文章
相簿

↘ 香 港

低調高手大街小食 隱世 正斗 雞蛋仔

不眠王子 於 2009年09月26日發表   人氣:924


      

       香 港 有 咁 多 檔 雞 蛋 仔 ,只 得 北 角 雞 蛋 仔 至 係 最 正?

      世 事 無 絕 對‧只 有 食 落 去!

                    

       呢 日 去 筲 箕 灣 食 lunch ,喺 港 鐵 站 B1 出 口 旁 邊 見 到 個 咁 嘅 易 拉 架 ,低 調 高 手 雞 蛋 仔?仲 有 首 佢 提 嘅 怪 詩 . . .

      咁 得 意 . . . 好!睇 吓 個 低 調 高 手 乜 嘢 料 先 . . .

      
 
       低 調 高 手 大 街 小 食 . . .  好 一 個 酸 溜 溜 嘅 店 名 ,低 調 嘅 老 闆 其 實 係 一 個 高 手 ,要 屈 喺 大 街 度 賣 小 食 . . . 
    
      有 一 種 龍 游 淺 水 、時 不 與 我 . . . 向 後 現 代 社 會 主 義 作 出 強 烈 控 訴 嘅 憤 世 感 覺 . . . 開 咗 幾 個 月 但 連 Openrice 都 無 佢 嘅 資 料 ,真 係 隱 世 到 爆 呀!

      

       高 手 主 要 賣 雞 蛋 仔 同 格 仔 餅 ,位 置 雖 然 偏 僻 ,但 企 咗 一 陣 ,都 不 斷 見 有 唔 少 街 坊 嚟 捧 場。望 吓 高 手 套 兵 器 ,乾 淨 到 反 晒 光 咁 ,即 時 加 咗 唔 少 印 象 分。

                      

       格 仔 餅 爐 幾 骨 子 、好 少 見 喎!唔 通 係 高 手 DIY 嘅?

      

       高 手 即 係 高 手 ,佈 咗 個 L 陣 嚟 整 雞 蛋 仔 ,3 把 絕 世 神 兵 蓄 勢 待 發 ,同 一 時 間 可 以 整 3 份 雞 蛋 仔 ,城 中 少 見!

       

       雞 蛋 仔 賣 $10 份 ,買 2 份 平 少 少 只 係 $18 ,價 錢 算 合 理

      

       單 睇 色 澤 已 知 道 高 手 所 整 嘅 雞 蛋 仔 有 料 到 ,唔 似 城 中 人 氣 嘅 麻 油 老 妖 豎 晒 指 公 話 全 港 最 正 嗰 檔 雞 蛋 仔 咁 ,色 澤 一 片 死 灰 、無 蛋 味 可 言。同 北 角 雞 蛋 仔 應 該 有 得 揮 喎!

      

       雞 蛋 仔 一 整 起 ,高 手 就 用 電 風 扇 吹 番 凍 少 少 ,醒 目! 

      

       雞 蛋 仔 色 澤 金 黃 ,粒 粒 脹 卜 卜 ,熱 烘 烘 嘅 外 層 夠 晒 鬆 脆 ,裡 面 亦 夠 鬆 軟 ,仲 有 幾 濃 嘅 蛋 香 添!好 好 味 呀!

      

       睇 吓 粒 雞 蛋 仔 裡 面 幾 飽 滿 ,你 望 番 前 幾 張 相 就 見 到 ,高 手 將 個 雞 蛋 仔 鐵 模 灌 到 滿 一 滿 ,絕 對 無 偷 工 減 料 架!

      高 手 雖 然 低 調 ,但 個 人 其 實 幾 nice 幾 好 傾 架!雞 蛋 仔 都 正 到 咁 ,下 次 一 定 嚟 試 埋 佢 嘅 格 仔 餅。

      

       平 均 消 費 : $10      地 址 : 筲 箕 灣 東 大 街 76A 號 B3 地 下

      

 


上一篇: 趙學而 國語專輯【聽聽】星期二面世

下一篇: 名寶石餐廳 童年現在 一般可愛


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,952,695
所有文章: 2,060
本日訪客人數: 1,581
累計訪客人數: 9,778,412