文章
相簿

社 企 餐 廳 → 九 龍 塘

樂融雅敘 酒店級環境 茶餐廳消費

不眠王子 於 2009年02月06日發表   人氣:2710


  

   又 到 王 子 周 末 推 介 啦!揀 啱 地 方 ,即 使 食 平 嘢 亦 一 樣 可 以 好 浪 漫  ,睇 吓 枱 上 嘅 擺 設 幾 romantic!信 唔 信 $100 可 以 埋 單 呢 ? 

  

 

   外 面 望 入 去 ,呢 間 餐 廳 係 咪 好 Grand 呢?今 次 介 紹 呢 間 餐 廳 係 位 於 九 龍 塘 嘅 樂 融 雅 敘 ,又 一 城 行 過 去 都 幾 遠

  

   樂 融 雅 敘 係 為 弱 能 人 士 提 供 就 業 及 實 習 機 會 嘅 餐 廳 ,收 入 盈 餘 會 全 數 用 作 發 展 復 康 服 務 。坦 白 講 ,呢 度 啲 侍 應 反 應 快 又 有 禮 貌 ,比 起 市 面 好 多 餐 廳 更 好 招 呼

   

   餐 廳 外 有 大 大 張 梳 化 ,等 朋 友 時 可 以 舒 舒 服 服 咁 等

  

 

   樓 底 高 到 好 似 酒 店 咁 ,地 方 又 大 、啲 櫈 又 坐 得 舒 服

  

   唔 少 玻 璃 窗 台 上 放 滿 大 大 個 毛 公 仔 ,好 童 話 feel 呀!

  

   唔 只 窗 台 上 有 ,就 連 每 張 枱 上 都 放 咗 個 熊 bear bear 架 

  

   睇 吓 一 對 熊 bear bear 調 味 瓶 幾 得 意

  

   蘆 薈 鮮 果 沙 律 好 有 驚 喜 呀!咁 大 碟 都 係 $18 咋!

   

 

   蘆 薈 份 量 咁 多 真 係 少 見 ,而 且 大 大 粒 新 鮮 又 多 汁 ,鮮 果 全 部 都 係 用 新 鮮 貨 ,唔 似 得 出 面 啲 餐 廳 咁 用 罐 頭 貨 ,菠 蘿 好 多 汁 呀

    

 

   芝 士 吞 拿 魚 飛 碟 熱 烘 烘 又 唔 會 燶 晒 邊 ,睇 吓 隻 飛 碟 幾 咁 脹 卜 卜 ,咬 落 去 外 脆 內 軟 熟 ,證 明 麵 包 夠 新 鮮 囉

  

   芝 士 味 香 香 哋 唔 會 太 濃 ,吞 拿 魚 肉 填 到 滿 一 滿 ,熱 氣 騰 騰 好 味 道 ,$17 咁 大 份 唔 算 貴 咯

    

 

   公 司 湯 麵 都 幾 豐 富 架!有 煎 蛋 、腸 仔 、回 鍋 肉 、火 腿 再 加 條 嫩 綠 菜 心 ,賣 $20 都 幾 抵 食 呀

  

 

   雖 然 唔 係 用 一 丁 麵 ,但 麵 身 都 幾 爽 彈 ,唔 會 淥 腍 晒

  

   公 司 拼 盤 只 係 $24 碟 ,包 括 吉 列 魚 柳 、椒 鹽 雞 翼 、香 脆 雞 寶 及 雞 尾 腸 ,仲 跟 沙 律 醬 及 酸 甜 汁 俾 你 蘸

  

   吉 列 魚 柳 熱 辣 辣 夠 晒 香 脆

  

   椒 鹽 雞 翼 好 入 味 ,難 得 唔 係 翻 叮 ,一 食 就 知 即 叫 即 製

  

   飲 品 更 令 人 有 驚 喜 ,勁 大 杯 又 落 重 料 ,都 只 係 $14?

  

 

   睇 吓!用 傳 統 嘅 刨 冰 而 且 係 圓 球 形 架!相 當 有 心 思 呀

   紅 荳 冰 攪 到 起 晒 沙 後 啲 色 超 靚 ,證 明 真 係 用 靚 料 啦!紅 豆 粒 粒 都 咁 完 整 ,入 口 夠 腍 好 咬 口 食 極 都 有 ,超 正  

   什 果 賓 治 真 令 人 感 動 ,冰 球 下 一 大 堆 什 果 裝 得 滿 杯 ,而 且 又 係 用 鮮 果 ,$14 杯 你 話 去 邊 度 嘆 得 到 呀?

  

   飲 食 網 刋 登 嘅 營 業 時 間 唔 準 架!星 期 六 晚 食 到 夠 鐘 至 走,跟 住 散 住 步 行 去 又 一 城 行 吓 或 睇 番 場 戲 ,Perfect

 

 

   俾 埋 地 圖 你 睇 ,唔 怕 搵 唔 到 啦!

  

   電 話 : 2304 5011      平 均 消 費 : $30 - $55 / 位

  地 址 : 九 龍 塘 歌 和 老 街 公 園 壁 球 及 乒 乓 球 中 心 內
 
      

 


上一篇: 曲奇四重奏 情人節 送曲奇 人氣熱選

下一篇: Belgos East Mussels & More - 已結業


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,148,178
所有文章: 2,060
本日訪客人數: 1,800
累計訪客人數: 9,952,611