文章
相簿

→ 香 港

和櫻屋 布丁 蜜語

不眠王子 於 2009年07月15日發表   人氣:416


      

       逢 星 期 三 講 甜 品 店 已 變 成 習 慣 ,呢 期 最 人 氣 嘅 甜 品 店 肯 定 係 新 開 無 耐 嘅 和 櫻 屋 ,如 果 你 鍾 意 食 布 丁 ,唔 可 以 唔 嚟 呢 度 朝 聖 ,咁 誇?王 子 講 真 架!

      日 式 超 市 買 到 嘅 上 等 日 本 布 丁 ,幾 靚 都 好 始 終 唔 係 即 日 新 鮮 製 做 ,又 加 穩 定 劑 、又 加 防 腐 劑 ,就 算 唔 加 ,口 感 亦 會 隨 住 擺 放 時 間 而 變 得 無 咁 軟 滑。和 櫻 屋 嘅 布 丁 咁 人 氣 ,除 咗 用 料 落 重 本 、味 道 確 係 正 ,最 重 要 係 食 得 出 夠 新 鮮 ,暫 時 喺 香 港 無 對 手 . . . Milk Top?哈 哈 哈 . . .

      和 櫻 屋 由 兩 公 婆 主 理 ,男 主 內 、女 主 外 ,店 仔 細 細 得 個 衡 溫 櫃 ,但 感 覺 舒 服 ,老 闆 娘 nice 到 爆 ,又 細 心 、又 好 傾 ,第 2 次 去 幫 襯 已 經 認 得 王 子 ,勁 呀!

      

       呢 度 嘅 布 丁 款 式 平 均 有 10 款 左 右 ,價 錢 分 別 有 $25 及 $28 兩 種 ,材 料 全 部 由 日 本 空 運 過 嚟 ,你 今 日 所 買 到 嘅 布 丁 係 之 前 一 晚 做 起 嘅 ,唔 怪 得 味 道 咁 新 鮮 啦!

      

       除 咗 布 丁,仲 有 幾 款 以 寒 天 做 嘅 啫 喱 ,連 靚 靚 嘅 竹 筒 杯 仔 都 係 喺 日 本 訂 過 嚟 ,俾 埋 你 攞 返 屋 企 架! 

      


       靚 靚 嘅 外 賣 盒 亦 都 喺 日 本 訂 過 嚟 ,好 有 歐 洲 feel 呀!

      

       睇 盒 內 個 佈 局 就 會 feel 到 老 闆 娘 有 幾 細 心。

      

       布 丁 最 好 係 第 一 時 間 食 ,因 為 條 街 實 在 太 熱 ,布 丁 離 開 咗 個 凍 櫃 後 ,質 感 好 快 就 會 有 變 ,當 然 ,老 闆 娘 會 好 細 心 咁 問 你 要 唔 要 冰 袋 ,但 最 好 都 係 即 食 啦!

      王 子 俾 個 貼 士 大 家 啦!行 3-5 分 鐘 ,去 到 附 近 嘅 景 光 街 中 間 ,你 就 會 搵 到 嘆 布 丁 嘅 最 佳 地 點 ,即 係 邊 度?

      睇 吓 張 相 啦!記 住 入 到 去 係 咁 意 都 要 買 杯 細 汽 水 呀! 

      


       原 味 布 丁 賣 $25 ,仲 可 以 喺 栗 子 、焦 糖 、蜂 蜜 、黑 蜜 糖 或 楓 糖 中 揀 一 款 配 合 嚟 食

      

       落 糖 漿 前 先 試 一 啖 原 味 ,既 有 蛋 香 、又 有 鮮 奶 香 ,就 咁 食 都 好 OK!除 非 你 係 煙 民 至 會 覺 得 無 乜 味 囉!

      下 面 各 款 布 丁 都 係 賣 $28 ,食 完 包 你 話 物 超 所 值

      

       黑 芝 麻 布 丁 絕 對 不 能 錯 過 ,黑 芝 麻 香 濃 到 不 得 了!

      

       布 丁 香、綿 、軟 、滑 ,正 到 食 完 返 咗 屋 企 都 仲 回 味 緊

       

       柚 子 布 丁 散 發 出 濃 濃 嘅 柚 子 清 香 ,味 道 天 然 ,好 似 飲 緊 北 海 道 柚 子 牛 奶 咁 ,每 次 幫 襯 必 食 ,實 在 太 好 味 嘛! 

      

       北 海 道 紅 豆 布 丁 望 落 好 似 只 係 布 丁 上 加 幾 粒 紅 豆

      梗 係 無 咁 簡 單 啦!布 丁 底 層 其 實 都 有 紅 豆 蓉 架! 

  

   


       布 丁 配 合 埋 紅 豆 嘅 上 下 夾 擊 ,味 道 有 幾 正 仲 駛 講?


       宇 治 綠 茶 布 丁 味 道 無 想 像 中 咁 濃 ,綠 茶 味 夠 清 新

      

       布 丁 質 感 依 然 咁 滑 溜 ,紅 豆 綠 茶 牛 奶 香 又 甜 ,好 味!

   

  


       見 個 膠 杯 仔 咁 靚 ,食 完 忍 唔 住 用 牡 丹 樓 嘅 紙 巾 抹 到 乾 乾 淨 淨 ,放 番 入 靚 靚 外 賣 盒 ,攞 番 屋 企 用 嚟 整 甜 品 嘛! 

      買 完 布 丁 記 得 問 老 闆 娘 攞 張 card 儲 印 仔 ,集 齊 15 個 印 仔 就 免 費 送 你 布 丁 一 杯 架!

                      

        電 話 :  2575 3328           平 均 消 費 :  $25 - $35 / 位

       地 址 :  跑 馬 地 鳳 輝 臺 1 號 A 舖 ( 養 和 醫 院 側 )

      

 


上一篇: 八王子拉麵館 牛骨湯底玩綽頭 拉麵未入流

下一篇: 叙福小館 茶記變身 小菜館 不過不失


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,513
所有文章: 2,060
本日訪客人數: 691
累計訪客人數: 9,940,484