文章
相簿

→ 香 港

珍香園 煎釀多寶 更勝豆花

不眠王子 於 2009年07月13日發表   人氣:577


      

       今 次 講 埋 開 業 接 近 半 世 紀 嘅 珍 香 園香 港 賣 豆 腐 花 嘅 老 字 號 應 該 出 晒 blog 啦!咁 點 解 唔 放 豆 腐 花 嘅 相 喺 頂 嘅?坦 白 講 ,個 人 覺 得 珍 香 園 嘅 各 種 煎 釀 小 食 或 炸 物 比 豆 腐 花 更 值 得 推 介 ,好 過 晒 旺 角 嘅 街 邊 檔。

      一 來 佢 哋 有 自 己 嘅 工 場 ,用 料 更 新 鮮 ,唔 似 得 出 面 咁 用 其 他 工 場 交 嚟 嘅 雪 藏 貨。二 來 佢 哋 唔 會 用 環 保 油 煎 、炸 食 物。環 保 油?即 係 將 用 過 嘅 油 循 環 再 用 ,即 係 出 面 所 講 嘅 萬 年 油 。 

      

       豆 漿 有 豆 香 ,但 味 道 偏 淡 ,賣 $7 杯 不 飲 也 罷!

      

       星 洲 豆 腐 花 係 呢 度 嘅 名 物 ,只 係 賣 $7.5 碗

       

       星 洲 豆 腐 花 其 實 即 係 豆 腐 花 唔 用 糖 水 ,改 用 豆 漿 底。理 論 上 係 更 為 原 汁 原 味 ,應 該 正 好 多。而 呢 度 嘅 豆 腐 花 及 豆 漿 亦 好 重 豆 香 ,可 惜 味 道 偏 淡 ,星 洲 豆 腐 花 自 然 變 成 淡 撞 淡 、非 常 淡。剩 下 嘅 只 有 豆 腐 花 用 咗 SK II 嘅 感 覺。

      

       豆 腐 花 用 番 糖 水 底 ,感 覺 會 好 啲!豆 腐 花 真 係 好 似 用 咗 SK II 咁 ,又 白 又 滑。豆 香 好 重 ,但 豆 味 欠 奉。又 係 $7.5

      

       椒 鹽 豆 腐 真 係 正 到 非 吃 不 可 ,$10 有 4 件 ,嚟 到 嗰 陣 仲 係 熱 辣 辣 添!最 正 係 望 落 唔 油 膩 呀 嘛!

       

       厚 厚 嘅 豆 腐 釀 咗 非 常 鮮 味 嘅 鯪 魚 肉 ,呢 度 嘅 鯪 魚 肉 係 自 家 鮮 打 、唔 係 用 外 來 貨 ,雜 質 無 添 加 ,所 以 食 落 一 啲 都 唔 粉 ,鯪 魚 肉 零 舍 鮮 味 彈 牙

      

       翻 開 鯪 魚 肉 就 見 到 熱 氣 騰 騰 、勁 滑 溜 嘅 豆 腐 層 ,成 件 放 入 口 ,外 層 香 口 、魚 肉 彈 牙 、豆 腐 滑 溜 同 一 時 間 喺 口 內 散 發 ,係 咪 feel 到 有 幾 正 呢?

      

       煎 釀 多 寶 $10 有 6 件 ,選 擇 相 當 多 ,有 啲 款 式 係 呢 度 嘅 自 家 創 作 ,第 二 度 無 嘅!再 講 多 次 ,佢 哋 唔 會 用 萬 年 油 去 煎 炸 食 物 ,味 道 好 過 絕 大 部 份 嘅 街 邊 檔。

     炸 鯪 魚 球 正 到 不 得 了 ,值 得 食 多 幾 粒 ,頭 先 講 咗 呢 度 嘅 鯪 魚 肉 係 自 家 鮮 打 嘅!零 舍 鮮 味 彈 牙 又 唔 粉 ,So good!

      

       蝦 膠 釀 荔 芋 上 面 彈 牙 、下 面 香 甜 ,呢 個 組 合 夠 特 別

      

       炸 雲 吞 就 無 乜 特 別 ,得 個 香 脆

       

       生 煎 牛 肉 包 其 實 味 道 唔 錯 ,但 個 包 唔 係 即 叫 即 煎 ,咁 點 解 咁 熱 辣 辣 嘅?Um . . . 唔 知 你 聽 唔 聽 到 "叮" 一 聲 呢?

       

       牛 肉 餡 好 鮮 味 呀!如 果 煎 起 即 食 肯 定 好 正 囉!賣 $4 個

       

       電 話 : 2560 4592      平 均 消 費 : $7 - $20 / 位

      地 址 : 西 灣 河 成 安 街 12 號 地 下

      

 


上一篇: 為食直線 - 豆腐花 大集合

下一篇: Cafe Golden 服務酒店級 小小咖啡室


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,502
所有文章: 2,060
本日訪客人數: 680
累計訪客人數: 9,940,473