文章
相簿

→ 香 港

三樣好 甜品老字號 點只三樣好

不眠王子 於 2009年11月18日發表   人氣:537


      

       三 樣 好 係 間 有 超 過 40 年 歷 史 嘅 老 字 號 糖 水 店 ,三 樣 好 係 邊 三 樣?Openrice 話 係 龜 苓 膏 、涼 茶 及 糖 水 ,但 我 記 得 第 3 樣 好 似 應 該 係 廿 四 味 . . . Anyway, 佢 哋 招 牌 上 寫 住 涼 茶 館 ,門 口 經 過 亦 似 間 舊 式 涼 茶 舖 ,對 於 我 哋 呢 啲 非 香 港 仔 居 民 ,點 估 到 佢 原 來 有 咁 多 咁 正 咁 創 新 嘅 甜 品 呢? 

                   

       熱 蔗 汁 ($7) 先 嚟 熱 一 熱 身 ,咦?好 清 甜 喎!係 天 然 嗰 隻 清 甜 ,唔 係 旺 角 街 邊 嗰 啲 小 食 檔 溝 咗 糖 水 嘅 死 甜。

      

       香 芋 喳 咋 ($13) 比 想 像 中 出 色 ,落 單 時 阿 姐 會 先 問 句 要 唔 要 加 上 花 奶 ,我 當 然 答 加!一 定 加!加 咗 滑 啲 嘛!

      

       加 咗 花 奶 ,成 碗 喳 咋 即 刻 靚 仔 咗!最 重 要 味 道 亦 好 得

      

       紅 豆 、綠 豆 、眉 豆 、芋 頭 、紅 腰 豆、西 米 等 多 種 配 料 唔 單 只 份 量 十 足 ,仲 煲 得 相 當 夠 火 候 ,乜 豆 物 豆 食 落 非 常 軟 腍 ,食 完 全 身 暖 笠 笠 ,仲 唔 會 覺 得 渴 喉 添!

      

       雪 糕 三 色 龜 苓 膏 ($38) 咁 特 別 ,話 知 外 面 落 雪 都 要 試

      

       雪 糕 三 色 龜 苓 膏 由 呍 喱 拿 雪 糕 、西 米 、大 西 米 及 龜 苓 膏 組 合 而 成 ,雪 糕 凍 冰 冰 、大 小 西 米 煙 煙 韌 韌 、龜 苓 膏 甘 甘 哋 ,口 感 過 癮 到 不 得 了 ,尤 其 是 龜 苓 膏 估 唔 到 咁 味 濃 甘 香。唯 一 挑 剔 嘅 係 蜜 糖 汁 落 得 重 手 咗 少 少 ,可 能 佢 哋 擔 心 啲 客 怕 龜 苓 膏 甘 甘 哋 陣 味 呱!

                        

                      酸 梅 湯 冰 杯 ($12) 見 到 個 名 ,你 哋 一 定 以 為 只 係 用 隻 冰 杯 去 裝 酸 梅 湯 啦!估 錯 啦!邊 有 咁 簡 單 呀!

                      

       原 來 阿 姐 行 去 舖 尾 ,先 用 製 作 台 式 雪 花 冰 嘅 刨 冰 機 整 成 大 半 杯 軟 綿 綿 嘅 刨 冰 ,再 行 出 去 舖 面 加 入 酸 梅 湯 至 大 功 告 成。真 係 落 咗 唔 少 工 夫 架!粒 粒 酸 梅 湯 刨 冰 幼 細 如 沙 ,入 口 綿 綿 哋 、酸 酸 哋 ,幾 好 feel 架!只 係 $12 就 歎 到 咁 大 杯 、咁 特 別 嘅 酸 梅 湯 冰 杯 ,梗 係 抵 飲 啦!

      其 實 呢 度 仲 有 好 多 款 甜 品 ,一 定 要 嚟 多 幾 次 至 得。 

      

       電 話 : 2873 2822         平 均 消 費 : $15 - $35 / 位

       地 址 : 香 港 仔 湖 北 街 16 號 地 下

      

 


上一篇: 新翠華小廚 炭燒煲仔飯 萬歲

下一篇: 加東叻沙 地道 新加坡風味


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,559,540
所有文章: 2,060
本日訪客人數: 1,687
累計訪客人數: 10,310,615