文章
相簿

↘ 香 港

一口齊 有heart小店 格仔餅 有料到

不眠王子 於 2009年10月12日發表   人氣:1695


      

       我 從 未 喺 blog 內 講 過 格 仔 餅 ,唔 係 唔 鍾 意 食 ,而 係 好 食 嘅 格 仔 餅 可 遇 不 可 求 ,好 多 檔 都 係 一 啖 沙 糖 一 啖 粉 ,甜 到 死 、無 蛋 香 、唔 夠 挺 身 腍 到 死 ,得 個 熱 字 ,把 鬼!

      終 於 遇 到 一 檔 超 正 嘅 有 料 到 格 仔 餅 ,正 到 我 3 日 內 食 咗 2 次 ,一 口 齊 嘅 格 仔 餅 真 係 有 料 架!唔 係 獨 沽 一 味 狂 落 糖 ,而 係 有 唔 同 嘅 饀 料 喺 裡 面 ,有 幾 正?睇 落 去 啦!

      

       同 平 時 一 樣 ,經 過 一 口 齊 ,本 來 只 係 買 雞 蛋 仔 食 ,呢 度 其 實 唔 難 搵 ,喺 城 市 花 園 個 商 場 嘅 對 面 橫 街 咋!

      佢 哋 整 雞 蛋 仔 係 用 慢 熱 式 烘 爐 ,似 中 環 超 群 餅 店 嗰 種 ,唔 同 市 面 嘅 快 熱 式 鐵 板 ,呢 種 爐 係 上 下 傳 熱 ,熱 力 較 均 勻 ,唔 駛 吓 吓 將 鐵 板 翻 轉 再 翻 轉 咁 麻 煩。

      

       雞 蛋 仔 ($10) 即 買 即 做 ,慢 功 出 細 貨 ,要 有 心 機 等 . . .

      

       雞 蛋 仔 形 狀 雖 然 唔 夠 圓 渾 ,但 慢 熱 卻 烘 出 蛋 香

      

       蛋 色 、蛋 香、蛋 味 俱 全,北 角 又 多 檔 高 水 準 雞 蛋 仔 啦

       

       最 正 嘅 雞 蛋 仔 就 好 似 剛 出 爐 嘅 蛋 糕 咁 鬆 軟 香 噴 噴

      

       格 仔 餅 除 咗 原 味 外 ,仲 有 紅 豆 蓉 、栗 子 蓉 及 吉 士 醬

      

       紅 豆 蓉 格 仔 餅 ($11) 只 係 比 出 面 嘅 格 仔 餅 貴 啲 啲!我 覺 得 係 物 超 所 值 ,格 仔 餅 加 咗 紅 豆 蓉 原 來 係 咁 正 嘅!

       

       老 闆 將 紅 豆 蓉 搽 勺 半 塊 剛 出 爐 嘅 格 仔 餅 ,然 後 對 摺

      

       格 仔 餅 嘅 熱 力 將 紅 豆 蓉 烘 至 微 暖 ,諗 都 諗 到 有 幾 正

      

       格 仔 餅 嘅 蛋 香 、紅 豆 蓉 嘅 香 甜 ,口 感 及 味 道 更 勝 原 味

       

       情 侶 格 仔 餅 ($11) 個 名 係 王 子 改 嘅!其 實 只 不 過 係 將 2 種 配 料 放 喺 一 塊 格 仔 餅 上 ,一 次 過 可 以 試 齊 2 種 口 味 ,仲 可 以 分 開 2 小 袋 添!但 如 果 老 闆 太 忙 就 唔 好 麻 煩 佢 啦! 

      

       吉 士 醬 清 甜 嘅 味 道 其 實 都 好 夾 格 仔 餅 ,但 講 到 驚 喜 就 唔 及 紅 豆 蓉 及 栗 子 蓉 咁 搶 鏡 啦! 

      

       栗 子 蓉 上 仲 加 咗 少 少 煉 奶 ,格 仔 餅 嘅 熱 力 令 栗 子 蓉 溶 入格 仔 餅 內 ,甜 甜 哋 、綿 綿 地 ,味 道 超 正!

      

       魚 蛋 同 燒 賣 都 寫?有 特 色 咩?有!

      特 色 A : 抵 食!魚 蛋 、燒 賣 、腸 粉 任 揀 2 樣 都 只 係 $8 咋

       

       特 色 B : 香 濃 咖 喱 汁 係 自 家 製 嘅!材 料 仲 用 到 有 名 嘅 天 然 椰 子 號 出 品 添!唔 係 講 笑 ,我 蘸 到 上 癮 呀!

       

       特 色 C : 香 濃 沙 嗲 汁 亦 係 自 家 製 嘅!蘸 咖 喱 魚 蛋 至 最 

       

       咖 喱 魚 蛋 大 大 粒 ,食 落 夠 彈 牙 ,一 啲 都 唔 粉 ,點 解 蘸 沙 嗲 汁?唔 係 蘸 咖 喱 汁 咩?咁 咖 喱 魚 蛋 本 身 已 有 咖 喱 嘛! 

      

       燒 賣 就 真 係 麻 麻 哋 啦!餡 料 嘅 質 素 極 須 要 改 善 ,問 題 嚟 自 供 應 商 ,唔 關 一 口 齊 事 嘅!

      呢 間 小 店 令 我 重 拾 食 格 仔 餅 嘅 樂 趣 ,絕 對 值 得 推 薦

       

       電 話 : 2508 6948             平 均 消 費 :  $8 - $18 / 位

       地 址 : 北 角 電 廠 街 15 號 聯 和 大 厦 地 下 C1 舖 

     

 


上一篇: 七本(居食屋)日本料理 MK級質素

下一篇: 馬華餐廳 馬來特製大餐 抵食有水準


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,571,674
所有文章: 2,060
本日訪客人數: 936
累計訪客人數: 10,320,890