文章
相簿

→ 九 龍 區 民 間 甜 品

美麗華洒店 COCO 異國 ○ 浪漫 迎中秋

不眠王子 於 2012年09月14日發表   人氣:644




   今 年 係 王 子 收 到 最 多 月 餅 嘅 一 年 ,仲 有 機 會 去 到 酒 店 跟 大 廚 學 整 月 餅 添!但 另 一 方 面 ,我 亦 都 推 咗 唔 少 月 餅 試 食 ,人 生 苦 短 ,無 特 色 嘅 或 明 知 唔 好 食 嘅 試 嚟 做 乜?冰 皮 月 餅?試 過 一 次 就 夠 了。雪 糕 月 餅?又 係 . . . 咁 囉!咁 今 年 有 乜 好 推 介 呀?

   傳 統 嘅、有 特 色 嘅 都 有 幾 款 值 得 推 介,好 似 The mira 美 麗 華 酒 店 嘅 型 格 餅 店 
COCO ,今 年 亦 湊 熱 鬧 ,推 出 咗 4 款 充 滿 異 國 風 情 嘅 朱 古 力 月 餅 ,酒 店 餅 廚 Jean-Marc Gaucher 以 法 國 、日 本 、中 國 及 泰 國 作 主 題 ,製 作 出 
法 國 玫 瑰 、戀 戀 東 瀛 、金 迷 紙 醉 及「泰」愛 濃 情 4 款 口 味 各 有 特 色 嘅 朱 古 力 月 餅 ,而【異 國 ○ 浪 漫】型 格 朱 古 力 月 餅 系 列 每 件 售 價 係 $98。



  每 件?係 呀!可 以 獨 立 買 架!不 過 ,買 一 盒 4 個 嘅 禮 盒 裝 會 扺 好 多 ,只 係 $318 咋!差 唔 多 等 於 買 3 送 1 ,而 且 仲 可 以 自 選 口 味 添! 



   COCO 除 咗 推 出 4 款 標 準 size 嘅 朱 古 力 月 餅 ,亦 同 時 為 一 班 強 調 少 食 多 滋 味 嘅 朋 友 推 出「Bon Bon」迷 你 朱 古 力 月 餅 ,將 罪 惡 感 減 到 最 低 ,而 4 款 迷 你 版 嘅 朱 古 力 月 餅 每 件 只 係 $28。買 一 盒 12 個 嘅 禮 盒 裝 又 係 會 扺 好 多 ,只 係 $288 咋!等 於 買 10 件 送 2 件 ,而 且 仲 可 以 自 選 口 味 添! 

  最 抵 死 係 迷 你 版 表 面 上 好 似 係 標 準 size 嘅 縮 水 版 ,但 味 道 上 其 實 有 少 少 唔 同 ,所 以 個 名 亦 有 少 少 分 別 ,唔 只 喺 前 面 加 上 迷 你 咁 簡 單 ,分 別 有 迷 你 法 國 情 調 、迷 你 戀 戀 東 日、迷 你 金 粉 情 迷 及 迷 你「泰」鍾 情 4 款 口 味 嘅 朱 古 力 月 餅



    金 迷 紙 醉迷 你 金 粉 情 迷 朱 古 力 月 餅 係 代 表 中 國 ,真 心 講 句 ,實 在 太 貼 切。



   迷 你 金 粉 情 迷 朱 古 力 月 餅 ($28) 由 金 黃 牛 奶 朱 古 力 及 橘 子 黑 朱 古 力 陳 皮 夾 心 組 合 而 成 ,賣 相 上 最 似 傳 統 嘅 雙 黃 白 蓮 蓉 月 餅 ,就 連 質 感 都 做 得 相 當 似 ,只 係 蓮 蓉 餡 變 咗 做 朱 古 力 ,口 感 有 少 少 驚 喜 ,真 係 幾 似 食 緊 月 餅 架!朱 古 力 味 濃 但 唔 會 太 甜 ,有 微 微 嘅 橙 香,反 而 陳 皮 味 幾 重 吓!放 心 ,味 道 好 夾 的!


 
  金 黃 牛 奶 朱 古 力 月 餅 ($98) 以 金 黃 牛 奶 朱 古 力 配 上 橘 子 黑 朱 古 力 陳 皮 夾 心 加 香 橙 脆 餅 ,無 錯!佢 係 比 迷 你 版 多 咗 層 鬆 脆 嘅 香 橙 脆 餅 ,所 以 食 落 層 次 感 會 更 豐 富。 



   戀 戀 東 瀛迷 你 戀 戀 東 日 當 然 係 代 表 日 本 風 情 ,綠 茶 ,我 所 欲 也 ;黑 朱 古 力 ,亦 我 所 欲 也 ,二 者 製 成 月 餅 ,荷 包 怎 可 不 出 血 也。



   戀 戀 東 瀛 黑 朱 古 力 月 餅 以 綠 茶 黑 朱 古 力 面 層 配 上 黑 芝 麻 、綠 茶 及 覆 盆 子 夾 心 伴 香 草 脆 餅。 



  坦 白 講 ,王 子 當 初 都 係 俾 呢 款 綠 茶 黑 朱 古 力 月 餅 吸 引 至 跟 靚 女 公 關 講 不 如 一 次 過 試 晒 CoCo 啲 月 餅 啦!結 果 亦 一 如 所 料 ,真 係 超 ~ 好 ~ 味!



   迷 你 戀 戀 東 日 綠 茶 黑 朱 古 力 月 餅 只 係 比 標 準 版 少 咗 香 草 脆 餅 層 ,口 感 有 些 微 分 別 ,但 一 樣 咁 好 味。 



  「泰」愛 濃 情迷 你「泰」鍾 情 白 朱 古 力 月 餅 一 睇 就 知 係 代 表 泰 國 風 情 啦!望 落 賣 相 最 唔 起 眼 嘅 佢 ,偏 偏 係 4 款 月 餅 中 最 有 特 色 、最 有 驚 喜 嘅 一 款。



  迷 你「泰」鍾 情 白 朱 古 力 月 餅 面 層 由 白 朱 古 力 及 芒 果 組 合 而 成 ,內 裡 配 以 椰 子 白 朱 古 力 、椰 子 酒 夾 心 及 脆 米 ,芒 果 配 椰 子 ,感 覺 似 食 緊 泰 式 糕 品 多 過 似 食 月 餅。 



  「泰」愛 濃 情 白 朱 古 力 月 餅 跟 迷 你 版 喺 口 感 上 有 極 大 分 別 ,因 為 多 咗 層 香 草 脆 餅 之 餘 仲 有 層 芒 果 啫 喱 ,一 邊 食 一 邊 會 覺 得 軟 糯 嘅 月 餅 中 有 啲 煙 煙 韌 韌 嘅 香 甜 小 東 西 跟 自 己 嘅 牙 仔 糾 纏 ,勁 過 癮!



   法 國 玫 瑰迷 你 法 國 情 調 牛 奶 朱 古 力 月 餅 係 代 表 法 國 風 情 ,餅 廚 用 特 別 嘅 組 合 令 大 家 感 受 到 花 都 情 懷。



  迷 你 法 國 情 調 牛 奶 朱 古 力 月 餅 面 層 係 焦 糖 牛 奶 朱 古 力 ,配 以 玫 瑰 、榛 子 、杏 仁 及 香 橙 夾 心。咬 一 口 ,確 實 感 覺 到 淡 淡 嘅 玫 瑰 花 香 ,點 到 即 止 ,唔 會 有 怪 怪 嘅 感 覺 ,反 而 棒 子 及 面 層 嘅 焦 糖 味 相 當 濃 ,喜 歡 食 朱 古 力 嘅 ,會 鍾 意 到 不 得 了。 



   法 國 玫 瑰 牛 奶 朱 古 力 月 餅 ,多 咗 層 香 草 脆 餅 之 餘 仲 有 層 軟 綿 綿 嘅 玫 瑰 棉 花 糖 ,你 想 像 到 有 幾 得 意 嗎?食 食 吓 香 濃 嘅 朱 古 力 突 然 食 到 煙 煙 韌 韌 嘅 甜 絲 絲 棉 花 糖 ,真 係 勾 起 唔 少 童 年 回 憶 架! 



   講 你 都 唔 信 ,王 子 真 係 喺 COCO 跟 PR 用 咗 幾 個 小 時 去 試 晒 咁 多 款 月 餅 架!唔 肥 膩 咩?一 來 真 係 無 白 蓮 蓉 月 餅 咁 肥 膩 ,二 來 慢 慢 食 係 OK 架!朱 古 力 之 嘛!



  4 款 朱 古 力 月 餅 邊 款 最 正?買 一 盒 試 齊 4 款 啦!扺 好 多 嘛!



   迷 你 版 朱 古 力 月 餅 一 盒 12 粒 嘅 禮 盒 包 裝 好 高 貴 ,送 俾 人 包 佢 由 心 笑 咗 出 嚟!王 子 又 知?我 試 咗 囉! 



  See!個 design 幾 型 呢!  



  一 盒 4 個 嘅 標 準 size 朱 古 力 月 餅 禮 盒 裝 一 樣 咁 型 仔。



  唔 係 講 笑 ,正 到 即 場 食 完 ,每 款 帶 咗 一 盒 返 屋 企 再 嘆 過。



  朱 古 力 月 餅 仲 可 以 堂 食 架!咁 咪 好 新 鮮?係 架! 



  平 日 高 茶 時 間 ,唔 食 cake ,改 食 moon cake ,個 tea 當 堂 high 好 多。 



   食 件 朱 古 力 月 餅 、飲 杯 earl grey tea ,老 土 死 都 要 講 句 : 人 生 一 大 享 受 也!



    朱 古 力 月 餅 無 規 定 要 你 high hot tea 的 ,大 熱 天 時 ,喺 COCO 叫 杯 凍 冰 冰 嘅 特 飲 ,慢 慢 嘆 ,仲 正! 



 電 話 : 2315 5566     地 址 : 尖 沙 咀 彌 敦 道 118 號 The Mira 酒 店 大 堂

 


上一篇: Venchi 金裝七星伴月 黑朱古力月餅

下一篇: 如心艾朗酒店 Forte 牛頭角 意式浪漫


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,694,940
所有文章: 2,060
本日訪客人數: 1,672
累計訪客人數: 9,551,245