文章
相簿

→ 香 港

冰淇林 台灣正宗刨冰 登陸 太安樓

不眠王子 於 2009年09月16日發表   人氣:877


      

       上 星 期 有 人 喺 Blog 留 言 話 太 安 樓 檔 牛 雜 執 咗 ,攪 到 我 周 末 即 刻 微 服 出 巡 西 灣 河 ,唓!檔 嘢 喺 度 囉!反 而 阿 蘇 話 全 港 最 正 嗰 檔 雞 蛋 仔 就 拍 晒 烏 蠅 . . .

      估 唔 到 無 意 中 搵 到 檔 新 開 張 無 耐 ,超 有 驚 喜 嘅 台 式 小 店 ,冰 淇 林 唔 難 搵 ,由 萬 寧 門 口 直 入 就 見 ,除 咗 賣 700cc 嘅 台 式 飲 品 ,店 中 主 打 台 灣 正 宗 刨 冰。

      

       無 錯!係 台 式 刨 冰 ,唔 係 通 街 都 有 嘅 雪 花 冰 呀!

      

       三 種 冰 、五 種 冰 即 係 喺 括 號 內 嘅 20 款 配 料 中 揀 3 款 或 5 款 放 落 個 牛 奶 刨 冰 度 ,俾 多 $1 仲 可 以 加 煉 奶 添!

      

       五 種 冰 ($25) 一 到 手 ,附 近 啲 少 女 V 嘩 鬼 叫 ,鬼 咩!色 彩 繽 紛 兼 勁 大 碗 . . . 唔 係 講 笑 ,大 到 要 用 雙 手 捧 住 呀!

      

       我 揀 咗 芋 圓 、蒟 篛 、愛 玉 、寒 天 及 布 丁 5 種 配 料 ,咁 大 堆 頭 真 係 一 個 人 都 未 必 食 得 晒 ,$25 梗 係 抵 到 痺 啦! 

      

       刨 冰 質 感 超 綿 密 ,布 丁 滑 嘟 嘟 ,愛 玉 勁 大 粒 、又 係 清 甜 滑 嘟 嘟 ,芋 圓 又 夠 煙 韌 ,食 完 真 係 舒 服 死 人。

      

       芒 果 牛 奶 ($30) 整 起 嗰 陣 連 我 都 忍 唔 住 嘩 ~ 一 聲

      

       芒 果 多 到 呀 . . . 許 留 山 都 投 降 啦!食 落 仲 好 鮮 甜 喎!

      

       芒 果 上 加 咗 煉 奶 ,牛 奶 刨 冰 亦 淋 咗 啲 黑 糖 喺 面 添!真 係 爽 到 唔 知 點 形 容 好 ,一 定 要 嚟 試 吓!

      食 完 車 仔 麵 、雞 蛋 仔 ,再 嚟 呢 度 整 碗 刨 冰 ,Perfect!

       

       平 均 消 費 : $10 - $30

      地 址 : 西 灣 河 筲 箕 灣 道 57-87 號 太 安 樓 A34B 舖

      

 


上一篇: 近又吉烈黑豚專賣店 MK質素 MK服務

下一篇: 麥兆記(祖傳)廣州雲吞麵 麥氏雲吞 此家最抵食


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,332,858
所有文章: 2,060
本日訪客人數: 2,308
累計訪客人數: 10,114,023