文章
相簿

→ 香 港

甜品大少 中西甜品 創意無限

不眠王子 於 2009年09月02日發表   人氣:561


      

       小 甜 谷 嘅 成 功 ,證 明 大 坑 得 一 間 甜 品 店 係 唔 夠 嘅!於 是 同 期 有 甜 品 大 少 出 現 ,近 期 亦 有 千 口 甘 加 入 戰 陣。因 為 小 甜 谷 嘅 甜 品 質 素 跌 咗 watt ,服 務 態 度 亦 差 咗 好 多。所 以 近 期 多 數 幫 襯 甜 品 大 少 ,呢 篇 blog 係 分 開 幾 次 食 架! 

      呢 度 地 方 細 細 坐 得 12-14 人 ,環 境 比 較 簡 約 ,甜 品 款 式 相 當 多 兼 有 中 有 西 ,喺 賣 相 上 花 過 唔 少 心 思 ,用 料 質 素 亦 上 乘 ,所 以 價 錢 平 均 比 其 他 甜 品 店 稍 高 亦 算 合 理。

      

       特 色 Baileys 芝 士 餅 ($35) 單 睇 酒 店 級 嘅 賣 相 已 經 冧 死 人 ,Baileys 味 cheese cake 有 奶 茶 味?定 有 酒 香?期 待 吧?

                     

       芝 士 餅 上 嘅 士 多 啤 梨 只 係 作 點 綴 ,但 一 樣 整 到 靚 靚

      

       Baileys 芝 士 餅 帶 有 微 微 嘅 酒 香 ,呷 一 口 ,好 重 嘅 Baileys 味 道 ,跟 Haagen Dazs 嘅 Baileys 雪 糕 有 啲 唔 同 ,前 者 酒 香 較 濃 、口 感 鬆 軟。後 者 酒 味 較 輕 ,但 質 感 當 然 幼 滑 得 多。

                     

        西 瓜 益 力 多 沙 冰 ($25) 味 道 無 乜 特 別 ,益 力 多 味 好 輕 好 輕 ,沙 冰 亦 打 得 唔 夠 耐 ,飲 落 比 較 水 汪 汪。失 色 咗 啲!

                     

        藍 莓 西 米 露 ($30) 細 細 杯 ,感 覺 有 啲 貴?飲 啖 先 講 啦!點 呀?啲 藍 莓 係 咪 好 靚 呢?睇 色 澤 就 知 用 咗 唔 少 藍 莓 啦!

                     

       See!西 米 裝 得 滿 滿 ,$30 係 貴 ,偶 然 一 杯 OK 嘅!

      

       話 晒 味 道 清 新 又 有 咬 口 ,兼 且 真 材 實 料 嘛!

                     

       Oreo 豆 腐 沙 冰 ($33) 咁 都 俾 佢 諗 得 到 ,一 個 字 :「絕」

      

       呢 杯 沙 冰 反 而 打 得 靚 ,朱 古 力 跟 豆 腐 嘅 味 道 亦 好 夾

                       

       黑 芝 麻 豆 腐 沙 冰 ($33) 係 就 係 好 香 ,但 味 道 就 . . . 怪 怪 哋 咁!太 過 淡 吧!2 杯 沙 冰 嘅 定 價 亦 過 高 ,$25 就 合 理。 

      

       北 海 道 牛 奶 布 甸 ($35) 有 原 味 及 草 莓 味 ,我 試 咗 原 味

                       

                        牛 奶 布 甸 個 賣 相 靚 成 咁 ,影 多 陣 先 食

                        

       似 唔 似 一 個 火 辣 辣 嘅 靚 女 喺 度 浸 緊 牛 奶 浴 呀?

      

       牛 奶 布 甸 質 感 更 勝 小 甜 谷 嘅 同 類 出 品 ,後 者 嘅 布 甸 最 近 跌 咗 watt ,稀 到 唔 似 布 甸 ,呢 度 嘅 布 甸 香 滑 得 多。

      

       電 話 : 3175 3868          平 均 消 費 : $50 - $00 / 位

      地 址 : 大 坑 銅 鑼 灣 道 144 號 新 發 大 廈 地 下

       

 


上一篇: 大吉居酒屋 日式放題 實在豆泥

下一篇: 泰式茶餐廳 平民泰食 有特色


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,129,468
所有文章: 2,060
本日訪客人數: 22
累計訪客人數: 9,937,450