文章
相簿

→ 土 瓜 灣

日月軒藥膳菜館 全港獨家 藥膳台灣菜

不眠王子 於 2009年11月06日發表   人氣:843


       

 

       又 到 王 子 周 末 推 介 啦!自 己 一 向 喜 歡 試 新 嘢 ,早 2 個 月 知 道 有 香 港 人 開 咗 全 港 首 間 藥 膳 菜 館 ,已 經 好 有 興 趣 去 試 ,但 嗰 陣 天 氣 仲 鬼 咁 熱 ,自 己 又 係 男 人 老 狗 ,食 藥 膳 菜 . . . 好 怕 補 過 龍 、流 鼻 血 噃!終 於 等 到 早 幾 日 天 氣 轉 冷 ,於 是 化 身 蔡 san ,帶 3 個 女 Blog 友 齊 齊 去 日 月 軒 藥 膳 菜 館 試 吓 佢 哋 嘅 台 式 藥 膳 菜。

      呢 晚 出 席 嘅 女 Blog 友 分 別 有 半 年 前 開 始 喺 Blog 經 常 留 言 嘅 Noel 、Electrolysis 及 喺 Blog 識 咗 幾 年 嘅 老 友 艾 美 女

      咦?王 妃 . . . 呢?咁 多 女 . . . 仔 朋 友 喺 度,唔 . . . 唔 方 便 嘅!點 解 同 咁 多 人 去?都 話 自 己 又 想 試 藥 膳 菜 、又 驚 補 過 龍 嘛!叫 多 幾 個 女 Blog 友 ,就 可 以 試 多 幾 款 藥 膳 菜 式 囉! 

      

       日 月 軒 個 格 局 走 高 檔 路 線 ,由 食 材 質 素 、廚 師 水 準 、桌 面 佈 置 到 天 花 嘅 水 晶 吊 燈 至 侍 應 嘅 貼 心 服 務 ,跟 一 間 五 星 級 酒 店 中 菜 廳 幾 無 分 別 ,但 價 錢 又 無 酒 店 咁 貴 喎!

      今 次 仲 得 到 店 方 熱 情 款 待 ,James 同 Paulus 2 位 經 理 輪 流 解 答 咗 唔 少 藥 膳 菜 嘅 知 識 ,在 此 道 謝!James 仲 話 大 家 落 單 時 可 以 按 自 己 口 味 ,要 求 藥 味 加 重 或 減 輕 架!

      

       台 灣 有 唔 少 具 名 氣 嘅 藥 膳 菜 館 ,所 以 店 方 親 自 到 當 地 揀 選 2 位 經 驗 豐 富 嘅 台 灣 名 廚 坐 鎮 ,令 大 家 喺 香 港 都 可 以 食 到 最 地 道 嘅 藥 膳 台 菜。

      大 家 必 須 要 留 意 ,藥 膳 菜 製 作 需 時 ,大 家 一 定 要 耐 心 等 候 ,自 問 心 急 嘅 ,唔 該 唔 好 食 完 又 上 去 食 評 網 俾 個 喊 面 人 哋 埋 怨 出 菜 慢。呢 度 唔 係 大 家 樂 、麥 當 勞 ,OK?

      秋 冬 藥 膳 餐 單 剛 剛 喺 今 個 月 1 號 推 出 ,所 以 呢 篇 食 評 絕 對 新 鮮 出 爐 ,啲 菜 式 連 Openrice 都 未 有 架!

       

       藥 膳 桑 拿 蝦 ($88) 單 係 睇 排 場 同 新 鮮 海 中 蝦 嘅 份 量 就 知 係 物 超 所 值 ,十 幾 隻 蝦 size 咁 大 兼 且 新 鮮 紥 紥 跳 ,加 埋 藥 膳 . . . 我 夠 膽 講 係 超 抵 食 嘅!唔 信 走 去 街 市 check 吓 啦!

      

       侍 應 先 將 鮮 蝦 倒 入 熱 氣 騰 騰 嘅 小 木 桶 ,等 佢 哋 焗 一 陣 桑 拿 後 ,再 注 入 藥 膳 汁 焗 多 陣 就 可 以 上 枱,去 片 啦 . . .

                  

               段 片 有 少 少 斷 尾 ,因 為 相 機 無 電 ,請 見 諒!

                     

       See!藥 膳 桑 拿 蝦 係 堂 弄 菜 ,全 程 唔 駛 自 己 動 手 架!

      

       桑 拿 蝦 即 係 喺 木 桶 內 放 入 鐵 桶 ,再 加 入 高 溫 嘅 鵝 卵 石 ,新 鮮 蝦 所 帶 嘅 水 份 令 熱 辣 辣 石 頭 產 生 蒸 氣 ,幾 秒 就 將 蝦 蒸 熟 ,然 後 加 藥 膳 汁 再 蒸 一 次 ,蝦 身 便 帶 有 藥 味。

      

       成 桶 桑 拿 蝦 話 咁 快 就 可 以 上 碟 . . . .

      

       其 實 桑 拿 蝦 就 算 唔 加 藥 膳 汁 ,以 $88 嚟 講 都 係 抵 食 嘅

      

       桑 拿 蝦 肉 質 鮮 甜 又 彈 牙 ,但 無 乜 藥 味 ,只 係 食 嗰 陣 索 到 蝦 殼 有 好 濃 嘅 藥 味 ,或 者 啜 吓 蝦 膏 ,藥 味 都 好 重 架!

                    

       藥 膳 浸 凍 蟹 ($168) 偏 貴 咗 吧?隻 花 蟹 咁 細 隻 ,賣 $108 頂 盡 $128 仲 可 以 接 受 嘅!唯 有 估 係 貴 在 個 藥 膳 汁 啦!

      

       藥 膳 浸 凍 蟹 無 論 係 賣 相 或 製 作 都 跟 我 哋 食 開 嘅 潮 州 凍 蟹 係 好 唔 同 嘅!先 睇 吓 個 賣 相 ,係 靚 架!不 過 呢 . . . .

      

       凍 蟹 嘅 擺 法 . . . 係 啦!似 乳 豬 全 體 呀!台 式 菜 係 咁 呱!

       

       我 試 咗 蟹 鉗 部 份 ,蟹 肉 好 鮮 甜 、仲 有 勁 濃 嘅 海 水 鹹 味 ,肯 定 隻 蟹 無 雪 過 夜 ,只 係 用 冰 水 浸 過 ,唔 同 潮 州 整 法

      

       蟹 身 咁 多 雪 白 嫩 肉 ,梗 係 lady first 啦!唯 一 可 惜 嘅 係 隻 蟹 藥 味 太 輕 ,個 人 覺 得 用 藥 膳 汁 將 花 蟹 浸 過 夜 ,蟹 肉 至 會 有 藥 味 ,不 過 鮮 味 又 可 能 會 打 折 扣 . . . 點 樣 攞 到 最 佳 平 衡? 等 師 傅 諗 吓 計 啦!

      

       山 楂 千 島 骨 ($68) 唔 係 藥 膳 菜 式 ,但 極 富 台 灣 菜 特 色 ,味 道 相 當 濃 ,跟 我 哋 食 開 味 道 偏 甜 嘅 千 島 骨 好 唔 同 ,山 楂 嘛!梗 係 酸 啲 啦!

      

       千 島 骨 肉 質 鬆 化 骨 又 嫩 ,送 白 飯 一 流 ,但 人 人 口 味 唔 同 ,Blog 友 電 解 妹 覺 得 味 道 鹹 咗 啲!我 就 覺 得 唔 錯 ,味 道 比 唔 少 本 地 台 式 菜 館 更 有 台 灣 風 味。 

      

       蜜 餞 水 蜜 桃 黑 草 羊 ($68) 亦 唔 係 藥 膳 菜 式 ,但 我 哋 對 呢 度 菜 一 致 讚 不 絕 口。

      

       黑 草 羊 唔 係 切 到 一 件 件 ,而 係 一 片 片 ,就 咁 睇 仲 以 為 係 牛 肉 添!但 一 放 入 口 . . . 羊 肉 嘅 鮮 味 好 出 、好 嫩 滑 ,味 道 香 濃 得 嚟 羶 味 又 唔 會 太 重 ,廚 師 水 準 一 流。真 係 怕 黑 草 羊 嘅 濃 味?可 以 食 片 水 蜜 桃 中 和 番 ,真 係 諗 得 周 到。

      

       蟲 草 蒸 鮮 蝦 ($128) 比 桑 拿 蝦 貴 得 多 ,梗 係 啦!蟲 草 嘛

      

       鮮 蝦 經 蟲 草 、紅 棗 等 幾 款 藥 材 蒸 熟 後 ,藥 味 相 當 濃 ,蝦 肉 鮮 味 之 餘 仲 帶 有 蟲 草 嘅 甘 香 ,食 完 好 一 段 時 間 後 ,口 腔 中 仍 帶 有 嗰 份 甘 香 嘅 餘 韻。功 效 係 滋 陰 補 陽。

      

       巴 戟 杜 仲 炆 牛 鞭 ($68) 係 由 艾 美 女 動 議 ,其 餘 2 位 女 Blog 友 雀 躍 和 議 . . . 真 係 估 你 唔 到 ,我 . . . . 咁 囉 →

      咁 大 個 仔 第 一 次 食 牛 鞭 . . . 仲 要 喺 咁 多 女 仔 面 前 . . .

       

       咁 樣 zoom 埋 去 牛 鞭 度 咪 無 咁 核 突 囉!有 啲 似 豬 腳 添!

      

       艾 美 女 仲 即 時 幫 牛 鞭 去 勢 ,剪 到 細 細 粒 、容 易 食 

      

       巴 戟 補 腰 骨、杜 仲 補 腎 、牛 鞭 補 . . . 腎 同 咩 嘢 囉!配 料 仲 有 瘦 肉 、雞 腳 、杞 子 等 ,個 湯 唔 只 飲 得 ,仲 好 補 添!

      牛 鞭 口 感 極 似 爽 口 嘅 牛 筋 ,而 一 片 片 嘅 係 牛 嘅 睪 丸 部 份 ,咬 落 感 覺 有 啲 似 鵝 肝。人 一 世 物 一 世 ,值 得 試 嘅!

       

       杞 子 炒 山 藥 ($48) 超 抵 食 ,山 藥 採 用 貴 價 嘅 日 本 貨 ,比 國 內 嘅 山 藥 更 清 甜 、更 爽 口。山 藥 健 脾 、補 肺 、固 腎 ,又 可 以 增 強 人 體 免 疫 力 、防 止 肌 膚 老 化 ,好 有 益 架!

      

       日 月 軒 嘅 燉 湯 必 會 大 受 歡 迎 ,足 料 、靚 料 兼 價 平 嘛!

      

       舞 茸 燉 螺 頭 ($58) 滋 補 養 顏 ,可 以 抗 氧 化 兼 防 皺 紋。燉 湯 唔 只 夠 火 候 ,仲 加 咗 唔 少 靚 料 炮 製 ,睇 吓!鮑 魚 仔 呀!

      

       當 歸 燉 九 孔 ($58) 有 調 經 補 血 之 效 ,好 啱 女 仔 飲 架!

       

       最 後 一 道 果 盤 都 有 咁 靚 嘅 賣 相 ,超 滿 足 啦!

      呢 餐 埋 單 差 唔 多 $850 ,除 開 每 人 只 係 $210 ,試 咗 咁 多 道 菜 式 ,仲 要 係 藥 膳 ,超 值 到 極!而 且 . . . 仲 有 人 請 添! 

      

       電 話 : 2380 8906            平 均 消 費 : $150 - $210 / 位

      地 址 : 土 瓜 灣 新 碼 頭 街 38 號 翔 龍 灣 廣 場 地 下 G07 舖

     

 


上一篇: 總有 ... 你鼓勵

下一篇: 小菜王 夠鑊氣 有風味


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,129,772
所有文章: 2,060
本日訪客人數: 326
累計訪客人數: 9,937,754