文章
相簿

→ 太 子

本家日本料理 樣樣都把鬼 一晚撞晒

不眠王子 於 2009年10月15日發表   人氣:702


      

       又 到 星 期 四 啦 . . . 喺 太 子 ,一 條 西 洋 菜 南 街 有 好 幾 家 日 本 料 理 ,但 水 準 都 幾 參 差 吓!試 完 本 家 日 本 料 理 ,令 我 想 起 葉 倩 文 一 首 N 年 前 嘅 名 曲 . . . 一 踫 著 他 ,我 就 叉 叉 叉 叉 ,我 100% 要 鬧 他 : 差 差 差 . . .

      論 service 都 叫 做 還 可 以 ,但 講 到 食 材 質 素 或 廚 師 水 準 就 唔 單 只 唔 合 格 ,要 俾 分 嘅 話 我 會 請 佢 食 煎 雙 蛋 囉!價 錢 set 得 比 附 近 及 女 人 街 嘅 日 本 料 理 高 ,但 質 素 就 差 過 人 家 好 多 ,你 話 有 乜 理 由 先?就 連 奉 客 杯 茶 嘅 味 道 都 古 靈 精 怪 ,茶 不 茶 、水 不 水 . . . 

      

       三 文 魚 刺 身 ($40) 半 磅 ,比 女 人 街 任 何 一 間 料 理 都 要 貴 一 倍 ,我 當 然 明 白 魚 生 質 素 高 啲 、價 錢 一 定 會 貴 啲!

      

       但 呢 碟 三 文 魚 色 澤 偏 黃 、光 澤 偏 暗 啞 ,就 連 切 都 切 得 唔 靚 ,新 鮮?Sorry!絕 對 稱 唔 上 ,只 係 食 到 陣 雪 味。

      

       刺 身 定 食 ($60) 價 錢 以 呢 區 嚟 講 唔 算 平 ,有 乜 嘢 食?

      前 菜 係 煎 魚 餅 ,賣 相 . . . 算 把 啦!味 道 仲 鹹 得 無 道 理

      

       野 菜 沙 律 求 求 其 其 放 少 少 ,菜 唔 新 鮮 ,有 啲 係 爛 嘅!

      麵 豉 湯 可 以 用 君 子 之 交 嚟 形 容。唔 明 就 上 網 search 啦

      

       刺 身 定 食 主 角 出 場 ,見 到 咁「超 班」嘅 刀 功 . . . 呆 咗!

      

       你 睇 吓 切 成 咁 . . . 係 咪 好 似 去 咗 食 火 鍋 嗰 啲 魚 生 呢?

      

       吞 拿 魚 唔 係 入 口 即 溶 都 算 ,食 食 吓 有 好 韌 嘅 根 嘅?

      我 去 吉 之 島 超 市 買 盒 $58 嘅 雜 錦 刺 身 肯 定 好 食 過 佢

      

       牡 丹 蝦 雙 色 魚 生 飯 ($58) 賣 相 直 情 超 肉 酸 啦 . . . 搵 笨 

                   

       喺 我 個 blog search 吓 就 會 見 到 有 百 幾 張 牡 丹 蝦 嘅 相 ,夠 膽 講 ,質 素 咁 差 嘅 我 都 係 第 一 次 見 ,唔 知 係 隻 蝦 雪 得 太 耐 ,定 係 本 身 唔 新 鮮。蝦 肉 色 如 死 灰 ,無 咗 原 有 嘅 粉 嫩 色 澤 ,食 落 亦 完 全 無 彈 性 ,咬 咗 一 啖 就 放 棄 ,唔 駁 啦!

      

       魚 及 鱆 紅 魚 刺 身 睇 紋 理 都 知 又 係 求 求 其 其 亂 咁 切

      

       芝 士 及 芥 茉 燒 虎 蝦 ($18/隻) 賣 相 令 我 反 胃 . . . 嘔 白 泡

      

       芝 士 燒 虎 蝦 出 面 一 般 做 法 係 將 隻 蝦 切 開 兩 邊 ,跟 住 加 上 芝 士 去 燒。一 係 保 留 蝦 頭 及 蝦 尾 ,只 劏 開 少 少 蝦 身 ,加 入 芝 士 去 燒。無 見 過 好 似 斬 雞 咁 劈 開 隻 蝦 咁 樣 衰 囉!

      芝 士 又 唔 香 ,蝦 肉 又 少 又 唔 彈 牙 ,唔 值 $18 喎!

      

       芥 茉 燒 虎 蝦 睇 得 出 但 食 唔 出 有 芥 茉 ,咁 就 無 咗 $36  

                     

       香 芒 蜜 亦 甜 過 龍 、好 難 飲 ,飲 完 仲 口 渴 過 飲 之 前。

      點 解 下 面 張 相 有 咁 多 人 等 位?9 點 後 壽 司 有 半 價 囉!

      

        電 話 :  2394 1528         平 均 消 費 : $80 - $110 / 位

      地 址 :  太 子 西 洋 菜 南 街 242-244 號 地 下

                                        

 


上一篇: 王菀之 - 月亮說

下一篇: 甜品堂 回到校園時 嚐鎮店三寶


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,579
所有文章: 2,060
本日訪客人數: 757
累計訪客人數: 9,940,550