文章
相簿

→ 九 龍 區

美麗華酒店 Whisk 八月限定 南非莫桑比克有機鮮蝦

不眠王子 於 2012年08月09日發表   人氣:975



 
  王 子 跟 The mira 美 麗 華 酒 店 特 別 有 緣 ,除 咗 定 期 收 到 酒 店 嘅 試 菜 邀 請 ,平 日 去 開 尖 沙 咀 時 亦 會 跟 朋 友 於 酒 店 內 嘅 COCO 飲 吓 嘢。兩 個 月 前 知 道 佢 哋 邀 請 咗 德 國 籍 廚 師 Bjoern Alexander 加 盟 擔 任 Whisk 嘅 行 政 總 廚 ,公 關 亦 第 一 時 間 請 王 子 去 試 試 大 廚 手 勢 ,但 王 子 覺 得 ,新 廚 上 場 ,既 要 熟 習 新 環 境 ,亦 要 準 備 全 新 菜 單 ,都 係 等 一 等 先 探 探 虛 實 吧!

  到 咗 今 個 月 ,見 到 期 間 限 定 嘅 南 非 莫 桑 比 克 大 蝦「有 機 ● 鮮 味」菜 譜 上 場 ,即 時 雙 眼 放 光 ,蝦 呀 ~ 王 子 最 愛 嘅 蝦 蝦 呀!仲 要 係 未 試 過 嘅 南 非 莫 桑 比 克 有 機 大 蝦 呀!我 知 道 係 時 候 出 動 啦!於 是 搵 埋 Meling 大 少 奶 兩 位 朋 友 仔 ,喺 靚 女 公 關 嘅 帶 領 下 ,一 齊 享 受 別 開 生 面 嘅 全 蝦 宴。


    
  Chef Bjoern Alexander 曾 跟 隨 米 芝 蓮 三 星 大 廚 Joachim Wissler 及 Thomas Keller 學 習 廚 藝 ,並 曾 喺 杜 拜 嘅 七 星 級 帆 船 酒 店 工 作 ,對 高 級 歐 陸 菜 甚 有 研 究 ,尤 其 是 佢 嘅 至 愛 係 海 鮮 ,所 以 烹 調 海 鮮 菜 式 係 佢 嘅 強 項。Chef Bjoern 其 實 嚟 咗 香 港 已 經 有 一 段 時 間 ,所 以 識 講 少 少 廣 東 話。呢 晚 當 每 道 菜 式 上 枱 時 ,大 廚 都 會 親 自 出 來 為 大 家 作 詳 盡 介 紹 ,仲 同 大 家 上 咗 一 堂 草 本 植 物 速 成 班 添! 


 
  Chef Bjoern 其 實 係 一 位 草 本 植 物 及 食 用 花 卉 專 家 ,擅 於 以 時 令 嘅 草 本 植 物 及 食 用 花 卉 入 饌 ,帶 出 食 材 嘅 天 然 鮮 味 ,王 子 特 地 叫 靚 女 公 關 靜 雞 雞 走 入 廚 房 影 張 植 物 大 合 照 ,係 咪 好 震 撼 呢?呢 度 只 係 其 中 半 櫃 咋!  



 講 過 n 次 ,我 好 怕 食 酒 店 嘅 麵 包 ,唔 要 呀!唔 要 上 癮 呀!



    大 少 奶 正 壞 人 ,猛 咁 話 cream cheese 好 好 味 ,我 夠 知 啦 . . . 但 出 事 架 嘛!



    Organic Prawns Slices ($240) 即 係 有 機 蝦 肉 伴 酸 蘿 蔔 、墨 西 哥 胡 椒 及 小 脆 米 ,謝 謝 公 關 幫 王 子 搵 嚟 中 文 譯 本 ,大 家 望 住 個 英 文 menu 時 就 唔 怕 唔 識 點 菜 啦! 



    蝦 肉 係 半 熱 ,伴 酸 蘿 蔔 、墨 西 哥 胡 椒 及 小 脆 米 ,相 信 大 廚 係 想 為 爽 口 肥 美 嘅 蝦 肉 增 添 酸 辣 感 ,咦?咁 咪 有 啲 似 泰 式 生 蝦 刺 身?都 似 架!不 得 不 提 伴 碟 嘅 兩 塊 脆 片 超 好 食 ,味 道 有 蝦 嘅 天 然 鮮 香 ,一 問 之 下 至 知 原 來 真 係 用 鮮 蝦 湯 汁 去 製 成 ,難 怪 咁 好 味 了。  



    Cold Organic Prawns Consomme ($260) 即 係 冰 凍 有 機 大 蝦 配 蕃 茄 清 湯 、煙 熏 燈 籠 椒 及 大 蝦 脆 片 ,我 愛 大 蝦 、亦 愛 飲 蕃 茄 凍 湯 ,呢 個 組 合 就 好 似 吳 敏 霞 跟 何 姿 咁 完 美 ,無 得 輸 的。



    現 場 高 清 直 播 ,清 湯 完 美 一 跳 ,壓 水 動 作 一 流 ,無 半 點 水 花 ,確 係 賞 心 悅 目。


 
 大 蝦 肉 鮮 味 甜 ,配 合 透 心 涼 嘅 蕃 茄 清 湯 ,街 外 36 度 都 唔 怕 了。



    Barbecue Organic Prawns ($260) 即 係 烤 有 機 大 蝦 配 乳 酪 ,青 瓜 及 大 蒜 ,賣 相 簡 單 中 見 不 平 凡 ,一 花 一 草 都 經 過 細 心 配 搭 ,跟 爽 口 彈 牙 嘅 蝦 肉 一 齊 食 ,又 有 另 一 番 滋 味。 


 
  蝦 身 之 下 、綠 草 如 茵 嘅 其 實 係 青 瓜 乳 酪 ,用 作 中 和 烤 蝦 微 微 嘅 油 膩 感 ,盡 顯 大 廚 對 食 客 有 多 貼 心 ,青 草 地 旁 邊 嘅 紫 色 小 花 叫 Bean Blossom ,細 細 朵 卻 帶 濃 濃 嘅 生 蒜 味 ,先 放 佢 入 口 ,再 食 蝦 肉 ,蒜 香 感 會 更 強。



   Chef Bjoern 呢 晚 同 大 家 上 咗 一 堂 草 本 植 物 速 成 班 ,將 12 種 唔 同 味 道 嘅 植 物 攞 出 嚟 俾 大 家 去 試 味 ,花 有 生 蠔 味 、草 有 蜂 蜜 味 、葉 有 甘 筍 味 . . . 好 玩 到 呢 晚 我 不 斷 隊 草!  


 
  Blue Ocean 似 花 但 無 花 香 ,卻 有 濃 烈 嘅 生 蠔 味,忍 唔 住 笑 問 公 關 有 無 檸 檬 汁 ,食 緊 蠔 嘛!  


 
  Kikuna 好 似 . . . 係!好 似 Timberland 個 logo,其 實 佢 係 嚟 自 荷 蘭 嘅 草 本 植 物 ,味 如 甘 筍 ,可 以 提 昇 大 蝦 嘅 鮮 味 ,就 咁 食 亦 咁 正 ,口 腔 帶 有 天 然 嘅 清 新 香 氣!  


 
 其 餘 嘅 草 本 植 物 亦 各 具 特 色 ,你 試 過 邊 種 呢?  


 
 生 蠔 配 鵝 肝 柚 子 雪 葩 係 8 月 底 至 推 出 ,王 子 highly recommended! 



    生 蠔 嘅 鮮 、鵝 肝 嘅 嫩 ,跟 柚 子 雪 葩 嘅 酸 甜 冰 感 出 奇 咁 夾 ,唔 會 蓋 過 任 何 一 方 本 身 嘅 味 道。 



    Mieral Pigeon ($399) 法 國 乳 鴿 胸 配 扁 豆 及 脆 米 片 係 Chef Bjoern 嘅 招 牌 菜 ,當 然 要 一 試。望 望 個 賣 相 ,好 多 草 本 精 華 呀! 



  香 草 汁 當 然 係 大 廚 自 家 製 ,再 加 少 少 有 扁 豆 味 嘅 香 草 ,用 嚟 平 衡 乳 鴿 本 身 太 濃 烈 嘅 肉 味 ,最 好 就 蘸 一 蘸 啦! 



   法 國 乳 鴿 胸 肉 厚 、味 濃 ,香 港 無 乜 地 方 食 到 ,食 到 又 未 必 有 呢 度 烹 調 得 咁 好 ,明 我 意 思 嗎?



    乳 鴿 胸 肉 質 鮮 香 超 嫩 滑 ,鬆 化 到 入 口 唔 需 要 點 用 牙 力 ,而 且 juicy 到 不 得 了 添! 



    朱 古 力 心 太 軟 配 香 辣 可 可 雪 糕 、朱 古 力 脆 餅 及 威 士 忌 果 凍 係 . . .係 非 賣 品 ,係 大 廚 特 地 為 我 哋 製 作 ,希 望 日 後 會 放 入 menu 內 啦!因 為 王 子 認 為 佢 係 Whisk 開 店 以 來 最 出 色   嘅 甜 品。 



    單 係 賣 相 都 夠 吸 引 ,更 令 人 驚 喜 嘅 係 一 道 甜 品 竟 包 含 多 種 味 道 及 口 感 ,就 連 伴 碟 嘅 香 草 都 有 honey 味,唔 好 唔 食 呀!



  嘩 ~ 好 驚 呀!大 廚 刨 乜 東 東 落 碟 呀?咁 多 嘅?



    嘩 ~ 原 來 係 黑 松 露 ,落 咁 多?好 香 呀!好 夾 朱 古 力 味 呀!好 夾 雪 糕 呀!好 幸 福 呀!大 廚 問 我 覺 得 點 ,我 四 萬 咁 口 答 : Want to have some more!



  Petit four 賣 相 亦 比 以 前 靚 咗 、好 食 咗。 



 超 完 美 嘅 一 餐 ,好 想 下 星 期 再 嚟 回 味 、再 嚟 食 草。



   最 後 ,公 關 送 上 印 有 酒 店 名 字 嘅 朱 古 力 豆 ,回 家 途 中 食 吓 食 吓 好 快 食 晒。



 真 係 m&m's 朱 古 力 豆 嚟 架!咁 特 別 ,下 次 要 問 靚 女 攞 多 兩 樽 至 得。

 
 電 話 : 2315 5999           平 均 消 費 : $1000 - $1200 / 位 

 地 址 : 尖 沙 咀 彌 敦 道 118 號 The mira 5 樓 

 


上一篇: 【你睇!! 多啦A夢嚟啦!誕生前100年祭】戶外展覽篇

下一篇: rasupermen 三日限定 Pop-up 拉麵店


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,077,632
所有文章: 2,060
本日訪客人數: 488
累計訪客人數: 9,893,664