文章
相簿

→ 太 子

蘭苑饎館 惹味煲仔菜 自選配料任君愛

不眠王子 於 2009年11月03日發表   人氣:780


      

       天 寒 地 凍 ,唔 係 諗 起 打 邊 爐 ,就 係 諗 起 煲 仔 菜 ,前 者 我 會 周 圍 試 吓 ,但 食 煲 仔 菜 ,我 去 得 最 密 係 蘭 苑 饎 館

      呢 間 老 字 號 嘅 金 錢 龜 膠 固 然 出 名 ,但 其 實 佢 哋 嘅 中 式 小 菜 及 煲 仔 菜 就 更 多 人 捧 場 ,但 由 於 地 方 唔 算 大 ,只 得 幾 張 大 枱 及 幾 張 2 人 細 枱 ,夜 晚 過 咗 8 點 嚟 就 要 有 心 理 準 備 等 到 儍 呀!呢 度 成 班 侍 應 都 係 阿 姐 級 ,唔 好 要 求 乜 嘢 服 務 水 準 ,問 嘢 有 人 應 、無 人 有 黑 面 ,OK 啦!

                       

                        中 式 套 餐 分 咗 牛 、豬 、雞 、魚 等 12 類 ,款 式 多 達 90 款 ,除 咗 雞 類 另 加 $5 ,全 部 劃 一 價 $55 ,絕 對 抵 食。

                         

                        煲 仔 套 餐 雖 然 貴 少 少 ,要 $63 ,但 更 受 歡 迎

                        

       因 為 可 以 好 似 食 車 仔 麵 咁 自 選 汁 料 、配 菜 同 主 菜 ,款 式 又 夠 多 ,玩 到 幾 高 難 度 都 得 ,例 如 菊 花 梅 菜 鹹 蛋 鯇 魚 煲 都 一 樣 可 以 即 叫 即 做 (我 估 無 人 咁 / 敢 叫 呱?),勁 呀!

      

       呢 堆 唔 係 菜 牌 ,而 係 廚 房 俾 班 侍 應 阿 姐 睇 嘅!邊 款 沽 清 即 將 塊 牌 翻 轉 ,見 唔 見 最 左 邊 嘅 豉 油 皇 清 遠 雞 呢?

      

       老 火 湯 落 足 料 ,熬 得 亦 夠 火 候 ,如 散 叫 要 $18 碗 架!

      

       因 為 2 份 套 餐 包 2 份 油 菜 ,所 以 菜 心 跟 油 麥 菜 撈 埋 一 碟 ,視 覺 上 做 到 抵 食 大 夾 件 ,2 款 菜 都 咁 嫩 綠 ,唔 錯!

      

       豉 油 皇 清 遠 雞 係 呢 度 嘅 名 物 ,8 點 前 嚟 一 定 食 到 ,8 點 後 就 好 難 講 ,因 為 唔 少 大 枱 一 order 就 係 原 隻 上 ,勁 呀!

      

       豉 油 皇 清 遠 雞 ($60) 係 套 餐 價 ,跟 油 菜 同 老 火 湯 ,仲 有 粉 、麵 、飯 任 裝 ,清 遠 雞 仲 要 咁 大 碟 ,便 係 抵 食 啦!

      

       清 遠 雞 肉 質 嫩 滑 又 鮮 味 ,雞 皮 滑 到 連 平 時 唔 食 雞 皮 嘅 王 妃 都 偷 食 咗 脾 位 上 無 脂 肪 嘅 一 片 ,仲 猛 咁 讚 正 添!

      

       河 粉 任 食 ,但 跟 餐 嘅 一 碗 份 量 亦 非 輕 ,質 素 就 一 般

      

       個 人 覺 得 米 粉 正 得 多 ,夠 幼 身 ,口 感 爽 滑。

      

       南 乳 海 蜇 腐 竹 豬 軟 骨 煲 ($63) 咁 多 靚 配 料 ,唔 貴 喎!

              

      天 寒 地 凍 ,見 到 個 咁 滾 熱 辣 嘅 豬 軟 骨 煲 ,即 刻 暖 晒

      

       海 蜇 咁 矜 貴 ,當 然 唔 會 俾 得 多 ,但 真 係 勁 爽 口 彈 牙

      

       腐 竹 大 大 塊 、超 嫩 滑 ,仲 滲 出 濃 濃 嘅 南 乳 香 ,好 味!

      

       主 角 豬 軟 骨 相 信 入 煲 前 已 經 炆 定 ,由 落 單 到 上 枱 都 唔 夠 10 分 鐘 ,咁 短 時 間 啲 豬 軟 骨 有 乜 可 能 咁 軟 腍 喎!

       

       豬 軟 骨 數 量 又 多 又 大 件 ,牙 仔 仲 唔 駛 點 用 力 咬 ,爽!

      食 飽 飽 ,點 可 以 唔 試 吓 呢 度 至 出 名 嘅 糕 點 ,寫 明 鮮 果 天 然 製 造 ,不 含 香 料 同 味 精 架!

       

       明 目 藍 莓 糕 ($10) 係 我 嘅 至 愛 ,味 道 清 新 ,感 覺 舒 服

      

       新 鮮 菠 蘿 糕 ($8) 確 係 真 材 實 料 用 鮮 菠 蘿 ,好 清 甜 呀!

      

       香 滑 芝 麻 糕 ($8) 芝 麻 味 都 幾 香 濃 ,好 味 但 談 不 上 滑

      

       玫 瑰 紅 莓 糕 ($8) 味 道 清 清 甜 甜 ,都 幾 滋 潤。不 過 . . .

       

       唔 太 覺 有 玫 瑰 香 . . . 但 OK 好 食 嘅! 

      

       電 話 :  2381 1369           平 均 消 費 : $50 - $70 / 位

      地 址 :  太 子 西 洋 菜 北 街 318 號 集 賢 樓 地 下

     

 


上一篇: 葫蘆館 薑汁撞奶 撞前一叮

下一篇: 堅燒 串燒 確係幾堅


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,329,845
所有文章: 2,060
本日訪客人數: 2,206
累計訪客人數: 10,111,023