文章
相簿

新 界 飲 食

群記牛肉圓豬手 粉嶺三寶 名不虛傳

不眠王子 於 2009年09月28日發表   人氣:964


      

       粉 嶺 公 認 有 三 寶 ,我 唔 係 講 3 個 乜 乜 軒 樓 盤 ,而 係 四 眼 仔 腸 粉 、爵 士 拉 麵 及 群 記 牛 肉 圓 豬 手。前 2 者 都 先 後 出 過 Blog ,無 理 由 唔 講 埋 最 後 一 寶 嘅!

      群 記 牛 肉 圓 豬 手 有 超 過 30 年 歷 史 ,專 注 只 賣 牛 丸 、豬 手 、牛 腩 、家 鄉 炸 卷 等 幾 款 美 食 ,如 果 你 勁 怕 熱 ,最 好 等 天 氣 涼 啲 至 去 幫 襯 ,因 為 大 大 間 舖 連 冷 氣 都 唔 多 部 ,雖 然 有 大 風 扇 ,但 大 熱 天 時 兼 爆 場 嗰 陣 真 係 好 焗 吓!

      群 記 雖 然 話 5 點 9 收 舖 ,但 過 咗 4 點 鐘 未 必 會 食 到 佢 哋 嘅 招 牌 豬 手 ,尤 其 是 一 到 周 末 ,爆 場 到 你 唔 信 呀!

       

       群 記 另 一 名 物;辣 椒 醬 ,自 家 調 製 ,香 辣 有 至 ,唔 係 誇 張 嘅 死 辣 ,而 係 慢 慢 喺 你 咀 唇 度 滲 出 嚟 ,辣 味 中 仲 帶 有 蒜 香 及 豆 豉 香 ,極 有 層 次 感!真 係 好 想 買 樽 番 屋 企 呀! 

      

       王 子 未 夠 3 點 嚟 到 ,一 大 窩 辣 椒 醬 只 係 剩 番 咁 少 咋!

      

      辣 椒 醬 係 免 費 奉 客 嘅!唔 夠 嘅 仲 可 以 自 己 去 refill 添!

       

       牛 丸 米 ($17) 雖 然 order 咗 細 碗 ,但 份 量 其 實 都 唔 少 架!真 係 唔 夠 嘅 可 以 叫 大 碗 ,都 係 俾 多 幾 蚊 之 嘛!

      牛 丸 係 每 朝 鮮 打 嘅!爽 口 彈 牙 、牛 肉 味 亦 幾 濃 ,正!

      

       美 味 豬 手 ($19) 點 只 好 味 咁 簡 單 ,直 情 係 超 抵 食 呀!叫 咗 碗 細 嘅 都 有 咁 多 嚿 豬 手 ,你 鍾 意 可 叫 碗 大 嘅 都 係 $23

      

       群 記 只 係 用 鹽 水 、香 葉 及 胡 椒 嚟 醃 製 豬 手 ,再 攞 去 白 灼。簡 單 就 是 美‧豬 手 唔 肥 膩 . . . 好 味 好 味! 

      

       豬 手 嘅 皮 爽 滑 有 彈 性 ,好 似 用 咗 SKII 嘅 神 仙 "死" 咁!

      

       豬 手 嘅 肉 亦 相 當 鮮 嫩 有 肉 味 ,食 落 完 全 唔 覺 得 嚡 口

      喺 出 面 啲 麵 店 食 親 豬 手 多 數 都 係 皮 包 骨 ,有 幾 可 嚿 嚿 都 啖 啖 肉 咁 正 喎?所 以 話 佢 超 抵 食 係 . . . 係 好 合 理 嘅!

       

       電 話 :  2675 6382              平 均 消 費 : $17 - $30 / 位

      地 址 : 粉 嶺 聯 和 墟 聯 昌 街 5 號 豐 景 樓 地 下

      

 


上一篇: 妖言惑眾 累及無辜

下一篇: 趙學而 國語專輯【聽聽】星期二面世


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,608
所有文章: 2,060
本日訪客人數: 786
累計訪客人數: 9,940,579