文章
相簿

→ 香 港

小甜谷 夏季之限定 原個鮮果冰山

不眠王子 於 2009年06月10日發表   人氣:562


       

    今 年 去 得 最 密 嘅 甜 品 屋 ,一 定 係 小 甜 谷 ,短 短 半 年 已 幫 襯 咗 6 次 ,因 為 幾 乎 每 次 去 都 發 現 有 新 作 推 出 ,我 將 最 近 3 次 所 食 嘅 一 次 過 放 喺 呢 篇 blog ,最 近 嗰 次 幫 襯 係 前 幾 日 咋 ! 

  

   


       日 式 天 婦 羅 紅 豆 酥 係 超 有 驚 喜 嘅 小 食 ,食 到 有 3 重 口 感 ,由 於 製 作 繁 複 兼 即 叫 即 製 ,所 以 要 等 10-15 分 鐘 ,但 王 子 拍 心 口 保 證 包 你 話 值 得 等 ,$32 一 啲 都 唔 貴  

      

       天 婦 羅 紅 豆 酥 食 落 似 係 先 用 腐 皮 包 住 紅 豆 蓉 ,再 喺 外 層 加 上 薄 薄 嘅 脆 槳 ,炸 到 脆 卜 卜 但 又 唔 太 油 膩 ,而 腐 皮 炸 到 香 口 得 嚟 又 有 少 少 煙 韌 ,口 感 相 當 過 癮

       

       最 內 層 嘅 紅 豆 蓉 係 用 北 海 道 紅 豆 ,綿 密 香 甜 熱 烘 烘

      

       北 海 道 紅 豆 豆 腐 花 係 個 唔 錯 嘅 組 合 ,$20 份 量 十 足 

       

       北 海 道 紅 豆 大 大 粒 入 口 都 幾 綿 密 ,咬 落 又 夠 香 甜

 

    


       有 人 話 豆 腐 花 唔 夠 甜 ,梗 係 啦!平 時 食 開 嘅 豆 腐 花 唔 係 加 糖 水 就 係 加 黃 糖 ,點 會 唔 甜 呀 ?呢 碗 只 係 帶 住 清 清 甜 甜 嘅 紅 豆 香 ,甜 過 平 時 食 開 嘅 豆 腐 花 你 就 驚 啦

      

       檸 蜜 菠 蘿 冰 山 以 原 個 冰 鎮 菠 蘿 奉 上 ,嚟 到 嗰 陣 忍 唔 住 嘩 一 聲 ,單 係 個 look 都 夠 氹 死 人 啦!$32 抵 到 爛 呀

      

       檸 蜜 菠 蘿 刨 冰 香 甜 冰 凍 之 餘 仲 內 藏 菠 蘿 肉 及 台 式 脆 珠 ,有 得 食 、有 得 飲 ,相 當 解 喝 呀 

      

       西 瓜 梅 子 冰 山 亦 係 以 原 個 冰 鎮 美 國 西 瓜 奉 上 ,嚟 到 時 又 再 嘩 多 聲 ,個 look 又 係 靚 到 殺 死 人 ,又 係 $32 咋

                    

       用 新 鮮 西 瓜 製 成 刨 冰 真 係 未 食 過 ,仲 要 刨 到 成 座 山 咁 勁 吸 引 ,上 面 粒 梅 子 鹹 鹹 哋 又 唔 係 太 酸 ,加 埋 啲 脆 珠 就 更 有 口 感 ,食 完 咁 大 座 西 瓜 冰 山 必 定 清 到 熱 氣 啦

                       

        拉 茶 華 田 冰 沙 確 係 少 見 ,口 感 仲 夠 晒 獨 特 ,阿 華 田 沙 冰 食 落 有 少 少 薑 辣 味 ,飲 落 又 有 輕 輕 嘅 奶 茶 味 ,係 咪 好 特 別 呢?$23 大 大 杯 都 值 得 試 吓 架

                      

       酒 心 朱 古 力 奶 凍 尚 有 改 善 嘅 空 間 ,朱 古 力 味 唔 夠 濃 ,而 酒 心 要 食 到 好 底 先 感 覺 到 ,$27 細 細 杯 都 幾 貴 吓!


     


       宮 廷 桂 花 糕 係 我 食 過 嘅 甜 品 屋 同 類 出 品 中 最 正 嘅! 


      


       桂 花 糕 芳 香 清 甜 ,入 口 清 涼 滑 嘟 嘟 ,$18 碟 都 算 抵 食 

      

       睇 吓 件 桂 花 糕 幾 晶 瑩 剔 透 ,甜 品 屋 少 有 咁 高 水 準 架

      

       電 話 :  2882 6133    平 均 消 費 :  $18 - $32 / 位 

      地 址 :  銅 鑼 灣 大 坑 書 館 街 10 - 11B 地 下

                       

 


上一篇: 再說一次 多謝您

下一篇: 九記牛腩 不復當年勇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,325,910
所有文章: 2,060
本日訪客人數: 124
累計訪客人數: 10,107,095