文章
相簿

→ 西 貢

洪記海鮮酒樓 不知所謂 由頭差到尾

不眠王子 於 2009年02月19日發表   人氣:661


  

 

   用 碟 雞 腳 放 喺 頭 ,喺 想 話 你 知 呢 餐 有 幾 雞 ,幾 乎 無 道 菜 見 得 人 、放 到 喺 頭 ,西 貢 海 旁 除 咗 全 記 之 外 ,通 記 及 洪 記 完 全 唔 掂 ,就 以 洪 記 海 鮮 酒 樓 為 例 吧!侍 應 服 務 差 已 經 出 晒 名 ,但 估 唔 到 可 以 差 成 咁 . . .

   

 

   6 個 人 嚟 到 準 備 大 擦 一 餐 ,只 係 問 吓 是 日 有 乜 新 鮮 到 貨 、有 乜 特 別 推 介 ,得 到 一 副 悔 氣 樣 同 求 其 嘅 回 應 :「埋 去 自 己 睇 囉!樣 樣 都 新 鮮 架 啦!」

  再 問 部 份 海 鮮 幾 錢 両 同 點 收 費 ,有 人 竟 然 黑 面 . . .

  我 哋 唔 係 遊 客 ,但 都 有 幫 襯 啫!問 得 詳 細 啲 唔 駛 埋 單 先 嚟 拗 數 ,有 乜 問 題 先?呢 餐 食 咗 千 幾 蚊 ,食 到 個 個 無 晒 心 機 、火 都 嚟 埋 . . .  你 哋 睇 吓 啲 相 都 估 到 啦!

   

 

   前 菜 費 、人 頭 費 、燃 料 費 、煮 食 費 . . . 你 哋 試 吓 唔 問 呀!睇 吓 埋 單 幾 多 錢 呀?當 然 ,你 大 把 錢 或 者 唔 志 在 ,但 唔 好 俾 人 當 水 魚 大 刀 劏 囉

   

   沙 薑 雞 腳 都 唔 好 食 . . . 衰 喺 個 醬 到

  
  

   好 似 放 堆 垃 圾 喺 碟 ,賣 相 差 到 想 嘔 ,仲 要 勁 多 空 殼

  

   我 無 食 到 呀 . . . 個 個 都 話 好 韌 喎!

  

 

   上 湯 龍 蝦 伊 麵 斤 両 十 足 啖 啖 肉 ,全 晚 最 正 常 嘅 一 碟

   

 

   龍 蝦 肉 唔 太 彈 牙 ,但 總 算 鮮 味 ,伊 麵 散 收 收 . . . 無 食

  

   清 蒸 大 石 班 最 搵 笨 ,條 魚 唔 新 鮮 兼 蒸 到 過 晒 龍 ,魚 肉 又 嚡 又 無 魚 味 . . .

  

 

   好 多 豆 豉 但 唔 熱 嘅 帶 子

   

   鮮 甜 、肉 滑 . . . . 請 加 個「唔」字 喺 前 面

  

   唉 . . . 無 味 兼 唔 係 太 熟 嘅 西 蘭 花 一 碟

    

 

   炒 鮮 魷 雖 然 賣 相 求 其 但 咁 大 碟 . . . 算 啦!入 口 唔 韌 嘅

  

   乾 炒 牛 河 好 少 會 喺 呢 種 場 合 嗌 ,可 想 而 知 呢 餐 幾 唔 掂 啦!貫 徹 始 終 河 粉 勁 多 油 ,牛 肉 勁 腍 . . . 俾 梳 打 粉 醃 到!

  

   西 瓜 唔 靚 正 常 嘅 ,唔 啱 時 節 嘛!咪 當 係 為 呢 餐 劃 上 完 美 嘅 感 嘆 號 囉 . . . 唉!

   

 

   電 話 :  2792 1348     平 均 消 費 : $250 - $300 / 位  

  地 址 : 西 貢 海 旁 廣 場 兆 日 大 樓 地 下 6 及 9-10 號 舖

 


上一篇: Sora ti.te.mo 日式西餐 情侶至啱

下一篇: 千両 高檔迴轉 圓方店 食得過


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,965,797
所有文章: 2,060
本日訪客人數: 268
累計訪客人數: 9,790,999