文章
相簿

→ 太 子

名寶石餐廳 童年現在 一般可愛

不眠王子 於 2009年09月25日發表   人氣:1834


      

       又 到 王 子 周 末 推 介 啦!噚 日 講 完 間 跌 咗 watt 嘅 港 式 西 餐 廳 ,已 經 有 好 熟 王 子 個 Blog 運 作 嘅 blogmate 問 我 今 日 係 咪 推 介 一 間 好 正 嘅 港 式 西 餐 廳 . . . 妖 . . . 又 俾 人 估 中 . . .

     名 寶 石 餐 廳 前 身 叫 紅 寶 石 餐 廳 ,係 一 間 老 字 號 嘅 港 式 西 餐 廳 ,我 唔 知 佢 喺 太 子 有 幾 耐 歷 史 ,但 一 定 超 過 30 年 ,王 子 細 細 個 已 經 幫 襯 佢 ,雖 然 之 後 喺 中 環 嘅 紅 寶 石 附 近 返 工 而 經 常 去 食 lunch ,但 始 終 覺 得 太 子 店 好 食 啲!

     太 子 嘅 紅 寶 石 變 咗 名 寶 石 之 後 我 少 咗 去 幫 襯 ,但 每 次 嚟 食 嘢 感 覺 都 係 咁 正 ,服 務 永 遠 有 酒 店 級 水 準 嘅 侍 應 生 、從 未 跌 過 watt 嘅 香 濃 羅 宋 湯 ,美 味 依 然 嘅 廚 師 推 介 套 餐 . . . 每 次 有 friend 問 喺 旺 角 一 帶 邊 間 餐 廳 鋸 扒 平 靚 正 ,我 一 定 揀 呢 度。其 實 喺 度 鋸 個 扒 都 要 $100 或 以 上 ,唔 係 真 係 話 特 別 平 ,但 同 樣 價 錢 ,肯 定 正 過 你 去 嗰 啲 乜 鬼 極 級 牛 、特 級 豬 嘅 所 謂 扒 王 餐 廳 10 倍 . . . 我 話 嘅! 

      呢 晚 我 帶 王 妃 嚟!佢 都 估 唔 到 太 子 有 間 咁 正 嘅 西 餐 廳 ,我 無 詳 細 睇 menu 就 點 咗 2 個 廚 師 推 介 套 餐 ,因 為 叫 得 廚 師 推 介 嘅 ,水 準 必 定 係 最 高 嘛!

      焗 釀 海 鮮 蟹 蓋 飯 ($118) 及 名 寶 石 特 式 焗 牛 柳 ($128) 嘅 套 餐 包 括 名 寶 石 忌 廉 湯 或 羅 宋 湯 、餐 茶 及 甜 品。

      

       羅 宋 湯 上 到 枱 仍 係 熱 氣 騰 騰 嘅!兼 且 色 、香 、味 俱 全 ,湯 內 材 料 豐 富 、食 極 都 有 ,呷 一 啖 已 飲 得 出 煲 咗 一 段 時 間 ,夠 晒 火 候 ,酸 辣 度 相 當 平 均 ,而 且 湯 中 仲 有 陣 香 濃 嘅 牛 肉 味。水 準 唔 咁 講 極 正 ,但 拍 得 住 高 級 餐 廳 吧!

      

       西 餐 廳 嘅 白 湯 我 飲 過 唔 少 間 ,坦 白 講 ,湯 底 又 稀 又 唔 香 滑 ,無 乜 邊 間 係 好 飲 嘅!個 人 覺 得 呢 度 嘅 名 寶 石 忌 廉 湯 ,水 準 拍 得 住 五 星 級 酒 店。記 得 以 前 同 啲 friend 嚟!必 定 嗌 一 紅 一 白 再 加 2 個 碗 仔 ,咁 就 可 以 試 晒 2 個 正 湯 嘛!

      

       忌 廉 湯 內 有 素 翅 、火 腿 絲 、雞 絲 、冬 菇 、洋 葱 . . . 足 料 程 度 似 高 級 餐 廳 多 過 似 港 式 西 餐 廳 ,入 口 香 滑 夠 creamy

      

       餐 包 一 樣 咁 正 ,熱 烘 烘 到 好 似 啱 啱 出 爐 ,鬆 軟 到 極

      

       名 寶 石 特 式 焗 牛 柳 配 黑 椒 汁 ,即 叫 即 焗 等 15 分 鐘

      

       大 大 件 酥 皮 焗 到 香 噴 噴 ,伴 住 牛 柳 一 齊 食 口 感 一 流

      

       用 刀 輕 輕 切 開 酥 皮 ,超 juicy 嘅 牛 柳 香 氣 即 撲 鼻 而 來

      

       牛 柳 肉 質 鮮 嫩 又 多 汁 ,入 口 鬆 化 肉 味 濃 ,超 好 味 呀!

      

       焗 釀 海 鮮 蟹 蓋 飯 上 到 枱 時 ,王 妃 對 眼 碌 到 大 一 大

      

       唔 好 以 為 粟 米 只 係 用 嚟 伴 碟 ,味 道 唔 正 ,食 過 你 就 知 粒 粒 飽 滿 又 清 甜。

      

       焗 釀 海 鮮 蟹 蓋 飯 有 2 大 件 ,賣 相 靚 到 令 人 唾 涎 欲 滴

      

       話 明 釀 海 鮮 ,鮮 蝦 、蟹 肉 、魷 魚 、石 斑 . . . 多 到 瀉 呀!

      

       加 埋 其 他 配 料 配 合 白 汁 及 芝 士 一 齊 焗 製 ,香 氣 撲 鼻

      

       焗 釀 海 鮮 蟹 蓋 飯 上 仲 放 咗 大 量 晶 瑩 剔 透 嘅 美 味 蟹 子

      

       蟹 蓋 內 嘅 飯 粒 焗 到 香 噴 噴 、又 軟 熟 ,兼 有 啲 蛋 絲 喺 裡 面 ,連 埋 熱 辣 辣 嘅 白 汁 一 齊 放 入 口 滋 味 到 極。 

      

       凍 奶 茶 味 道 一 般 ,凍 檸 茶 正 啲!茶 味 夠 香 、檸 檬 夠 多

      

       甜 品 有 涼 粉 、布 甸 及 啫 喱 可 選 ,頭 2 樣 中 涼 粉 好 食 啲

      

       電 話 :  2380 8029        平 均 消 費 : $100 - $140 / 位

      地 址 :  太 子 太 子 道 西 148 號 地 下

     

 


上一篇: 低調高手大街小食 隱世 正斗 雞蛋仔

下一篇: 雅士餐廳 專程而來 失望而回


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,329,946
所有文章: 2,060
本日訪客人數: 2,307
累計訪客人數: 10,111,124