文章
相簿

澳 門 酒 店 ● 食

澳門喜來登金沙城中心酒店 Bene 班妮意大利餐廳 傳統意北風味

不眠王子 於 2012年12月07日發表   人氣:1232




   近 年 王 子 有 幸 獲 澳 門 多 間 酒 店 邀 請 ,到 過 唔 少 酒 店 旗 下 嘅 餐 廳 試 菜 ,而 好 多 時 候 總 有 幾 位 Blogger 友 好 結 伴 同 行 ,不 愁 寂 寞。但 最 近 一 次 到 新 開 無 耐 嘅 澳 門 喜 來 登 金 沙 城 中 心 酒 店 ,卻 係 單 刀 赴 會 ,兼 且 獲 得 極 高 規 格 嘅 款 待 及 令 我 極 度 難 忘 嘅 超 感 動 禮 遇 ,所 以 喺 度 一 定 要 感 謝 公 關 朋 友 S 小 姐 嘅 超 貼 心 安 排 及 到 每 間 餐 廳 試 菜 嘅 全 程 相 伴。

  今 次 王 子 史 無 前 例 獲 安 排 入 住 酒 店 最 頂 級 嘅 Premium Suites 套 房 系 列 中 ,面 積 超 過 1800 呎 嘅 Ambassador Suite 大 使 套 房 (再 上 一 級 就 係 總 統 套 房 了) ,間 房 值 得 一 提 到 要 另 外 開 一 篇 Blog 去 講 ,呢 幾 日 獲 邀 又 要 飛 去 其 他 地 方 ,希 望 下 星 期 出 到 文 吧!

  喜 來 登 旗 下 有 3 間 餐 廳 ,今 日 先 講 Bene 班 妮 意 大 利 餐 廳 ,除 咗 公 關 之 外 ,我 亦 搵 嚟 澳 門 嘅 人 氣 靚 女 blogger 好 友 Mel 幫 "口"。美 食 太 多 ,可 以 同 朋 友 share 係 最 開 心 嘅!



  
Bene
雖 然 話 係 意 大 利 餐 廳 ,但 地 方 大 到 一 眼 都 睇 唔 晒 ,而 且 仲 分 開 咗 幾 個 情 調 唔 同 嘅 區 域 ,可 以 話 係 航 母 級 嘅 意 大 利 餐 廳。但 菜 式 價 錢 卻 比 較 親 民 ,比 香 港 同 類 嘅 酒 店 餐 廳 更 經 濟 ,我 才 明 白 到 餐 廳 以 地 道 家 庭 式 意 大 利 料 理 作 為 賣 點 嘅 意 思。 



 
 想 氣 氛 浪 漫 點?可 以 選 近 餐 廳 入 口 嘅 主 區 ,環 境 比 較 暗 ,情 調 一 流 (我 開 咗 閃 光 燈 影 至 咁 清 楚 咋!)。



 
 入 到 餐 廳 左 邊 有 個 小 小 酒 吧 區 ,Happy hour 唔 想 食 嘢 可 以 同 朋 友 喺 度 摸 吓 酒 杯 底。



  
行 入 餐 廳 一 點 ,又 係 另 一 種 style ,日 間 有 陽 光 從 兩 邊 落 地 玻 璃 窗 滲 進 ,感 覺 開 揚。 



 
餐 枱 椅 嘅 色 調 跟 主 區 亦 有 所 不 同 ,適 合 跟 朋 友 仔 喺 度 開 餐。



 
有 咁 正 嘅 落 地 玻 璃 窗 ,當 然 留 作 卡 位 之 用 了。

 睇 完 幾 個 區 ,打 電 話 訂 枱 時 懂 得 選 邊 個 最 佳 位 置 吧!



 
Bene 嘅 各 式 意 大 利 粉 都 係 每 日 自 家 鮮 製 的 ,不 可 不 試。



  
餐 廳 廚 房 ,部 份 係 採 用 開 放 式 設 計 ,食 客 可 以 望 到 廚 師 即 場 製 作 各 式 pizza 及 意 大 利 粉 ,令 味 覺 以 外 ,還 多 咗 份 嗅 覺 及 視 覺 享 受。



  
餐 廳 所 用 嘅 烤 爐 ,亦 係 大 有 來 頭 嘅 澳 洲 Beech Ovens 烤 爐 ,上 網 search 過 此 爐 最 出 名 係 焗 製 pizza 及 牛 扒 ,全 世 界 有 好 多 高 級 食 府 都 係 用 佢 嘅 出 品。



  
Bene 班 妮 意 大 利 餐 廳 嘅 意 大 利 籍 總 廚 Simonetta Garelli 曾 於 多 間 米 芝 蓮 星 級 食 府 任 職 ,她 擅 於 製 作 家 鄉 意 大 利 北 部 嘅 各 式 美 食 ,尤 其 是 對 芝 士 及 肉 類 入 饌 嘅 菜 式 更 係 瞭 如 指 掌 ,王 子 有 幸 跟 星 級 大 廚 見 面 及 品 嚐 到 她 的 手 勢 實 在 幸 福 到 不 得 了。



 
一 籃 子 意 大 利 麵 包 當 然 亦 係 自 家 烘 焗 ,必 定 好 味。但 最 搶 鏡 嘅 卻 係 隨 麵 包 附 上 嘅 香 滑 黑 松 露 牛 油。



 
 無 酒 精 嘅 Welcome drink 已 忘 記 名 字 ,只 記 得 外 籍 餐 廳 經 理 竟 然 一 眼 就 認 得 出 王 子 ,原 來 佢 之 前 於 Hard Rock Cafe 工 作 ,跟 王 子 有 一 面 之 緣 ,你 話 個 世 界 幾 細。



  
櫻 桃 蕃 茄 雪 梨 沙 律 (MOP$88) 單 看 名 字 已 感 覺 到 有 幾 fresh ,
最 好 食 嘅 沙 律 係 食 材 要 夠 新 鮮 ,這 一 份 合 格 有 餘 ,大 家 掃 到 隻 碟 乾 乾 淨 淨。



  
意 式 生 牛 肉 沙 律 (MOP$100) 真 係 好 過 份 . . . 抵 食 得 太 過 份 ,你 無 睇 錯 ,我 無 寫 錯 ,真 係 齊 頭 100 蚊 ,而 且 份 量 比 香 港 嘅 同 類 餐 廳 多 超 過 1/3。
牛 肉 片 到 size 、厚 度 相 若 ,塊 塊 又 薄 又 新 鮮 ,配 菜 除 咗 常 見 嘅 巴 馬 臣 芝 士 及 火 箭 菜 ,仲 加 咗 味 道 清 怡 、香 噴 噴 嘅 檸 檬 忌 廉 汁 ,確 實 有 少 少 驚 喜 的。



  
香 煎 北 海 道 帶 子 伴 青 蘆 筍 薯 蓉 松 露 汁 (MOP$158) 帶 有 少 少 和 風 感 覺 ,賣 相 有 點 似 壽 司 ,唔 好 以 為 隻 帶 子 好 細 隻 呀!係 隻 碟 大 咋! 



  
北 海 道 帶 子 煎 至 外 微 脆 ,內 嫩 滑 ,蘆 筍 亦 爽 甜 ,睇 賣 相 你 以 為 一 口 一 件 吧!當 你 見 到 實 物 ,就 知 都 係 用 刀 叉 去 享 受 吧!


 
其 實 隻 帶 子 真 係 又 大 隻 又 厚 肉 的。



  
傳 統 意 式 香 煎 牛 柳 伴 芝 麻 菜 芝 士 片 (MOP$318) 見 到 咁 多 翠 綠 嘅 火 箭 菜 真 開 心 ,我 係 超 愛 食 火 箭 菜 的。 



 
厚 度 十 足 嘅 牛 柳 達 到 我 所 要 求 嘅 medium rare 程 度 ,肉 質 粉 嫩 肉 味 濃 ,Juicy 到 不 得 了。厚 切 6 大 片 兼 有 咁 高 嘅 質 素 ,收 這 個 價 錢 絕 對 係 物 有 所 值。,



  
巴 拿 馬 火 腿 薄 餅 (MOP$168) 係 我 最 愛 嘅 
薄 批 ,即 叫 即 焗 ,加 咗 大 量 芝 士 焗 到 香 噴 噴 ,Pizza 批 邊 勁 香 脆 ,Parma ham 亦 醃 得 夠 惹 味。



  
煙 肉 忌 廉 芝 士 意 大 利 粉 (MOP$130) 平 平 無 奇 嘅 名 字 卻 有 拍 攔 手 掌 嘅 賣 相 ,餐 廳 經 理 棒 出 大 大 個 Castelmagno 芝 士 上 枱 時 嚇 咗 我 一 跳 ,我 唔 知 道 你 點 這 個 意 粉 時 係 咪 都 會 遇 上 如此 震 撼 出 場 ,但 餐 廳 咁 上 菜 法 又 確 係 賞 心 悅 目 的。

  你 知 道 嘛?香 濃 到 不 得 了 嘅 意 大 利 Castelmagno 芝 士 每 年 只 係 限 量 生 產 6000 個 ,相 當 矜 貴 架!睇 見 成 份 意 粉 先 過 "芝" 河 才 上 碟 ,未 食 都 估 到 香 氣 撲 鼻 、「芝」味 十 足 啦!



 
 每 條 意 大 利 麵 都 充 滿 濃 濃 芝 士 香 ,滑 溜 好 咬 口 ,無 錯 食 落 係 膩 咗 少 少 ,但 咁 靚 嘅 芝 士 只 恐 怕 不 再 遇 上 ,食 完 至 算。



  
杏 仁 酒 心 芭 菲 (MOP$68) 質 感 介 乎 喺 蛋 糕 同 雪 葩 之 間 ,香 、甜 、凍 ,好 味!



 
意 大 利 熱 巧 克 力 批 伴 香 草 雪 糕 (MOP$68) 簡 單 啲 講 ,即 係 心 太 軟。



 
心 太 軟 水 準 甚 高 ,蛋 糕 外 層 焗 到 微 脆 、內 裡 鬆 軟。用 刀 輕 輕 一 切 ,朱 味 香 濃 嘅 朱 古 力 慢 慢 流 出 ,味 道 唔 會 過 甜 ,食 得 出 係 用 咗 靚 朱 古 力 去 製 作。



  
意 大 利 芝 士 蛋 糕 (MOP$68) 用 闊 身 大 杯 盛 著 ,個 人 覺 得 賣 相 麻 麻 哋 ,但 質 感 及 味 道 就 絕 對 係 水 準 之 上。

  埋 單 一 計 ,3 個 人 食 得 咁 豐 富 ,圍 到 每 人 只 係 400 蚊 鬆 少 少。咁 靚 環 境 、咁 好 服 務 、咁 多 美 食 但 咁 經 濟 價 ,有 乜 理 由 唔 出 王 子 印 章 先?




 電 話 : (853) 8113 1200    平 均 消 費 : MOP$300 - MOP$400 / 位

 地 址 : 澳 門 氹 仔 澳 門 金 沙 城 中 心 
喜 來 登 酒 店 一 樓

                     

 


上一篇: 澳門喜來登金沙城中心酒店【鮮】火鍋湯底必殺技

下一篇: 銓滿記餐廳小廚 富貴煲仔飯 黑松露入饌


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,127,927
所有文章: 2,060
本日訪客人數: 130
累計訪客人數: 9,935,915