文章
相簿

民 間 甜 品

Venchi 金裝七星伴月 黑朱古力月餅

不眠王子 於 2012年09月17日發表   人氣:798




    講 開 朱 古 力 月 餅 ,超 過 130 年 歷 史 嘅 意 大 利 Venchi 今 年 亦 推 出 朱 古 力 月 餅 ,你 話 月 餅 嘅 市 場 有 幾 大 呢!不 過 佢 哋 嘅 月 餅 無 其 他 品 牌 咁 多 花 款 ,只 係 獨 沽 一 味 以 黑 朱 古 力 月 餅 迎 戰。



   Venchi 今 年 中 秋 以 金 裝 七 星 伴 月 黑 朱 古 力 月 餅 禮 盒 作 主 打 ,店 子 當 眼 處 不 難 發 現 金 光 閃 閃 嘅 包 裝。



   黑 朱 古 力 月 餅 禮 盒 ($328) 嘅 圓 形 大 金 罐 上 刻 有 花 花 圖 案 ,有 啲 似 新 年 常 見 嘅 曲 奇 罐。



  話 明 七 星 伴 月 ,除 咗 中 間 大 大 個 黑 朱 古 力 月 餅 ,伴 月 嘅 七 星 由 7 粒 特 濃 黑 朱 古 力 及 咖 啡 朱 古 力 幣 所 組 成。  


 

  黑 朱 古 力 月 餅 厚 身 勁 重 手 ,外 層 係 56% 特 濃 黑 朱 古 力 ,裡 面 係 意 大 利 榛 子 醬 夾 心 脆 香 米。



 
咁 有 份 量 嘅 月 餅,真 係 要 同 人 share 至 食 得 晒!  



  
用 意 大 利 榛 子 醬 夾 心 脆 香 米 扮 月 餅 嘅 咸 蛋 黃 ,感 覺 至 少 無 咁 大 罪 惡 感。而 特 濃 黑 朱 古 力 朱 味 香 濃 得 嚟 又 唔 會 得 個 甜 字 ,對 於 平 時 有 食 開 Venchi 朱 古 力 嘅 我 當 然 有 一 份 親 切 感 ,呢 啲 至 係 朱 古 力 嘛!



 
Venchi 黑 朱 古 力 月 餅 ($188) 亦 有 獨 立 個 裝 賣 嘅 ,不 過 ,問 完 好 nice 嘅 店 員 借 個 盒 嚟 影 相 後 ,我 都 係 要 金 裝 七 星 伴 月 黑 朱 古 力 月 餅 禮 盒 ,因 為 . . . 為 食 囉!



 電 話 : 3101 9981              平 均 消 費 : $188 - $328

 地 址 : 尖 沙 咀 海 港 城 海 運 大 廈 地 下 G16A 號 舖

 


上一篇: 王子飯店 沒有最難食 只有更難食

下一篇: 美麗華洒店 COCO 異國 ○ 浪漫 迎中秋


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,323,750
所有文章: 2,060
本日訪客人數: 418
累計訪客人數: 10,104,945