文章
相簿

→ 觀 塘

Hipot 一人一小爐 火鍋無煩惱

不眠王子 於 2009年10月27日發表   人氣:862


      

       連 續 2 個 星 期 講 火 鍋 ,咁 啱 都 係 用 海 蝦 做 主 角 ,完 全 乎 合 我 呢 個 蝦 癡 嘅 風 格 ,我 一 向 鍾 意 一 人 一 鍋 式 嘅 火 鍋 ,鍾 意 邊 種 湯 底 自 己 話 晒 事 ,而 Hipot 正 正 係 係 呢 類 火 鍋 ,而 且 樣 樣 配 料 都 係 明 碼 實 價 ,價 錢 亦 算 公 道 ,而 且 一 粒 鐘 內 食 完 埋 單 仲 有 8 折 ,粒 半 鐘 亦 有 88 折 ,夜 晚 9 點 後 更 特 價 6 折 . . . 但 我 都 係 嗰 句 ,肚 餓 就 入 去 ,無 謂 餓 壞 個 胃。亦 唔 好 貪 discount ,食 得 太 急 亦 對 身 體 唔 好。 

      Hipot 地 方 夠 大 ,坐 得 都 幾 舒 服。食 材 質 素 同 service 都 OK 合 格 啦!好 過 好 多 旺 角 區 嘅 火 鍋 店 架 啦!

      

       全 日 免 茶 、免 芥 、免 加 一 ,食 幾 多 俾 幾 多 ,容 易 計 數

      

       雖 話 一 人 一 鍋 ,但 火 鍋 位 置 喺 中 間 ,方 便 share 湯 底

      

       加 $10 汽 水 、糖 水 任 飲 ,超 抵!我 一 晚 可 以 飲 7-8 杯 架

      

       自 助 醬 料 bar 有 十 幾 款 調 味 料 免 費 任 落 ,想 點 玩 都 得

      

       滋 補 醉 雞 湯 鍋 ($22) 係 1 人 份 量 ,價 錢 絕 對 係 抵 到 爛

      

       $22 個 醉 雞 湯 鍋 仲 有 咁 大 碟 雞 跟 埋 ,係 咪 抵 到 爆 先?

      

       美 國 肥 牛 ($12) 全 年 都 玩 特 價,質 素 就 唔 算 太 靚 ,但 油 花 尚 算 幾 多 幾 平 均 ,去 慣 超 市 就 知 呢 個 價 算 抵 食 架 啦!

      

       精 選 肉 丸 每 款 $42 ,仲 可 以 一 個 價 錢 玩 雙 併 添! 

      

       朱 古 力 豬 肉 丸 一 睇 就 知 肉 質 夠 新 鮮 ,朱 古 力 呢?

      

       朱 古 力 當 然 喺 豬 肉 丸 內 啦!熱 辣 辣 成 粒 放 入 口 ,豬 肉 丸 鮮 味 又 彈 牙 ,朱 古 力 味 亦 相 當 香 濃 ,味 道 出 奇 咁 夾。

      

       梅 子 蝦 丸 充 滿 光 澤 ,未 淥 已 聞 到 蝦 肉 嘅 鮮 味。

      

       蝦 丸 唔 只 彈 牙,仲 散 發 出 清 清 嘅 梅 子 香 ,味 道 一 流。

       

       豬 夏 青花 枝 片 每 款 都 係 $38 ,梗 係 雙 併 抵 玩 啲 啦! 

       

       豬 夏 青 跟 花 枝 片 都 非 常 新 鮮 ,口 感 一 樣 都 咁 爽 滑。

      

       蜂 巢 豆 腐 皮 拼 海 蝦 ($38) 嚟 到 有 啲 後 悔 ,因 為 件 豆 腐 真 係 麻 麻 哋!相 反 海 蝦 有 成 10 隻 咁 多 ,兼 且 大 隻 勁 新 鮮 ,早 知 齋 叫 海 蝦 算 啦!啲 蝦 有 幾 新 鮮?我 哋 去 片 . . .

            

      海 蝦 拍 片 之 前 郁 得 仲 犀 利 呀!有 隻 更 彈 起 投 鍋 自 盡

      

       睇 吓 隻 海 蝦 熟 咗 嘅 色 澤 幾 靚 . . .

      

       海 蝦 大 大 隻 ,蝦 肉 鮮 甜 超 彈 牙 ,下 次 單 點 唔 雙 併 啦!

      

       秀 珍 菇 拼 炸 響 鈴 ($28) 純 係 貪 得 意 試 虾!炸 響 鈴 浸 腍 後 變 咗 腐 皮 卷 ,口 感 一 般。秀 珍 菇 熟 咗 當 然 好 爽 滑 啦!

       

       三 色 水 晶 包 ($3x) 唔 記 得 實 價 ,稍 嫌 外 皮 厚 咗 啲!自 己 唔 鍾 意 浸 濕 後 嘅 口 感 ,所 以 由 王 妃 全 力 以 赴 ,食 晒 最 好 

       

       芋 絲 扎 ($18) 份 量 都 唔 少 ,我 食 親 火 鍋 必 定 order。

      

       糖 水 任 飲 ,預 咗 麻 麻 哋!芝 麻 糊 煲 得 唔 夠 火 候。Bye ~

                  

       紅 豆 沙 亦 一 樣 ,水 汪 汪 唔 夠 杰 身 ,不 飲 也 罷!

      埋 單 $268 ,梗 係 抵 食 啦!值 得 再 嚟 食 過。

      

       電 話 : 3148 1313         平 均 消 費 : $100 - $140 / 位

       地 址 : 九 龍 觀 塘 道 418 號 apm 商 場 L6-3 號 舖

    

 


上一篇: 甜姨姨私房甜品 細屋搬大屋 甜品更多look

下一篇: 粵華酒店 和田日本料理 日式放題 爆笑夜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,130,822
所有文章: 2,060
本日訪客人數: 1,368
累計訪客人數: 9,938,796