文章
相簿

離 島 飲 食

新華都海鮮酒家 夕陽下 無敵海景 歎海鮮

不眠王子 於 2009年09月04日發表   人氣:1210


      

       又 到 王 子 周 末 推 介 啦!睇 完 上 面 張 相 就 會 明 點 解 出 王 子 印 章 ,喺 香 港 食 飯 要 有 無 敵 海 景 唔 難 ,但 9 成 係 隔 住 塊 大 玻 璃。去 西 貢 、長 洲 海 景 極 點 都 有 欄 杆 阻 住 或 人 來 人 往 ,食 海 鮮 又 要 燃 料 費 又 要 加 一 乜 乜 物 物 . . .

      山 明 水 秀 、無 敵 海 景 、環 境 清 幽 、服 務 週 到 、專 車 接 送 、明 碼 實 價 、唔 收 加 一 . . . 嘩 ~ 正 到 咁 都 唔 出 王 子 印 章 真 係 對 唔 住 自 己 ,新 華 都 海 鮮 酒 家 本 來 係 今 年 生 日 慶 祝 嘅 地 方 ,但 正 日 打 大 風 嘛!攪 到 早 幾 日 先 了 到 個 心 願

       

       刻 意 黃 昏 入 嚟!雖 然 呢 日 天 氣 一 般 ,但 都 睇 到 鹹 蛋

                     

       坐 出 面 啦!無 敵 海 景 又 唔 焗 ,海 風 無 限 飄 送 超 舒 服 

      

       東 涌 港 鐵 站 A 出 口 對 出 嘅 停 車 處 ,近 出 口 位 就 有 新 華 都 海 鮮 酒 家 嘅 專 車 免 費 送 你 去 目 的 地 ,大 約 5 分 鐘 就 到 

      

       新 華 都 有 室 內 及 室 外 ,強 烈 推 介 坐 室 外 ,你 睇 幾 正

       

       我 哋 早 咗 入 嚟!所 以 可 揀 最 佳 位 置 ,但 如 果 你 過 咗 7 點 至 嚟!最 好 就 先 訂 位 啦!因 為 夜 晚 爆 到 飛 起。

      

       生 猛 海 鮮 十 幾 款 放 晒 喺 小 艇 內 ,零 舍 有 風 味 ,諗 唔 到 點 整?店 內 阿 姐 會 俾 意 見 你 ,而 其 他 侍 應 都 好 好 禮 貌。其 實 海 鮮 唔 只 咁 少 ,餐 牌 內 仲 有 好 多 菜 式 架!而 且 小 菜 平 均 都 只 係 $48 - $58 左 右 ,唔 收 加 一 喎!梗 係 抵 食 啦!

      

       海 鮮 明 碼 實 價 ,帶 子 $18 隻 埋 單 就 係 $18 ,唔 似 西 貢 啲 海 鮮 店 咁 要 收 配 料 費 呀 、燃 料 費 呀 . . . 計 budget 都 易 啲!

      

       店 外 仲 有 個 咁 正 嘅 涼 亭 ,2 pair 情 侶 入 嚟 都 幾 好 feel

                      

       我 哋 就 係 坐 喺 呢 度 ,天 仲 未 黑 齊 ,氣 氛 都 幾 浪 漫 架!

      

       豉 椒 炒 蟶 子 皇 ($128 / 斤) 比 普 通 size 嘅 蟶 子 貴 ,但 嚟 得 呢 度 嘛!加 上 蟶 子 皇 係 王 妃 嘅 至 愛,所 以 叫 夠 一 斤 囉!

      

       雖 然 得 個 睇 字 (我 指 你 哋 ),但 應 該 睇 得 出 炒 得 好 夠 鑊 氣 吧?蟶 子 皇 爽 口 彈 牙 勁 惹 味 ,就 連 洋 蔥 都 咁 香 口。 

      

       一 邊 食 一 邊 試 新 買 嘅 F70EXR ,其 實 唔 用 閃 光 燈 都 得

       

       蒜 茸 粉 絲 蒸 帶 子 ($18 / 隻) 真 後 悔 只 叫 咗 2 隻 ,你 就 咁 睇 相 ,信 唔 信 呢 碟 嘢 只 係 $36 呀?早 知 咁 正 叫 夠 半 打 啦!

      

       蒜 茸 粉 絲 落 重 料 ,帶 子 又 大 隻 又 鮮 甜。好 難 想 像 到 $18 隻 新 鮮 帶 子 已 經 包 埋 配 料 費 、燃 料 費 、人 工 . . . 抵 到 喊!

       

       油 鹽 水 蜆 ($48) 平 時 好 少 夠 膽 叫 ,因 為 市 區 唔 少 食 肆 嘅 蜆 都 唔 夠 新 鮮 ,所 以 食 豉 椒 炒 蜆 穩 陣 得 多 ,但 講 到 鮮 味 ,梗 係 遠 不 及 油 鹽 水 蜆 啦!$48 碟 嘅 份 量 比 想 像 中 多。

      

       蜆 肉 隻 隻 都 咁 肥 美 ,味 道 鮮 甜 ,仲 唔 覺 有 沙 添!

       

       豉 油 皇 煎 中 蝦 ($180 / 斤) 係 用 游 水 海 中 蝦 ,呢 度 有 6 大 隻 重 半 斤 多 啲 ,所 以 埋 單 要 $101 ,但 計 落 都 算 抵 食。

      

       海 中 蝦 相 當 大 隻 ,仲 要 係 游 水 嘅!蝦 肉 梗 係 鮮 甜 超 彈 牙 啦!而 且 煎 到 香 口 得 嚟 仲 相 當 乾 身 ,一 啲 油 膩 都 無。

                     

       咁 浪 漫 、咁 舒 適 嘅 環 境 下 吹 住 海 風 享 用 啖 啖 鮮 蝦 肉 

      High 到 爆!浪 漫 到 暈!冧 到 死 . . . .  

       

       埋 單 時 侍 應 仲 奉 上 靚 到 起 沙 嘅 鮮 甜 西 瓜 ,可 揀 動 呀

      

       咁 鬼 暗 唔 用 閃 光 燈 就 咁 影 都 OK 喎!仲 強 過 之 前 嗰 部

      

       呢 餐 連 埋 汽 水 total 都 係 $340 ,仲 有 專 車 接 返 出 去 添! 

      

       夜 晚 9 點 離 開 ,睇 吓 依 然 座 無 虛 席 架!咁 正 點 會 嫌 遠

       

       電 話 : 2988 1450          平 均 消 費 : $120 - $170 / 位

      地 址 : 東 涌 舊 碼 頭 2 號

                            

 


上一篇: Freeze-dried Fruit 真空凍乾 鮮果脆片

下一篇: 大吉居酒屋 日式放題 實在豆泥


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,496,218
所有文章: 2,060
本日訪客人數: 176
累計訪客人數: 10,256,054