文章
相簿

→ 旺 角

添好運點心專門店 名廚主理 服務激氣

不眠王子 於 2009年04月15日發表   人氣:786


      


       見 雜 誌 話 四 季 酒 店 龍 景 軒 嘅 點 心 師 傅 紆 尊 降 貴 ,落 旺 角 自 立 門 戶 開 點 心 專 門 店 ,諗 住 過 幾 個 星 期 無 咁 迫 人 先 去 慢 慢 歎 點 心 啦!點 知 . . .  爆 場 到 不 得 了

      Anyway, 未 講 點 心 ,先 講 呢 度 啲 service ,一 個 字 :【亂】 

      收 銀 個 四 眼 阿 姐 好 明 顯 唔 係 做 開 呢 個 位 ,簡 單 嘅 加 數 可 以 計 好 耐 但 又 唔 知 點 解 唔 用 計 數 機 ,埋 單 等 到 嘔 電 ,幫 客 落 單 唔 係 漏 就 係 錯 ,亂 到 不 得 了 。加 上 呢 度 啲 枱 又 細 又 狹 窄 ,食 客 叫 點 心 自 然 係 逐 2 、3 籠 咁 叫 啦!追 加 單 呢 位 阿 姐 又 會 即 時 黑 面 ,額 頭 display 打 住【你 咁 煩 架】. . . 係 咪 好 經 典 呢

      但 一 單 還 一 單 ,呢 度 即 叫 即 製 嘅 點 心 頗 有 水 準 ,價 錢 仲 非 常 化 算 又 唔 會 將 貨 就 價 ,希 望 服 務 盡 快 改 善 啦   

      

       潮 州 蒸 粉 果 一 籠 3 件 只 賣 $10 ,但 依 然 落 足 料 製 作

      

       粉 果 外 層 玲 瓏 剔 透 、咬 落 夠 煙 韌 ,餡 料 仲 相 當 多 添

      

       古 法 糯 米 雞 咁 大 隻 都 係 賣 $15 ,大 快 活 咁 嘅 價 錢 但 有 高 級 酒 樓 咁 嘅 水 準 ,服 未?睇 吓 塊 荷 葉 幾 靚 幾 完 整

      


       糯 米 雞 熱 氣 騰 騰 兼 帶 住 陣 糯 米 清 香 ,飯 粒 煙 韌 有 至


    

       糯 米 雞 嘅 餡 料 仲 相 當 豐 富 ,嚟 到 一 定 要 試 吓!

      

       晶 瑩 鮮 蝦 餃 一 如 其 名 夠 晒 晶 瑩 通 透 ,$16 直 情 超 值

      

       蝦 餃 皮 薄 餡 靚 ,蝦 肉 亦 鮮 味 彈 牙 ,未 食 完 就 想 encore

      

       酥 皮 焗 叉 燒 包 絕 對 係 呢 度 嘅 皇 牌 點 心 ,$12 有 3 個


      


       酥 皮 焗 到 熱 辣 辣 兼 有 陣 牛 油 香 ,叉 燒 餡 夠 蜜 味 而 且 仲 係 熱 烘 烘 架!人 人 嚟 呢 度 主 要 都 係 為 咗 食 佢 咋

      

       香 滑 馬 拉 糕 反 而 無 乜 驚 喜 ,水 準 只 係 一 般 ,賣 $9 件

      

       其 實 件 馬 拉 糕 都 幾 鬆 軟 ,稍 嫌 無 乜 蛋 香 ,都 合 格 嘅!

      

       臘 味 蘿 蔔 糕 一 定 要 試 吓 ,難 得 香 口 之 餘 蘿 蔔 味 仲 相 當 重 ,咬 落 亦 唔 粉 ,一 藍 3 件 只 係 $10

      

       豉 汁 蒸 鳳 爪 亦 唔 錯 ,味 道 相 當 之 濃 ,又 係 賣 $10 咋!

       

       陳 皮 牛 肉 球 只 係 一 般 ,牛 肉 尚 算 鮮 味 ,但 感 覺 唔 到 有 丁 點 陳 皮 香 ,$10 有 3 粒 、唔 食 無 損 失

      

       韮 黃 鮮 蝦 腸 最 平 凡 ,賣 相 亦 麻 麻 ,雖 然 皮 薄 餡 靚 ,但 睇 得 出 腸 粉 包 得 好 倉 卒 ,有 啲 甩 甩 漏 漏 ,但 $15 確 係 平 

      

       鮮 蝦 都 幾 大 隻 又 彈 牙 ,整 體 味 道 都 唔 錯 嘅!

      2 個 人 掃 咗 9 款 點 心 ,連 $2 茶 芥 埋 單 都 係 $110 左 右 咋

       

       電 話 : 2332 2896            平 均 消 費 : $30 - $60 / 位

      地 址 : 旺 角 廣 華 街 8 號 翠 園 大 廈 2 期 地 下 8 號 舖

      

 


上一篇: 松記糖水店 營盤街店 比較失色

下一篇: 江南美廚 九龍城店 水準高 服務好


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,130,883
所有文章: 2,060
本日訪客人數: 1,429
累計訪客人數: 9,938,857