文章
相簿

→ 九 龍 區

海景嘉福酒店 海景軒 夏日茶 ● 花 ● 果之魅

不眠王子 於 2012年08月28日發表   人氣:762




    個 月 前 推 介 過 海 景 嘉 福 酒 店 嘅 米 芝 蓮 一 星 中 菜 廳 海 景 軒。早 前 又 收 到 酒 店 公 關 嘅 再 度 邀 請 ,試 試 佢 哋 新 推 出 嘅 八 月 限 定 菜 式 ,能 夠 再 次 拜 會 行 政 總 廚 梁 輝 雄 師 傅 ,又 可 以 跟 大 少 奶 KC 及 Isaac 等 幾 位 好 友 同 枱 食 飯 ,再 加 埋 本 身 都 係 食 友 嘅 酒 店 宣 傳 部 大 家 姐 Cecilia ,食 得 唔 開 心 . . . 至 奇!


 
 【夏 日 茶 ● 花 ● 果 之 魅 】係 8 月 限 定 ,梁 師 傅 分 別 以 茶 、花 及 生 果 去 入 饌 ,設 計 出 多 款 好 適 合 夏 天 嘅 特 別 菜 式。

  咦?8 月 . . . 即 係 最 後 4 日?係 呀!要 把 握 最 後 機 會 啦!王 子 咁 遲 至 講?因 為 我 哋 同 枱 呢 班 朋 友 仔 長 久 以 嚟 已 經 有 晒 默 契 ,唔 想 好 似 食 評 網 洗 板 式 一 次 過 交 功 課 咁 放 上 網 ,對 店 方 、對 讀 者 都 唔 係 好 事。而 我 哋 係 有 次 序 得 多 ,大 少 奶 喺 15 號 出 Blog ,Isaac 就 喺 19 號 ,KC 就 喺 24 號 ,而 我 就 壓 軸 喺 28 號 ,變 咗 好 似 每 隔 幾 日 就 提 一 提 大 家 ,而 同 時 睇 我 哋 Blog 嘅 一 班 朋 友 亦 感 覺 無 咁 重 覆。
 



    呢 晚 10 道 菜 式 ,除 咗 圍 繞 主 題 嘅 幾 味 新 菜 ,亦 唔 少 得 幾 款 百 吃 不 厭 嘅 海 景 軒 名 物。


 
 前 菜 依 然 以 惹 味 為 主 ,中 間 嘅 銀 魚 仔 每 次 嚟 都 必 定 會 掃 清 。 



   四 喜 小 花 併 ($88 / 位) 分 別 有 西 瓜 無 黃 蛋 、陳 醋 素 脆 鱔 、菊 花 雲 片 白 肉 及 糟 香 炒 魚 崧。雖 然 只 係 小 吃 ,但 要 花 嘅 工 夫 亦 唔 少 ,所 以 最 好 早 啲 打 去 預 訂。



   菊 花 雲 片 白 肉 就 咁 睇 好 似 無 乜 特 別 ,但 薄 薄 一 片 卻 肉 嫩 鬆 化 肉 味 濃 ,一 食 就 知 唔 簡 單。



    陳 醋 素 脆 鱔 其 實 係 將 冬 菇 緣 剪 成 粗 條 炸 脆 ,再 以 陳 醋 汁 去 調 味 ,香 口 鬆 炸 確 係 似 食 鱔。



   西 瓜 無 黃 蛋 配 搭 已 經 夠 晒 創 意 ,尤 其 是 後 者 以 蛋 白 做 成 豆 腐 一 樣 ,就 連 質 感 也 幾 可 亂 真 ,厲 害! 


  
  糟 香 炒 魚 崧 相 對 無 乜 特 色 ,但 鯪 魚 肉 條 相 當 鮮 味 ,炒 得 有 鑊 氣 但 不 帶 油 膩 ,加 上 香 糟 食 落 頗 醒 胃。



   菜 膽 花 膠 燉 北 菇 ($120 / 位) 係 眾 人 激 讚 之 物 ,用 料 上 乘 、火 候 足 ,湯 頭 勁 清 甜 滋 潤 ,菜 膽 腍 到 入 口 即 溶 ,北 菇 大 大 隻 卻 軟 腍 到 極 ,無 牙 三 姑 都 消 化 到。 



     牛 油 果 焗 釀 帶 子 ($280) 賣 相 精 緻 如 西 菜 ,牛 油 果 又 好 少 用 喺 中 菜 內 ,但 味 道 就 係 中 菜 feel ,咁 都 俾 梁 師 傅 諗 得 到 ,難 怪 佢 心 情 特 別 好。 



    單 係 帶 子 當 然 無 可 能 咁 大 隻 ,其 實 釀 入 咗 蝦 膠 的 ,加 入 牛 油 果 去 焗 ,釀 帶 子 爽 口 彈 牙 之 餘 多 咗 一 份 清 新 嘅 果 甜 ,非 常 討 好。


 
 香 片 茶 香 蝦 ($290) 無 需 多 講 ,蝦 係 我 嘅 至 愛 ,完! 



    講 吓 笑 之 嘛!用 茶 葉 去 炒 蝦 ,咁 特 別 點 會 唔 講?蝦 肉 就 咁 食 酸 酸 甜 甜 勁 爽 口 ,但 唔 多 覺 有 茶 味。你 將 香 片 茶 葉 跟 蝦 肉 一 齊 放 入 口 ,就 會 滲 出 另 一 番 風 味。變 咗 一 蝦 兩 食 ,我 梗 係 唔 只 食 兩 隻 咁 少 啦! 



    原 隻 西 瓜 紅 燒 肉 ($260) 紅 噹 噹 ,靚 到 呢 . . . 係 梁 師 傅 百 份 百 嘅 原 創 菜 式 ,必 須 喺 早 一 日 預 訂。   



    熱 氣 騰 騰 嘅 西 瓜 都 係 第 一 次 食 ,西 瓜 仲 要 係 炆 過 嘅 . . . 食 之 前 真 係 難 以 想 像 係 乜 嘢 味 道 ,但 我 覺 得 味 道 OK 喎!西 瓜 汁 除 咗 西 瓜 味 ,仲 有 . . . Yes, 五 花 腩 肉 滲 出 嚟 嘅 肉 汁 精 華 呀!相 對 嚟 講 ,腩 肉 亦 帶 有 西 瓜 嘅 香 甜 ,並 非 只 係 得 個 樣。



   龍 皇 珊 瑚 煎 米 粉 ($188) 賣 相 就 確 麻 麻 ,味 道 就 頂 呱 呱!



   煎 米 粉 唔 係 未 食 過 ,但 煎 到 咁 金 黃 香 脆 之 餘 又 唔 會 散 收 收 嘅 ,一 時 間 講 唔 出 仲 有 邊 間  ,就 算 有 ,都 唔 會 出 現 咁 鮮 甜 嘅 海 鮮 芡 汁 相 伴 囉!



  狀 元 煎 茶 果 ($14 / 件) 貴 為 海 景 軒 名 物 ,自 然 每 次 嚟 到 都 要 食 啦!



     奶 皇 脆 春 卷 ($14 / 件) 外 層 固 然 炸 得 金 黃 鬆 脆 ,奶 皇 餡 做 嘅 春 卷 好 食 到 停 唔 到 口。



   薄 薄 嘅 春 卷 皮 熱 烘 烘 ,香 甜 嘅 奶 皇 餡 又 係 熱 烘 烘 ,你 諗 吓 一 咬 落 去 嗰 吓 香 甜 脆 軟 樣 樣 齊 係 幾 咁 過 癮。 



    懷 舊 山 渣 卷 ($14 / 件) 係 第 一 次 試 ,黑 菲 林 、 黃 菲 林 都 食 過 ,紅 菲 林 味 道 又 係 點 呢? 



    山 揸 卷 軟 滑 好 咬 口 ,酸 度 調 得 剛 剛 好 ,無 山 揸 餅 咁 甜。講 就 幾 隻 字 咁 容 易 ,做 就 肯 定 有 一 定 難 度 ,食 完 一 條 直 情 想 打 包 半 打 攞 走。 


 
  蛋 白 杏 仁 露 ($40 / 位) 由 梁 師 傅 即 場 親 手 烹 調 ,張 相 咁 似 . . . 係!係 用 上 次 篇 Blog 嘅 相 ,因 為 我 好 忙 . . . 咁 掛 住 食 嘢 ,無 走 埋 去 影 ,何 況 再 影 都 係 一 樣 ,梁 師 傅 依 然 笑 容 滿 面 去 煮 呢 個 一 啲 都 唔 簡 單 嘅 杏 仁 茶。



   蛋 白 杏 仁 露 熱 烘 烘 ,香 滑 甜 潤 ,依 然 係 一 碗 . . . 其 實 真 係 唔 夠 喉 ,再 次 多 謝 梁 師 傅 喺 百 忙 中 抽 空 親 自 操 刀 ,亦 多 謝 公 關 Jerri 嘅 細 心 安 排。


 
 電 話 : 2731 2883            平 均 消 費 : $500 - $600 / 位 

 
地 址 : 尖 沙 咀 麼 地 道 70 號 海 景 嘉 福 酒 店 B2 層
 

                        

 


上一篇: 如心艾朗酒店 Forte 牛頭角 意式浪漫

下一篇: 太子酒店 add@Prince $200有找 自助午餐


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,870
所有文章: 2,060
本日訪客人數: 1,392
累計訪客人數: 10,013,611