文章
相簿

→ 銅 鑼 灣

王子飯店 沒有最難食 只有更難食

不眠王子 於 2012年09月20日發表   人氣:817




   每 年 王 子 獲 邀 到 各 類 食 店 試 菜 保 守 估 計 超 過 200 遍 ,出 王 子 印 章 推 介 嘅 數 量 唔 多 、有 數 得 計 ,但 出 到 流 克 . . . 印 象 中 今 次 好 似 係 第 一 次。莫 講 話 試 菜 ,就 算 自 己 出 外 食 飯 ,絕 無 僅 有 會 遇 到 一 間 由 頭 一 道 菜 一 直 衰 到 最 後 一 道 甜 品 都 要 用 難 食 去 形 容 嘅 飯 局。

  同 場 仲 要 係 冠 蓋 雲 集 ,有 某 大 國 駐 港 總 領 事 及 一 眾 高 官 、幾 位 資 深 知 名 食 家 、一 班 本 地 飲 食 傳 媒 高 層 、多 位 本 地 星 級 名 廚 及 我 哋 幾 個 場 中 無 乜 人 識 嘅 所 謂 人 氣 Blogger。睇 住 每 一 道 菜 上 到 枱 ,大 家 都 懷 住 滿 腦 疑 問 嘅 心 情 去 試 味 ,然 後 相 視 而 笑 甚 至 開 懷 大 笑 ,笑 ,係 笑 菜 式 低 處 未 算 低 ,海 膽 炒 飯 都 未 上 ,我 哋 嗰 枱 已 走 咗 半 數 人 ,最 後 ,王 子 跟 幾 位 Blogger 相 約 到 附 近 麵 店 齊 齊 食 碗 雲 吞 麵 溝 貨 ,呢 一 局 必 定 成 為 大 家 心 中 嘅 年 度 經 典 之 最。

  
某 大 國 家 駐 港 總 領 事 館 跟 王 子 飯 店 合 作 ,由 後 者 喺 9 月 期 間 限 定 推 出 以 呢 個 國 家 為 名 嘅 美 食 節 套 餐 ,而 領 事 館 喺 星 期 一 包 咗 飯 店 嘅 其 中 一 個 貴 賓 廳 ,宴 請 數 十 位 貴 賓 試 試 當 中 嘅 數 度 菜 式。

  當 日 菜 式 主 力 選 用 加 拿 大 直 送 嘅 食 材 ,包 括 煙 三 文 魚 、走 地 雞 、龍 蝦 、牛 肉 、海 膽 、亞 麻 籽 等。水 準 差 到 咁 ,相 信 絕 大 部 份 都 唔 關 食 材 事 ,咁 關 乜 嘢 事?自 己 諗。

   以 下 菜 式 全 部 係 影 大 會 預 先 安 排 好 嘅 示 範 版 本 ,到 實 物 每 枱 係 位 上 時 ,唔 少 都 走 晒 樣。



   加 拿 大 煙 野 生 三 文 魚 野 菜 沙 律 揭 開 惡 夢 之 序 章 ,煙 三 文 魚 好 少 會 唔 好 食 ,何 況 係 野 生?但 呢 份 三 文 魚 溫 溫 吞 吞 已 經 扣 咗 唔 少 分 ,而 沙 律 菜 亦 過 份 乾 身。  



 加 拿 大 龍 蝦 海 鮮 冬 蓉 羹 龍 蝦 過 熟 ,肉 質 變 韌 而 鮮 味 欠 奉。 



   脆 皮 加 拿 大 牛 腩 脆 粉 過 厚 而 牛 腩 韌 到 不 得 了 ,咬 落 去 仲 有 唔 少 倒 汗 水 滲 出 ,原 因 大 家 心 中 有 數 吧! 



   鹽 焗 加 拿 大 走 地 雞 賣 相 卻 似 炸 子 雞 ,算!走 地 雞 嘅 肉 質 竟 然 係 得 個 嚡 字 ,都 算!但 雞 肉 鹹 到 猶 如 落 咗 幾 斤 鹽 ,我 知 鹽 焗 雞 係 鹹 ,但 都 唔 係 鹹 到 入 唔 到 口 吧?睇 吓 最 底 張 相!人 人 無 食 過 就 走 晒 了。



   香 芒 加 拿 大 銀 雪 魚 扒 係 一 個 奇 怪 嘅 組 合 ,魚 肉 唔 夠 滑 嫩 ,味 道 竟 然 頗 鹹 ,配 甜 甜 嘅 芒 果 感 覺 怪 怪 的。 



  蒜 蓉 白 菜 仔 基 本 上 好 難 會 唔 好 食 的 ,示 範 單 位 亦 相 當 企 理 ,但 實 物 卻 係 兩 回 事 ,賣 相 猶 如 廚 餘 一 樣 亂 七 八 糟 ,有 幾 碟 只 得 幾 條 菜 葉 ,好 似 俾 人 食 剩 咁 ,自 己 睇 最 底 張 相 吧!連 菜 都 無 乜 人 食 ,有 食 咗 少 少 嘅 朋 友 亦 話 白 菜 仔 淡 而 無 味。

  上 菜 時 亦 發 生 一 段 小 插 曲 ,此 道 菜 上 枱 時 ,其 中 一 位 部 長 並 非 將 碟 輕 輕 地 放 喺 各 人 面 前 ,而 係 似 趕 住 收 工 咁 ,匆 匆 放 低 便 算 ,部 份 更 可 以 用 擲 地 有 聲 去 形 容 ,因 為 佢 唔 係 放 ,而 係 拋 隻 碟 落 枱 ,無 想 過 一 間 位 於 銅 鑼 灣 嘅 中 高 檔 食 府 會 有 咁 嘅 服 務 態 度。




  加 拿 大 帶 子 海 膽 炒 飯 其 中 一 位 朋 友 食 了 一 小 啖 後 即 時 叫 大 家 小 心 ,話 海 膽 好 腥 ,我 於 是 亦 試 咗 一 口 有 唔 少 海 膽 在 內 嘅 飯 ,的 確 腥 到 我 要 即 時 吐 了 出 來 ,我 唔 知 其 他 枱 有 無 相 同 情 況 ,但 我 呢 一 枱 ,全 部 人 都 中 招 了。睇 最 底 張 相 吧!人 人 無 食 過 就 走 晒 了。



   加 拿 大 有 機 亞 麻 籽 凍 糕 連 我 呢 個 咁 鍾 意 食 甜 品 嘅 人 都 無 食 到 ,因 為 對 呢 一 餐 已 失 晒 信 心 ,所 以 no comment!



    加 拿 大 有 機 紫 麥 露 水 準 比 屋 邨 酒 樓 還 要 差 ,糖 水 尤 如 即 叫 即 滾 ,全 無 火 候 可 言 ,味 亦 淡 如 滾 水 , 睇 下 面 張 相 便 知 道 事 實。 



   呢 餐 有 9 道 菜 ,去 到 最 後 仍 有 一 半 菜 式 嘅 碟 仍 然 無 人 清 理 ,咁 高 級 嘅 食 府 有 咁 嘅 service 真 係 蔚 為 奇 觀  ,難 怪 咁 多 賓 客 無 乜 食 過 嘢 就 走 啦!

   地 址 : 銅 鑼 灣 希 慎 道 33 號 利 園 5 樓

 


上一篇: City’super 傳統月餅禮盒 意外小驚喜

下一篇: Venchi 金裝七星伴月 黑朱古力月餅


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,561,280
所有文章: 2,060
本日訪客人數: 1,371
累計訪客人數: 10,312,347