文章
相簿

→ 長 洲

芝心意 芝士餅 抵食到 唔捨得請

不眠王子 於 2009年08月03日發表   人氣:821


      

       剛 進 入 生 日 週 ,已 收 到 2 份 禮 物 及 紅 封 包;電 腦 店 來 電 ,話 個 硬 碟 100% 救 得 番 ,過 兩 日 有 得 攞;連 續 兩 晚 喺 唔 同 嘅 酒 店 食 咗 餐 開 懷 嘅 飯 局 . . . 返 來 囉!正 能 量 ,返 來 囉!今 個 星 期 嘅 Blog 會 唔 同 平 日 ,唔 講 黑 店 啦!生 日 週 嘛!

      長 洲 居 民 多 好 人 ,蛋 糕 零 舍 甜 入 心。跟 Openrice 地 圖 兜 咗 個 冤 枉 嘅 大 圈 ,原 來 芝 心 意 喺 正 碼 頭 對 面 條 橫 街 、人 龍 店 甘 永 泰 魚 蛋 嘅 對 面 之 嘛!

       

       小 小 餅 店 有 唔 錯 嘅 口 碑 ,一 字 記 之 曰 : 抵!講 水 準 ,佢 一 定 唔 及 南 丫 島 嘅 Shelly Cake Express ,但 Shelly 啲 cheese cake 平 均 賣 $35 - $40 件 喎!呢 度 每 件 平 均 只 賣 $14 - $16 ,以 價 論 質 ,絕 對 OK 食 得 過 ,味 道 亦 對 辦。

      

       Cheese cake 睇 見 就 口 水 猛 流 ,有 十 幾 款 咁 多 點 揀 好?

       

       益 力 多 果 凍 迷 惑 本 王 子 ,罪 大 惡 極 ,一 定 要 即 時 處 決。老 闆 娘 一 如 舖 名 ,知 你 心 意 ,即 時 獻 上 刑 具 叉 與 碟 一 套 ,王 子 為 佢 拍 下 遺 照 後 便 手 起 叉 落 . . . .  

      

       芝 士 餅 軟 綿 綿 、益 力 多 味 酸 酸 哋 又 帶 有 幾 分 生 果 嘅 香 甜 ,餅 底 嘅 朱 古 力 味 濃 度 恰 到 好 處 ,唔 會 蓋 過 益 力 多 嘅 清 香 ,上 面 再 加 粒 士 多 啤 梨 及 香 脆 麥 提 莎 . . . 死 未?

      咁 好 味 都 係 賣 $14 咁 平 . . . . 有 無 攪 錯?

      

       咁 抵 食 兼 意 猶 未 盡 ,梗 係 打 包 幾 件 上 船 再 大 戰 啦!

      

       日 式 豆 腐 芝 士 餅 豆 味 清 香 、質 感 軟 滑 ,只 係 賣 $16

       

       芝 士 餅 上 仲 要 有 士 多 啤 梨 及 大 片 蜜 桃 作 伴 ,正 晒!

       

       綠 茶 芝 士 餅 啱 啱 掉 轉 ,綠 茶 味 極 濃 ,變 咗 唔 太 cheese

      

       不 過 口 感 依 然 係 芝 士 餅 咁 香 軟 幼 滑 嘅!$16 抵 食 啦!

      

       焗 芒 果 芝 士 餅 味 道 同 口 感 都 比 較 遜 色 ,可 能 食 慣 免 焗 嘅 芝 士 餅 呱!呢 件 凍 餅 質 感 確 實 偏 硬 . . . 比 朱 古 力 餅 底 還 要 硬 ,芒 果 味 又 唔 太 天 然 ,所 以 放 到 最 後 至 講 囉!

      但 $14 件 . . . . 算 啦!其 他 cheese cake 咁 正! 

      

       電 話 :  9879 0095         平 均 消 費 :  $14 - $16 / 位

      地 址 :  長 洲 興 隆 街 113 號 地 下

       

 


上一篇: 天然甜品 可以食的 雪凍 必試

下一篇: JFT Store 新店 801 限定別注 Tee


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,967,440
所有文章: 2,060
本日訪客人數: 98
累計訪客人數: 9,792,632