文章
相簿

→ 旺 角

銓滿記餐廳小廚 富貴煲仔飯 黑松露入饌

不眠王子 於 2012年12月04日發表   人氣:4285




   天 寒 地 凍 ,人 多 開 飯 嘅 可 以 玩 打 邊 爐 ,人 少 呢?食 煲 仔 飯 吧!每 次 同 朋 友 出 旺 角 食 煲 仔 飯 ,王 子 只 得 一 個 選 擇 ,必 定 係 去 朗 豪 坊 後 面 嘅 銓 滿 記 餐 廳 ,有 時 半 夜 三 更 喺 旺 角 諗 唔 到 去 邊 度 食 宵 夜 ,我 9 成 亦 會 到 這 裡。我 知 ,油 麻 地 有 幾 間 好 人 氣 食 煲 仔 飯 嘅 店 ,但 要 天 寒 地 凍 企 喺 條 街 等 半 小 時 以 上 ,為 乜 要 咁 樣 作 賤 自 己?食 飯 係 為 醫 肚 ,唔 係 為 追 上 潮 流 呀! 



   坦 白 講 ,銓 滿 記 餐 廳 嘅 煲 仔 飯 ,確 係 比 早 兩 年 遜 色 咗 少 少 ,大 大 塊 飯 焦 不 復 見 ,但 仍 比 同 區 其 他 賣 煲 仔 飯 嘅 食 店 出 色 ,最 重 要 係 佢 哋 嘅 服 務 水 準 一 啲 都 唔 MK ,店 員 招 呼 好 到 不 得 了 ,你 諗 唔 到 食 乜 會 俾 啲 意 見 你 ,煲 仔 飯 上 枱 時 又 會 溫 馨 提 示 你 小 心 睇 熱 ,旺 角 嘅 茶 餐 廳 有 咁 嘅 招 呼 ,仲 有 邊 間 先?

  這 裡 嘅 煲 仔 飯 款 式 多 到 會 令 人 即 時 患 上 選 擇 困 難 症 ,部 份 配 料 仲 可 以 玩 雙 拼 ,跟 碟 油 菜 加 煲 老 火 湯 ,都 係 $62 ,唔 算 貴 了。



   上 星 期 喺 facebook 即 時 upload 話 有 黑 松 露 煲 仔 飯 供 應 ,攪 到 一 個 二 個 朋 友 仔 第 二 日 即 刻 衝 晒 去 試 ,唔 係 落 幾 滴 黑 松 露 油 提 味 咁 求 其 架!堅 係 用 意 大 利 莎 芬 妮 嘅 黑 松 露 醬 架!睇 牌 仔 以 為 得 3 款 黑 松 露 煲 仔 飯 選 擇?No 啦!款 款 煲 仔 飯 都 加 得 黑 松 露 醬 ,俾 多 $30 就 OK!扮 吓 上 等 人 ,嚟 煲 黑 松 露 鳳 爪 排 骨 煲 仔 飯 亦 得。



   呢 度 嘅 例 湯 係 一 煲 上 ,比 出 面 嘅 例 湯 多 碗 幾 架!而 且 仲 相 當 夠 火 候 ,兼 會 經 常 轉 吓 款 添!呢 晚 飲 嘅 係 椰 子 紅 蘿 蔔 豬 骨 湯。



  椰 子 紅 蘿 蔔 豬 骨 湯 落 足 料 兼 加 咗 唔 少 有 益 嘅 配 料 一 齊 煲。



 油 菜 必 定 係 西 生 菜 ,呢 度 係 2 人 份 量 ,翠 綠 無 渣 已 算 唔 錯。



   黑 松 露 窩 蛋 牛 肉 煲 仔 飯 ($89) 係 套 餐 價 ,一 樣 跟 碟 油 菜 加 煲 老 火 湯。一 打 開 煲 蓋 ,濃 濃 嘅 黑 松 露 香 味 勁 到 鄰 枱 都 聞 得 到 ,連 埋 雞 蛋 及 牛 肉 一 齊 食 ,食 到 底 都 仲 有 一 陣 香 味 未 散 ,絕 對 值 得 一 試。
 


   金 銀 蒜 粉 絲 開 邊 蝦 煲 仔 飯 ($70) 亦 係 套 餐 價 ,我 年 年 冬 天 嚟 幾 乎 每 次 都 係 食 呢 個 煲 ,一 來 我 愛 蝦 蝦 ,二 來 呢 個 配 搭 做 煲 仔 飯 真 係 香 到 鼻 塞 都 聞 到 呀!



  黑 松 露 咸 檸 七 ($38) 咁 都 俾 佢 諗 得 到 ,當 然 要 試 試。



   侍 應 好 招 呼 到 幫 我 斟 埋 七 喜 ,之 後 仲 好 nice 咁 問 我 好 唔 好 飲 添!Nice 到 咁 ,個 侍 應 仲 要 係 個 男 嘅!哈 哈!讚 呀!



   黑 松 露 咸 檸 七 係 乜 嘢 味 道?係 咸 檸 七 囉!但 一 邊 飲 一 邊 有 濃 濃 嘅 黑 松 露 香 飄 入 鼻 內 ,勁 過 癮 的。



   黑 松 露 咸 檸 七 一 定 要 單 點 ,無 得 跟 餐 ,見 跟 餐 飲 品 有 半 價 ,叫 咗 杯 熱 檸 蜜 暖 暖 胃。



   百 物 騰 貴 ,餐 廳 有 個 兩 位 用 嘅 六 道 菜 超 值 海 鮮 套 餐 ,我 每 年 都 會 食 幾 次 ,去 年 仲 係 $218 ,今 年 要 $258 了 ,但 海 鮮 加 價 密 度 高 ,值 得 諒 解 的 ,而 且 除 開 每 人 都 係 百 幾 蚊 ,依 然 係 好 抵 食。

 
六 道 菜 套 碟 包 括 油 菜 、煲 仔 飯 、紅 燒 雞 絲 鮑 翅 、辣 酒 煮 花 螺 、金 銀 蒜 蒸 蟶 子 皇 及 陳 皮 蒸 大 連 鮮 鮑 魚 ,兩 個 人 食 一 定 飽 的。



   紅 燒 雞 絲 鮑 翅 唔 係 用 粉 絲 ,真 係 有 翅 俾 你 食 吓 ,湯 頭 相 當 濃 稠 ,我 己 戒 食 翅 ,咁 補 嘅 嘢 都 係 益 王 妃。 



 油 菜 係 二 人 份 量 ,夠 大 碟。 



 辣 酒 煮 花 螺 都 有 一 打 左 右 ,惹 味 夠 辣 度。



  金 銀 蒜 蒸 蟶 子 皇 就 咁 睇 ,好 似 只 得 粉 絲 . . .



 蟶 子 皇 嘛!其 實 幾 大 隻 、幾 爽 口 鮮 味 架!



  陳 皮 蒸 大 連 鮮 鮑 魚 一 個 字 : 彈 牙!



    煲 仔 飯 可 以 自 選 的 ,就 揀 最 common 嘅 鳳 爪 排 骨 煲 仔 飯 吧!睇 相 都 見 足 料 到 唔 見 咗 啲 飯 ,去 旺 角 其 他 食 煲 仔 飯 嘅 地 方 ,無 乜 邊 間 好 似 這 裡 咁 ,配 料 堆 得 滿 滿 囉!



   煲 仔 飯 食 到 大 塊 飯 焦 係 這 裡 嘅 成 名 絕 技 ,今 年 幫 襯 過 幾 次 ,飯 焦 無 以 前 咁 大 塊 ,但 都 比 好 多 地 方 大 塊 及 完 聲 ,香 脆 可 口 ,唔 好 錯 過 呀!



  電 話 : 3760 8855              平 均 消 費 : $80 - $120

 地 址 : 旺 角 新 填 地 街 419 號 萬 福 大 廈 地 下 

                                           ↑
                            直 Click Google Map 



 


上一篇: 澳門喜來登金沙城中心酒店 Bene 班妮意大利餐廳 傳統意北風味

下一篇: Stephane Verdino "Tote Tote不絕" 花都 ● 包嚟


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,498,937
所有文章: 2,060
本日訪客人數: 815
累計訪客人數: 10,258,755