文章
相簿

→ 旺 角

近又吉烈黑豚專賣店 MK質素 MK服務

不眠王子 於 2009年09月17日發表   人氣:735


      

       逢 星 期 四 ,我 多 數 都 會 講 啲 . . . 你 哋 明 架 啦!今 次 主 角 近 又 吉 烈 黑 豚 專 賣 店 ,其 實 無 乜 心 機 寫 呢 間 搵 笨 嘢!

      講 環 境 : 好 逼 狹 吓!如 果 坐 店 中 間 2 個 人 叫 2 個 定 食 ,一 定 唔 夠 位 擺 碟。仲 極 近 距 離 望 到 對 面 啲 客 ,好 唔 自 在。

      講 食 材 : Sorry!比 起 同 類 嘅 丼 吉 或 豚 組 ,真 係 輸 幾 條 街 ,用 靚 豚 肉 、日 本 靚 米 又 如 何?廚 房 水 準 唔 得 嘛!

      講 服 務 : 一 樣 輸 俾 同 行 ,侍 應 俾 唔 到 你 日 本 食 店 嘅 殷 勤 感 覺。白 飯 、椰 菜 絲 無 錯 係 任 食 ,但 佢 哋 唔 似 丼 吉 咁 會 主 動 問 你 添 唔 添 ,你 舉 手 叫 添 咩 . . . 分 分 鐘 睇 到 黑 面!

       我 仲 唔 好 彩 ,呢 餐 漏 單 情 況 極 嚴 重 ,小 食 酒 煮 蕃 茄 催 咗 幾 次 ,連 定 食 都 finished 至 嚟 到。跟 定 食 嘅 甜 品 又 要 等 咗 好 耐 ,亦 先 後 問 咗 2 個 侍 應 ,直 到 個 經 理 見 我 哋 食 完 嘢 好 耐 做 乜 仲 坐 喺 度 ,一 問 完 至 急 急 親 自 攞 甜 品 嚟 . . .

       講 價 錢 : 一 啲 都 唔 平 ,定 食 平 均 $148 ,雖 然 同 人 哋 差 唔 多 ,但 水 準 遜 色 得 多 ,咁 就 唔 值 呢 個 價 啦! 

                     

       炸 薯 角 拌 巨 峰 提 子 乳 酪 ($33) 賣 相 唔 錯 但 價 錢 偏 貴

       

       炸 薯 角 份 量 都 算 幾 多 ,熱 辣 辣 都 幾 好 食 ,不 過 . . . .

       

       巨 峰 提 子 乳 酪 更 吸 引 ,唔 只 薯 角 ,其 實 蘸 乜 都 咁 正

       

       蓮 藕 夾 蝦 餅 ($23) 純 係 見 到 個 名 幾 特 別 於 是 order . . .

      

       炸 得 幾 香 口 ,但 味 道 無 想 像 中 咁 正 ,蝦 餅 都 無 乜 蝦

       

       3 款 醬 汁 ,分 別 用 嚟 蘸 豚 肉 、蘸 椰 菜 絲 ,味 道 確 係 正

                   

       芝 麻 跟 人 家 一 樣 又 係 玩 自 磨 ,個 醬 汁 真 係 幾 香

      

       椰 菜 絲 亦 係 任 食 ,食 落 係 幾 爽 口 ,但 同 丼 吉 比 就 差 得 遠 ,近 又 呢 碟 只 可 以 叫 做 椰 菜 條 ,有 相 你 睇 。而 且 感 覺 到 雪 咗 幾 耐 吓 ,太 過 乾 身 ,無 晒 水 份。 

      

       味 噌 湯 . . . 把 鬼!唔 係 煲 嘅!飲 咗 半 啖 就 無 再 飲 到

      

       芝 士 吉 烈 千 層 黑 豚 定 食 ($148) 最 令 我 哋 失 望 ,味 道 仲 差 過 吉 列 黑 豚 柳 ,定 食 只 係 跟 飯 同 個 把 鬼 味 噌 湯。

      

       芝 士 吉 烈 千 層 黑 豚 就 咁 睇 真 係 炸 得 相 當 靚 ,咬 落 去 亦 香 口 鬆 脆 ,之 但 係 呢 . . . . .

       

       黑 豚 肉 係 好 嫩 ,但 無 肉 味。芝 士 亦 非 常 少 ,香 味 欠 奉

       

       吉 烈 豚 自 選 定 食 ($148) 反 而 仲 豐 富 ,叫 做 好 食 少 少

       

       酒 煮 蕃 茄 無 酒 香 ,蕃 茄 唔 係 日 本 貨 ,只 係 普 通 貨 色

      

       麻 醬 豆 腐 味 道 OK 嘅!食 落 幾 滑 ,但 唔 係 用 日 本 豆 腐

      

       炸 茄 子 一 定 好 食 嘅!如 果 咁 都 唔 好 食 就 大 件 事 啦! 

      

       里 芋 黑 豚 小 卷 外 層 香 脆 、內 層 鬆 化 ,味 道 確 唔 錯。

      

       

       吉 烈 黑 豚 柳 個 人 覺 得 好 食 過 吉 列 千 層 黑 豚 好 多 ,起 碼 肉 質 鬆 化 ,食 落 有 肉 味。但 質 素 肯 定 比 丼 吉 差 幾 班。

                    

       咖 啡 凍 係 跟 定 食 嘅 甜 品 ,Not bad 但 味 道 唔 算 太 突 出

      

       意 大 利 柚 子 雪 糕 ($25) 仲 貴 過 Haagen Dazs 嘅 杯 裝 雪 糕 ,但 味 道 清 新 自 然 非 常 正 ,仲 有 粒 粒 柚 子 肉 喺 裡 面 添!

      

       意 大 利 番 石 榴 雪 芭 ($23) 一 樣 咁 正 ,只 係 貴 咗 啲 囉!

                     

       巨 蜂 梅 梳 打 ($18) 簡 直 不 知 所 謂 ,只 不 過 係 杯 無 乜 氣 嘅 有 氣 利 賓 立 ,早 知 飲 水 好 過。

      埋 單 $460 ,完 全 唔 值 ,我 寧 願 去 丼 吉 排 餐 死 好 過!

      

       電 話 : 2363 6633           平 均 消 費 :  $180 - $230 / 位 

      地 址 : 旺 角 亞 皆 老 街 8 號 朗 豪 坊 L11-13 號 舖

     

 


上一篇: 發記小廚 鴨脷洲 小炒王 海鮮平靚正

下一篇: 冰淇林 台灣正宗刨冰 登陸 太安樓


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,325,996
所有文章: 2,060
本日訪客人數: 210
累計訪客人數: 10,107,181