文章
相簿

↗ 九 龍

太子酒店 add@Prince $200有找 自助午餐

不眠王子 於 2012年08月22日發表   人氣:1206



 
  好 多 朋 友 仔 都 對 王 子 有 個 錯 覺 ,以 為 我 經 常 食 buffet 係 因 為 鍾 意 ,其 實 我 100 個 朋 友 女 生 佔 98 個 ,當 中 超 過 95% 女 仔 朋 友 鍾 意 食 buffet ,所 以 去 得 多 ,感 覺 上 就 變 咗 好 似 好 鍾 意 咁。近 年 香 港 嘅 酒 店 buffet ,已 經 好 難 再 吸 引 到 我 ,唔 怕 同 大 家 講 ,今 年 我 推 掉 得 最 多 嘅 試 食 活 動 ,正 正 就 係 buffet。例 如 太 古 嘅 Feast 及 Sugar 、麗 景 嘅 Cafe Express 、帝 京 嘅 La Scala 等 都 係 以 前 經 常 會 幫 襯 ,但 近 年 跌 watt 跌 得 最 勁 嘅 酒 店 buffet ,跌 到 我 都 唔 敢 推 介 俾 朋 友 ,好 似 港 島 東 某 個 酒 店 buffet 咁 ,可 能 你 會 見 到 食 評 網 喺 同 一 時 間 出 現 一 班 評 級 都 幾 高 嘅 食 評 人 聯 手 俾 笑 面 激 讚 ,但 當 中 亦 有 有 出 席 而 信 得 過 嘅 朋 友 卻 明 確 表 示 ,Buffet 質 素 差 到 極。

   一 堆 笑 面 背 後 只 係 俾 面 主 人 家 邀 請 而 唔 敢 去 講 真 說 話 嘅 回 禮 食 評 ,結 果 最 後 只 會 係 三 輸!相 信 食 評 嘅 食 到 一 肚 氣 ,寫 食 評 嘅 被 當 作 食 店 打 手 ,而 食 店 亦 永 遠 唔 識 得 去 改 善 缺 點。

  王 子 敢 講 真 話 ,唔 係 唔 怕 得 罪 主 人 家 ,只 係 真 心 為 對 方 好。識 諗 嘅 ,會 願 意 聽 取 意 見 ,盡 力 改 善。唔 識 諗 嘅 ,就 會 將 王 子 列 入 黑 名 單 ,唔 再 邀 請 我 ,但 我 會 有 損 失 咩?我 講 大 話 ,埋 沒 良 心 照 讚 好 ,就 真 係 會 損 失 一 班 一 直 默 默 支 持 自 己 個 Blog 嘅 朋 友 了。所 以 上 一 篇 blog ,預 咗 會 得 失 某 啲 人 ,但 我 無 半 點 後 悔 ,因 為 講 真 心 話 ,起 碼 對 得 住 自 己 良 心。 


   好 似 今 次 去 太 子 酒 店 新 開 無 耐 嘅 add@Prince 試 佢 哋 嘅 自 助 午 餐 ,我 係 獲 邀 去 嘅。以 酒 店 buffet 嘅 質 素 嚟 講 唔 算 太 高 ,但 以 $200 有 找 嘅 一 個 lunch buffet 嚟 講 ,抵 食 程 度 喺 城 中 已 經 算 係 數 一 數 二 ,更 重 要 嘅 係 店 方 唔 會 將 貨 就 價 ,收 你 咁 平 就 求 其 俾 啲 劣 質 食 材 搵 你 笨 ,所 以 最 後 評 級 唔 算 太 高 ,但 亦 值 得 一 試。

  今 次 多 謝 好 友 KC  Isaac 兄 邀 請 ,試 呢 度 嘅 自 助 午 餐 ,跟 真 心 寫 食 評 嘅 朋 友 一 齊 試 菜 永 遠 係 最 開 心 嘅!邊 part 得 、邊 part 麻 麻 ,會 如 實 報 告 ,等 你 一 去 到 就 識 得 重 點 食 邊 個 部 份。




    壽 司 只 得 幾 款 大 路 選 擇 ,望 見 大 大 團 飯 又 散 甩 甩 ,唔 食 都 知 水 準 如 何。從 來 都 覺 得 ,喺 buffet 食 壽 司 係 最 搵 自 己 笨 ,除 非 你 大 食 到 有 信 心 試 埋 其 他 美 食 又 另 作 別 論。 



    刺 身 亦 係 得 幾 款 大 路 選 擇 ,但 百 幾 蚊 嘅 buffet 有 刺 身 任 食 ,大 家 係 唔 應 該 嫌 三 嫌 四 的。 


 
 頭 盤 中 最 吸 引 嘅 ,相 信 係 幾 盤 海 鮮 吧! 


 
 蟹 腳 size 唔 算 細 ,但 水 份 流 失 嚴 重 ,肉 質 變 咗 乾 又 嚡。 


 
 凍 蝦 反 而 唔 錯 ,大 大 隻 肉 鮮 爽 口 ,所 以 食 咗 十 幾 隻 咁 多。 


 
 龍 蝦 仔 肉 質 亦 夠 鮮 甜 


 
 Cold cut 就 一 般 而 矣


 
 沙 律 選 擇 極 少 ,個 人 認 為 lunch time 應 該 多 番 啲 沙 律 菜 會 好 啲!  



    芝 士 選 擇 反 而 較 多 ,有 部 份 由 頭 到 尾 都 無 人 掂 ,唯 一 最 受 歡 迎 係 原 個 Parmesan 芝 士。  


 
 $200 有 找 嘅 自 助 午 餐,一 樣 有 即 叫 即 製 pasta ,夠 誠 意。


 
  羊 架 本 身 肉 質 唔 錯 ,可 惜 烤 得 太 熟 ,相 信 係 怕 食 客 投 訴 太 生 吧!而 我 同 KC 都 只 愛 medium rare 嘅 烤 羊 架。


 
 煎 海 斑 係 新 加 入 嘅 菜 式 ,但 試 食 呢 日 煎 得 過 熟 ,肉 質 嫩 滑 欠 奉。  




 
 燒 味 拼 盤 每 樣 試 咗 一 點 ,質 素 麻 麻 哋 ,唔 太 推 介。 



    點 心 有 幾 款 組 合 ,我 推 介 蝦 餃 拼 燒 賣 ,水 準 比 想 像 中 高 ,尤 其 是 後 者 ,豬 肉 比 例 肥 瘦 適 中。


 
 自 助 午 餐 粉 麵 不 可 少 ,配 料 以 菜 為 主 ,相 當 健 康。


 
 兩 款 湯 就 . . .一 般 般 啦!


   
  全 部 buffet 嘅 重 點 肯 定 係 甜 品 枱 ,每 分 鐘 都 係 人 頭 湧 湧 ,梗 係 啦!Movenpick 雪 糕 任 食 喎!有 幾 多 間 酒 店 敢 喺 lunch buffet 咁 玩 法 而 又 收 $200 樓 下 先?一 般 都 只 係 供 應 齋 牙 時 或 哈 根 大 師 之 嘛!而 且 add@Prince 供 應 嘅 Movenpick 雪 糕 多 達 4 款 ,仲 要 唔 係 一 般 嘅 行 貨 口 味 添!所 以 呢 餐 我 第 一 啖 放 入 口 嘅 正 正 係 cappuccino 雪 糕。 



     窩 夫 係 即 製 的 (咁 多 人 食 好 難 唔 即 製) ,見 到 唔 少 食 客 都 有 encore。


 
 熱 氣 騰 騰 就 咁 食 或 加 啲 生 果 已 經 好 正 ,但 . . . .


 
 加 球 Movenpick 雪 糕 上 去 ,遊 走 於 冷 靜 與 熱 情 之 間 才 是 王 道!  



 其 他 蛋 糕 亦 做 得 相 當 出 色 ,絕 對 要 留 肚 試 多 幾 款。





 
 當 日 最 多 人 搶 嘅 係 抹 茶 蛋 糕 ,所 以 唔 好 等 最 後 至 食 了。


 
 幾 款 杯 仔 甜 品 唔 算 太 出 色 ,但 合 格 有 餘。










'
 
 全 世 界 掛 住 食 窩 夫 、食 雪 糕 ,忽 略 咗 其 實 值 得 一 試 嘅 糖 水。



    咁 平 嘅 自 助 午 餐 ,食 評 網 仲 有 8 折 coupon 單 撈 ,係 咪 要 快 啲 捧 場 先?張 coupon 去 到 9 月 13 號 架 咋!唔 好 問 王 子 係 邊 個 食 評 網 ,自 己 搵 啦!


 
 電 話 : 2113 6046           供 應 時 間 : 12:00p.m - 2:30p.m                  

 平 均 消 費 : $198 / 位 (星 期 一 至 五)
                     $228 / 位 (星 期 六 、日 及 公 眾 假 期)


 地 址 : 尖 沙 咀 廣 東 道 23 號 海 港 城 太 子 酒 店 3 樓 


 


上一篇: 海景嘉福酒店 海景軒 夏日茶 ● 花 ● 果之魅

下一篇: 【你睇!! 多啦A夢嚟啦!誕生前100年祭】主題咖啡室篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,698,361
所有文章: 2,060
本日訪客人數: 654
累計訪客人數: 9,554,638