文章
相簿

→ 上 環

Masala 食咖喱 冇自卑

不眠王子 於 2009年08月27日發表   人氣:496


      

       噴 油 ,咁 日 佳 燒 里 、識 咖 喱!因 喂 識 咖 喱 ‧冇 自 卑!識 咖 喱 五 一 叮 、去 寵 兄!箱 挽 都 有 正 咖 喱 呀!Ho Ho May!

      用 番 廣 東 話 先 . . . Masala 係 間 印 度 小 店 ,地 方 細 細 但 環 境 都 幾 romantic ,而 且 消 費 都 經 濟 ,一 份 set dinner 都 係 $70 左 右。老 闆 雖 然 係 印 度 人 ,但 識 聽 識 講 廣 東 話 架!落 單 唔 駛 擔 心 溝 通 唔 到。

      呢 餐 order 咗 2 份 set dinner ,分 別 係 $65 及 $68 ,晚 餐 有 齊 主 菜 、餐 湯 、沙 律 、薄 餅 及 飯 ,好 豐 富 架!

      

       餐 湯 係 加 咗 cream 嘅 甘 筍 湯 ,好 就 好 飲 但 份 量 就 . . .

      

       脆 皮 薄 餅 係 餐 前 小 食 ,大 大 塊 已 相 當 香 脆 ,唔 駛 蘸 醬 汁 都 好 好 食 . . . 但 我 哋 最 後 都 係 蘸 到 一 滴 都 無 . . .

      

       跟 餐 嘅 烤 薄 餅 、Basamati 飯 及 沙 律 一 碟 過 上 枱

      

       Basamati 係 印 度 嘅 高 級 米 ,瘦 瘦 長 長 都 幾 好 咬 口 架!

      

       沙 律 就 麻 麻 哋!純 個 人 口 味 咋!我 好 怕 食 牛 油 果 嘛!

      

       腰 果 燴 雞 肉 最 正 其 實 係 個 汁 ,Creamy 得 嚟 甜 甜 哋!仲 有 陣 濃 濃 嘅 腰 果 香 ,就 咁 送 飯 已 經 正 到 不 得 了 ,雞 肉 就 反 而 有 少 少 嚡 ,但 整 體 水 準 都 唔 錯 嘅!

      

       瑪 沙 拉 特 式 羊 肉 唔 好 睇 佢 細 細 碟 ,食 完 都 幾 膩 吓!個 汁 好 杰 好 香 濃 ,羊 肉 份 量 雖 然 唔 多 ,但 size 都 幾 大 嚿。

       

       羊 肉 當 然 有 羶 味 ,食 落 肉 質 都 幾 腍 ,一 啲 都 唔 韌

      

       自 家 製 紅 蘿 蔔 布 甸 係 正 宗 嘅 印 度 甜 品 ,另 外 叫 嘅!賣 $22 件 ,我 同 王 妃 都 係 頭 一 次 食 ,見 到 個 賣 相 都 一 齊 O 晒 嘴 ,乜 . . . 乜 咁 似 未 蒸 嘅 豬 肉 餅 嘅 . . .? 

      

       紅 蘿 蔔 布 甸 一 放 入 口 ,再 O 多 次 嘴 ,唔 熱 亦 唔 凍 ,暖 暖 哋 個 感 覺 好 曖 昧 吓 ,唔 知 想 點 咁!味 道 無 錯 係 甘 甜 嘅!但 自 問 真 係 唔 太 習 慣 甜 品 係 咁 嘅 溫 度 同 味 道 囉!

                    

       檸 檬 茶 唔 係 跟 餐 ,要 另 加 $10 ,但 非 常 大 杯 ,而 且 超 好 飲 ,紅 茶 味 好 獨 特 、好 香 濃 ,味 道 同 我 哋 平 時 喺 西 餐 廳 所 飲 嘅 凍 檸 茶 好 唔 同 ,值 得 一 試。

      埋 單 $200 有 找 ,喺 中 上 環 區 嚟 講 都 算 抵 食 嘅! 

       

       電 話 : 2581 9777         平 均 消 費 : $80 - $100 / 位

       地 址 : 上 環 孖 沙 街 10 號 地 下

      

 


上一篇: Baraka Restaurant 抵食滋味 印度餐

下一篇: 石磨坊 天后店 正過其他分店


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,714,259
所有文章: 2,060
本日訪客人數: 726
累計訪客人數: 9,570,351