文章
相簿

→ 北 角

意蠔屋 北角店 幾好食但 服務差

不眠王子 於 2009年08月18日發表   人氣:830


      

       幾 個 月 前 講 過 近 黃 埔 花 園 都 幾 隱 蔽 嘅 意 蠔 屋 ,最 近 見 佢 哋 喺 城 市 花 園 開 咗 分 店 ,於 是 專 程 去 踩 吓 場 ,新 店 地 方 大 過 紅 磡 店 好 多 ,格 局 似 集 團 式 快 餐 店。

      不 過 店 員 啲 態 度 . . . . 都 幾 難 頂。 

       

       芝 士 焗 肉 醬 薯 皮 係 必 食 推 介 ,自 從 喺 意 蠔 屋 食 過 好 正 嘅 芝 士 焗 三 文 魚 多 士 ,就 愛 上 呢 度 嘅 芝 士 焗 小 食。

      

       芝 士 焗 肉 醬 薯 皮 1 客 3 件 賣 $26 ,咁 嘅 價 錢 食 得 過 架!

      

       睇 吓 焗 肉 醬 薯 皮 有 幾 多 芝 士 ,熱 辣 辣 、香 噴 噴 ,正!

      

       芝 士 焗 吞 拿 魚 法 包 又 係 相 當 正 ,1 客 2 件 賣 $22 

      

       焗 吞 拿 魚 法 包 仲 多 芝 士 汁 ,香 噴 噴 食 落 yummy 到 極!

       

       法 包 亦 焗 到 香 口 脆 卜 卜 ,確 係 餐 前 嘅 最 佳 小 食

      

       甘 筍 忌 廉 湯 係 跟 餐 嘅!香 滑 creamy ,俾 錢 都 飲 得 過。

      

       意 式 茄 汁 煙 鴨 胸 意 粉 相 當 抵 食 ,$38 包 埋 剛 才 個 餐 湯 或 餐 飲 ,係 咪 抵 到 爛 先?

      

       茄 汁 意 粉 味 道 相 當 對 辦 ,唔 係 講 笑 ,有 中 高 級 西 餐 廳 嘅 水 準 ,唔 係 一 般 茶 餐 廳 貨 色。煙 鴨 胸 就 當 然 唔 係 用 咩 嘢 靚 貨 ,但 肉 質 尚 算 軟 腍 ,以 咁 嘅 價 錢 嚟 講 絕 對 超 值。

      

       芝 士 焗 大 蝦 天 使 麵 未 埋 到 嚟 已 經 索 到 勁 香 濃 嘅 芝 士 味 ,睇 吓 焗 得 幾 靚 ,包 埋 餐 飲 都 只 係 $54 ,都 幾 抵 食。

       

       睇 個 look 都 知 滲 滿 咗 芝 士 汁 啦!

      

       隻 蝦 係 咪 好 大 隻 ,但 係 雪 藏 的 . . . 無 味!

       

       天 使 麵 夠 幼 滑 夠 誘 惑 ,焗 到 香 噴 噴 嘅 芝 士 汁 令 天 使 麵 入 口 更 creamy 更 有 咬 口 ,但 唔 夠 煙 韌。

                     

                      荔 枝 檸 檬 蜂 蜜 只 係 $14 杯 ,但 味 道 似 一 杯 普 通 嘅 凍 檸 檬 水 ,荔 枝 同 蜂 蜜 味 輕 到 幾 乎 唔 覺。

                     

                      凍 檸 茶 味 道 唔 會 太 行 貨 ,OK 啦!

      埋 單 $154 ,唔 貴 ,但 唔 會 再 嚟 對 住 啲 黑 面 神!

      

       電 話 : 3482 3787                    平 均 消 費 : $50 - $80 / 位

      地 址 : 北 角 城 市 花 園 城 市 中 心 1-3 號 地 下 53 號 舖

      

 


上一篇: 冰太郎 似是而非 雪花冰 Blacklisted

下一篇: 祥利冰室 跨越半個世紀 質素今非昔比


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,335,193
所有文章: 2,060
本日訪客人數: 1,834
累計訪客人數: 10,116,352