文章
相簿

→ 太 子

大門橫丁 嘆八吋長 鹽燒雞皮大虎蝦

不眠王子 於 2009年06月24日發表   人氣:606


      

 

   旺 角 有 唔 少 賣 手 打 烏 冬 嘅 食 店 ,質 素 見 得 人 嘅 少 之 又 少 ,好 似 八 福 、江 川 以 專 門 店 自 稱 嘅 仲 衰 ,直 情 要 出 流 克 本 筆 記 。好 食 嘅 唔 超 過 5 間 ,其 中 一 間 係 大 門 橫 丁 ,主 打 烏 冬 同 串 燒。店 內 空 間 細 細 ,但 枱 嘅 數 目 唔 少 ,感 覺 幾 狹 窄 ,旺 角 租 貴 ,可 以 體 諒 。可 幸 招 呼 尚 算 唔 錯 ,老 闆 仲 幾 nice ,會 同 啲 客 打 吓 交 道 ,聽 吓 意 見 

  

   芝 士 蟹 子 雞 串 勁 有 創 意 ,賣 相 又 靚 ,而 且 有 3 種 口 感 得 嚟 味 道 又 好 夾 ,唔 記 得 $18 還 是 $20 串 ,但 非 試 不 可

  

   芝 士 香 噴 噴 、蟹 子 夠 爽 口 、雞 肉 亦 嫩 滑 ,夠 未?

  

   串 燒 豬 頸 肉 脆 心 賣 $18 串 ,脆 心 其 實 即 係 露 筍 ,相 信 靈 感 係 嚟 自 露 筍 牛 肉 卷 ,燒 豬 頸 肉 惹 味 又 多 汁 ,捲 住 爽 口 嘅 露 筍 一 齊 食 梗 係 好 好 味 啦

  

   鹽 燒 雞 皮 大 虎 蝦 係 老 闆 親 自 推 介 ,$68 絕 對 食 得 過

  

   用 足 有 8-9 吋 長 嘅 新 鮮 游 水 大 虎 蝦 ,蝦 肉 夠 厚 夠 彈 牙

    

 

   用 雞 皮 捲 住 大 虎 蝦 去 燒 ,既 可 鎖 住 大 蝦 嘅 肉 汁 ,燒 嘅 時 候 又 有 少 少 雞 油 滲 咗 落 蝦 肉 度 ,食 落 自 然 更 香 更 惹 味。我 向 來 唔 食 雞 皮 ,但 咬 咗 少 少 試 吓 ,咦!唔 韌 喎!

  

   極 上 牛 肉 手 打 烏 冬 以 為 係 一 碗 ,估 唔 到 係 熱 辣 辣 原 鍋 上 ,仲 有 個 隔 熱 套 跟 埋 ,夠 晒 貼 心 ,$54 確 係 抵 食

  

   溏 心 蛋 一 開 二 另 上 ,蛋 白 滑 嘟 嘟 ,蛋 黃 溏 心 到 睇 相 都 知 有 幾 嬌 嫩 欲 滴 ,好 想 一 啖 啜 落 去 呀 

  

   極 上 牛 肉 手 打 烏 冬 湯 底 用 上 大 量 鮮 蕃 茄 ,飲 落 唔 覺 有 加 味 精 ,其 餘 配 料 都 幾 豐 富 架

  

 

   牛 肉 份 量 雖 然 唔 太 多 ,但 勝 在 相 當 鮮 嫩

  

   手 打 烏 冬 滑 溜 得 嚟 夠 煙 韌 ,口 感 唔 錯 ,唔 會 過 腍

   

   白 味 噌 膏 蟹 湯 手 打 烏 冬 係 呢 度 嘅 鎮 店 之 寶 ,寫 明 用 最 頂 級 白 味 噌 及 2 種 新 鮮 蟹 及 膏 蟹 熬 製 。即 係 一 隻 蟹 用 嚟 熬 湯 ,一 隻 就 跟 鍋 上 ,咁 咪 好 貴?唔 係 噃!$68 咋

   

   蟹 湯 相 當 鮮 甜 ,原 隻 肉 蟹 size 唔 細 架!仲 好 多 膏 添!

  

    蟹 肉 亦 有 唔 少 ,賣 呢 個 價 錢 ,仲 跟 埋 烏 冬 ,點 忍 呀?

  又 虎 蝦 又 肉 蟹 ,埋 單 都 係 差 唔 多 $240 ,算 抵 食 架 啦!

電 話 : 2394 4330 平 均 消 費 :  $80 - $120 / 位

  地 址 : 太 子 通 菜 街 151 號 A 地 下

  

 


上一篇: 糖仁街 人氣 雙拼 雪花冰

下一篇: Monster Burger 麻麻哋好食 加價最積極


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,496,221
所有文章: 2,060
本日訪客人數: 179
累計訪客人數: 10,256,057