.1 拉 麵 ($98) 係 全 店 最 豪 華 之 究 極 拉 麵 ,配 料 全 落 ,霸 氣 十 足 ,以 香 港 人 嘅 講 法 即 係 大 雜 麵。 



 
蛋 香 味 濃 嘅 日 本 蛋 真 係 正 到 想 獨 立 叫 多 隻 食 ,$10 之 嘛!



 
拉 麵 細 身 夠 煙 韌 ,個 人 鍾 意 食 較 硬 身 嘅 拉 麵 ,所 以 剔 咗 硬 度 較 高 嘅 拉 麵。



  
叉 燒 拉 麵 ($85) 跟 豬 骨 湯 拉 麵 大 致 一 樣 ,只 係 叉 燒 份 量 多 啲 ,兼 有 脂 肪 較 少 嘅 豬 肩 及 肥 美 十 足 嘅 豬 腩 肉 同 於 碗 內。 



 
呢 兩 年 幫 襯 過 唔 少 拉 麵 店 ,但 將 湯 底 一 飲 而 盡 嘅 ,只 此 一 間 ,明 我 意 思 嗎? 


 
 電 話 : 2323 6115              平 均 消 費 : $90 - $120

 地 址 : 中 環 九 如 坊 14 號 地 下
 

 


上一篇: rasupermen 三日限定 Pop-up 拉麵店

下一篇: 澳門皇冠度假酒店 御膳房 花都 ● 嚐味


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,570,467
所有文章: 2,060
本日訪客人數: 2,226
累計訪客人數: 10,319,703