文章
相簿

→ 中 環

北京王府水餃 獨沽一味 食水餃就夠

不眠王子 於 2009年08月31日發表   人氣:722


      

       北 京 王 府 水 餃 喺 中 環 返 工 咁 多 年 真 係 幫 襯 過 唔 少 次 ,憑 經 驗 無 論 係 水 餃 嘅 水 準 及 一 班 阿 姐 嘅 服 務 態 度 ,晚 市 肯 定 好 過 午 市 ,Lunch time 忙 到 出 晒 煙 ,樣 樣 嘢 自 然 會 跌 watt ,晚 市 就 好 得 多 ,水 餃 款 式 多 啲!阿 姐 笑 容 都 多 啲!

      但 呢 度 老 實 講 食 水 餃 好 啦!麵 呀 、小 食 呀 麻 麻 哋 咋!

      

       拍 黃 瓜 ($15) 一 向 都 係 麻 麻 之 嘛!都 唔 爽 口 ,咪 信 成 日 話 so good 嗰 個 啦!全 城 最 好?害 死 你 哋 呀!

      

       酸 辣 湯 ($15) 亦 係 一 般 ,既 唔 夠 熱 ,味 道 亦 酸 而 不 辣

      

       水 餃 平 均 $32 至 $44 ,一 客 10 粒 ,仲 可 以 同 價 玩 雙 拼

      

       王 府 嘅 水 餃 確 係 正 宗 嘅 北 京 包 法 ,皮 厚 餡 又 多 ,正!

      

       西 紅 柿 雞 蛋 餃 ($32) 要 黃 昏 6 點 後 至 有 ,因 無 用 肉 餡 ,口 感 跟 平 時 食 開 嘅 水 餃 好 唔 同 ,多 咗 份 清 新 嘅 感 覺。

      

       鮮 肉 韮 菜 餃 ($32) 一 咬 落 去 啲 肉 汁 多 到 飛 出 嚟!食 得 出 用 料 夠 新 鮮。以 上 2 款 玩 雙 拼 ,咁 就 可 以 試 多 幾 款 啦!

      

       鮮 蝦 帶 子 韮 黃 餃 ($44) 有 相 你 睇 ,絕 對 係 真 材 實 料 ,蝦 肉 彈 牙 、帶 子 亦 幾 鮮 甜 ,咁 嘅 價 錢 真 係 好 抵 食。

      

       海 參 三 鮮 餃 ($44) 就 只 係 一 般 水 準 ,海 參?唔 多 覺!

       

       2 個 人 只 係 食 咗 4 款 共 20 隻 水 餃 ,都 唔 算 多 啫!見 佢 哋 嘅 今 日 精 選 係 茴 香 鮮 肉 餃 ,好!一 於 試 埋 佢!

      

       茴 香 鮮 肉 餃 ($46) 味 道 相 當 特 別 ,都 值 得 試 吓 嘅!但 茴 香 味 相 當 濃 ,未 必 人 人 鍾 意。

      整 體 嚟 講 只 有 水 餃 食 得 過 ,其 他 就 . . . 可 免 則 免!

      

       電 話 : 2121 8006                 平 均 消 費 : $60 - $80 / 位

      地 址 : 中 環 威 靈 頓 街 98-102 號 翡 翠 中 心 地 下 A 舖

      

 


上一篇: 泰式茶餐廳 平民泰食 有特色

下一篇: 四眼仔腸粉 係好平 但被神話化了


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,848
所有文章: 2,060
本日訪客人數: 1,370
累計訪客人數: 10,013,589