文章
相簿

→ 太 子

寶哥味館 放題店 舒舒服服 歎火鍋

不眠王子 於 2009年10月20日發表   人氣:807


      

       天 氣 開 始 轉 涼 ,係 時 候 出 動 食 火 鍋 ,經 驗 話 俾 我 哋 知 食 火 鍋 唔 好 貪 平 ,任 食 火 煱 幾 十 蚊 位?計 埋 茶 位 + 醬 料 + 呢 樣 加 嗰 樣 再 加 10% charge ,最 後 隨 時 要 俾 show 出 嚟 個 價 錢 嘅 一 倍 ,就 算 埋 單 真 係 唔 過 $100 ,都 要 明 白 兼 唔 可 以 要 求 會 食 到 乜 嘢 正 嘢!貪 平 食 完 仲 鬧 人 無 嘢 食 就 最 stupid 

      我 幾 鍾 意 寶 哥 味 館 放 題 店 明 碼 實 價 嘅 做 法 ,一 個 價 錢 任 食 任 飲 2 粒 鐘 ,唔 似 得 某 啲 火 鍋 店 咁 ,加 隻 蛋 又 話 要 加 錢 、添 醬 油 亦 要 加 錢。最 正 係 就 算 2 個 人 嚟 ,都 可 以 舒 舒 服 服 咁 坐 闊 落 嘅 卡 位 食 火 鍋 ,太 子 一 帶 算 少 有。

                  

       幾 點 後 入 座 有 幾 jetso 對 我 嚟 講 無 意 思 ,肚 餓 咪 入 去 食 囉!做 人 有 太 多 計 算 . . . 好 辛 苦 啫!我 揀 咗 $158 嘅 特 級 和 牛 拼 盤 及 特 級 海 鮮 拼 盤 ,呢 晚 我 哋 食 得 不 知 幾 開 心 ,因 為 可 以 玩 一 爐 兩 食 嘛!一 邊 食 火 鍋 兼 一 邊 食 鐵 板 燒。

      講 明 先 ,放 題 食 材 經 常 轉 ,我 食 嘅 未 必 跟 你 嘅 一 樣

      

       嫌 和 牛 拼 盤 唔 夠 食 嘅!仲 有 其 他 新 鮮 肉 類 不 停 供 應

      

       花 雕 醉 雞 肉 質 相 當 鮮 嫩 ,所 以 呢 晚 都 食 咗 幾 碟 呀!

      

       燒 腩 肉 咁 多 脂 肪 ,梗 係 最 啱 用 嚟 鐵 板 燒 啦!

      

       玩 1 爐 2 食 ,配 料 當 然 唔 少 ,大 廳 中 央 超 過 50 款 選 擇

      

       鯇 魚 片 都 幾 新 鮮 ,任 食 喎 . . . 梗 係 攞 多 啲 烚 吓 烚 吓 啦

      

       肉 丸 類 除 基 本 嘅 牛 丸 、龍 蝦 丸 或 芝 心 丸 ,仲 有 較 特 別 嘅 火 腿 丸 、三 文 魚 丸 等 ,連 魚 皮 餃 、韮 菜 餃 都 有 得 食。

      

       鮮 蝦 雲 吞 大 大 粒 兼 包 得 似 模 似 樣 ,皮 唔 算 薄 但 餡 靚

      

       轉 去 另 一 邊 睇 至 發 現 佢 哋 將 配 料 分 類 得 唔 錯 ,肉 類 同 菜 類 分 開 兩 邊 放 ,即 係 呢 邊 以 菜 類 及 菇 類 為 主。

       

       冬 菇 、草 菇 、雞 脾 菇 、豆 腐 、豆 卜 、蕃 茄 、生 菜 、芋 絲 、粟 米 、木 耳 、玉 子 豆 腐 . . . 甚 至 牛 心 頂 都 有 供 應。

      

       係 卡 位 另 一 邊 盡 頭 ,甜 品 區 附 近 其 實 亦 有 唔 少 筍 嘢

      

       鮮 鮑 片 都 有 得 任 食 ,火 鍋 嚟 講 係 咪 好 少 見 呢?

     

      生 蠔 都 有 呀!唔 算 太 肥 美 ,但 都 幾 新 鮮 嘅!即 食 都 得

     

      

       嘩 ~ 好 多 預 先 調 咗 味 嘅 帶 子 呀!用 嚟 鐵 板 燒 一 流 呀!

      

       薑 汁 雞 翼 玩 火 鍋 又 得 ,玩 鐵 板 燒 亦 得 ,得 咗!

       

       鴨 腎 都 幾 新 鮮 喎 . . . 一 於 用 嚟 鐵 板 燒 啦! 

      

       醬 料 多 達 12 款 ,任 溝 任 落 ,除 咗 一 般 嘅 芝 麻 、生 蒜 、炸 蒜 、芫 茜 、葱 花 、辣 椒 絲 、沙 嗲 醬 及 芝 麻 醬 ,仲 有 較 特 別 嘅 桂 林 辣 椒 醬 、四 川 麻 辣 醬 、潮 式 辣 椒 醬 及 什 菜 辣 醬

      

       自 選 湯 底 亦 有 10 款 選 擇 ,是 夜 我 哋 揀 咗 海 底 椰 湯 底

      

       中 間 塊 鐵 板 有 人 話 細 ,我 就 認 為 即 燒 即 食 啱 啱 好

      

       三 文 魚 刺 身?唔 係 用 嚟 玩 火 鍋 ,即 食 架!味 道 OK 啦!

      

       特 級 和 牛 拼 盤 包 括 和 牛 粒 、和 牛 肉 、牛 峰 及 牛 舌 ,如 果 嫌 唔 夠 喉 ,可 以 俾 多 $20 玩 和 牛 任 食 ,牛 魔 必 試。

      

       和 牛 粒 只 得 幾 粒 ,真 矜 貴!但 你 睇 到 啦!質 素 咁 高 仲 駛 我 講 咁 多 咩!和 牛 粒 咁 厚 身 ,最 好 放 落 湯 底 度 淥 8-10 分 鐘 至 好 食 ,最 正 最 重 牛 味。

      

       和 牛 肉 勁 鮮 嫩 ,油 花 分 佈 均 勻 ,落 湯 拖 拖 就 食 得 ,仲 有 陣 海 底 椰 香 ,咁 你 而 家 明 我 點 解 揀 呢 個 湯 底 啦!

       

       特 級 海 鮮 拼 盤 包 括 龍 躉 腩 、中 蝦 、鮮 帶 子 、響 螺 片 及 帆 立 貝 ,餐 牌 上 已 列 明 款 式 會 因 應 時 令 而 更 改。

      中 蝦 size 相 當 大 隻 ,蝦 肉 彈 牙 又 鮮 甜。

      

       海 鮮 亦 睇 得 出 極 之 新 鮮 ,而 且 唔 係 用 平 價 貨 色

      

       龍 躉 腩 入 口 即 溶 ,實 在 太 正 、太 好 味 啦!最 衰 得 幾 片 

      

       和 牛 肉 用 嚟 玩 火 鍋 ,玩 鐵 板 燒 可 以 出 去 攞 五 香 牛 肉 或 燒 牛 峰 、牛 舌 ,燒 帶 子 當 然 正 啦!

       

       正 呀!肥 美 嘅 帶 子 燒 到 熱 氣 騰 騰 、香 噴 噴 ,超 好 味!

      

       睇 吓 雞 扒 肉 質 幾 嫩 滑 ,仲 可 以 自 己 加 啲 配 料 吊 味 添

      

       睇 雞 扒 燒 得 咁 靚 就 知 塊 鐵 板 熱 力 夠 均 勺 啦!

      

       食 到 飽 飽 ,個 肚 都 無 乜 空 間 去 裝 甜 品 ,唔 緊 要 啦!反 正 啲 甜 品 款 式 唔 係 咁 吸 引 ,好 似 紅 豆 糕 ,好 睇 唔 好 食。

       

       馬 豆 糕 就 非 常 正 ,清 甜 滑 溜 ,我 都 食 咗 4 件 呀!

      

       芒 果 布 甸 味 道 就 . . . 就 . . . 麻 麻 哋 啦!

      

       什 果 涼 粉 not my cup of tea . . . 算!埋 單 走 人。

      

       電 話 : 2393 1228             平 均 消 費 : $120 - $180 / 位

      地 址 : 太 子 西 洋 菜 南 街 218-220 號 生 發 大 廈 2 樓

     

 


上一篇: 甜源居 用心製作 西貢甜品首選

下一篇: 一樂燒臘飯店 水準飄忽 老字號


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,586
所有文章: 2,060
本日訪客人數: 764
累計訪客人數: 9,940,557