文章
相簿

新 界 飲 食

雅士餐廳 專程而來 失望而回

不眠王子 於 2009年09月24日發表   人氣:642


      

       雅 士 餐 廳 係 間 別 具 一 格 嘅 港 式 西 餐 廳 ,已 經 有 30 年 歷 史 啦!我 諗 . . . 我 都 有 十 幾 年 無 嚟 過 ,本 來 專 登 入 去 點 番 食 過 嘅 招 牌 菜 ,緬 懷 一 吓 昔 日 嘅 美 味 感 覺 ,但 . . .

      此 情 不 再 矣! 

      

       被 譽 為 Amigo 雅 谷 餐 廳 嘅 平 民 版 ,皆 因 由 門 面 到 餐 廳 內 嘅 格 局 ,都 似 間 高 級 西 餐 廳 ,但 價 錢 就 走 大 眾 化 路 線

      呢 晚 點 咗 招 牌 菜 焗 銀 袋 牛 仔 餐 ($102) 及 法 式 焗 田 螺 餐 扒 紐 西 蘭 一 級 西 冷 牛 扒 ($115),埋 單 $240 只 係 一 般 西 餐 廳 嘅 價 錢 ,但 計 埋 裝 修 同 OK 嘅 服 務 ,呢 度 係 抵 食 嘅!

      

       焗 銀 袋 牛 仔 餐 ($102) 跟 牛 油 餐 包 、羅 宋 湯 、甜 品 及 餐 茶 ,都 幾 豐 富 架!牛 油 餐 包 只 得 微 暖 ,OK 啦!

      

       羅 宋 湯 比 以 前 跌 watt ,我 好 怕 飲 唔 夠 熱 嘅 羅 宋 湯 ,更 唔 喜 歡 水 汪 汪 、唔 夠 杰 身 嘅 羅 宋 湯 . . . 呢 碗 2 樣 都 做 齊

      

       焗 銀 袋 牛 柳 上 場 ,記 得 以 前 係 自 己 親 手 打 開 個 錫 紙 包 裝 ,香 噴 噴 嘅 熱 氣 即 時 湧 出 嚟!而 家 有 侍 應 效 勞 ,喺 你 面 前 拆 袋 ,原 意 係 窩 心 嘅!點 會 估 到 另 有 別 情 呢!

      侍 應 打 開 銀 袋 嗰 陣 ,一 啲 煙 都 見 唔 到 已 心 知 不 妙 。即 叫 即 焗 ,焗 起 打 開 袋 時 乜 唔 係 應 該 好 大 煙 嘅 咩?

      

       焗 銀 袋 牛 柳 嘅 做 法 本 來 係 將 牛 柳 黏 咗 雞 蛋 及 麵 粉 後 攞 去 煎 ,跟 住 加 埋 白 菌 及 紅 椒 ,再 用 錫 住 包 住 攞 去 焗。

      

       我 食 到 嘅 只 係 塊 唔 熱 嘅 牛 柳 ,感 覺 唔 到 焗 過 嘅 氣 息 ,所 謂 肉 質 嫩 滑 只 不 過 係 肉 鬆 粉 落 得 多 而 做 成 嘅 效 果。

      

       以 前 嘅 招 牌 菜 今 日 黯 然 失 色 ,只 餘 伴 菜 新 鮮 依 然 . . .

                       

                       凍 檸 茶 細 細 杯 、多 多 冰 、檸 檬 薄 薄 咁 囉

       

       法 式 焗 田 螺 餐 扒 紐 西 蘭 一 級 西 冷 牛 扒 ($115) 跟 法 國 蒜 茸 包 、酥 皮 焗 海 皇 魚 翅 湯 、甜 品 及 餐 茶 ,抵 到 爛 啦!

      法 國 蒜 茸 包 雖 然 唔 夠 熱 ,但 食 落 都 幾 鬆 脆。

                    

       酥 皮 焗 海 皇 魚 翅 湯 個 賣 相 都 幾 靚 ,包 身 焗 得 幾 均 勻

      

       海 皇 魚 翅 湯 味 道 唔 錯 ,湯 底 夠 杰 身 兼 有 唔 少 海 鮮 料

      

       法 式 焗 田 螺 4 粒 都 無 乜 肉 ,薯 茸 焗 到 過 晒 龍 、乾 咗!

      

       紐 西 蘭 一 級 西 冷 牛 扒 水 準 唔 錯 ,味 道 亦 對 辦。仲 好 食 過 焗 銀 袋 牛 柳 ,真 係 吹 到 啤 ~ 一 聲 . . .

      

       係 唔 係 紐 西 蘭 一 級 我 唔 知 ,但 牛 扒 起 碼 有 肉 味 ,食 落 亦 幾 鬆 化 ,肉 鬆 粉 有 落 但 相 當 輕 手 ,Good 啦!

       

       喺 呢 度 食 餐 最 好 跟 薯 菜 ,薯 條 夠 粗 身 、好 好 味! 

                      

       凍 朱 古 力 睇 相 都 知 唔 合 格 啦!味 道 淡 到 呢 . . . .  

      

       跟 餐 甜 品 依 舊 係 蘿 蔔 人 遮 你 ,齋 睇 都 夠 開 心 . . .

      

       電 話 : 2675 7861          平 均 消 費 : $100 - $120 / 位

      地 址 : 粉 嶺 聯 和 墟 和 豐 街 23 號 龍 景 樓 地 下

       

 


上一篇: 名寶石餐廳 童年現在 一般可愛

下一篇: 常嚐甜品 款式有創意 值得密密試


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,335,176
所有文章: 2,060
本日訪客人數: 1,817
累計訪客人數: 10,116,335