文章
相簿

→ 北 角

新翠華小廚 炭燒煲仔飯 萬歲

不眠王子 於 2009年11月19日發表   人氣:1050


      

       天 氣 凍 冰 冰 ,個 個 friend 都 叫 我 講 吓 煲 仔 飯 ,但 坦 白 講 句 ,而 家 周 街 都 係 用 gas 爐 貪 快 貪 方 便 ,好 少 有 人 用 又 煩 又 浪 費 時 間 嘅 炭 爐。連 個 煲 都 用 晒 傳 熱 更 快 嘅 金 屬 煲 ,瓦 煲 買 少 見 少 啦!Gas 爐 煲 金 屬 煲 嘅 煲 仔 飯 試 過 唔 少 ,同 炭 燒 煲 仔 飯 比 . . . 完 全 無 得 比 呀!無 計 啦!呢 一 代 唔 少 人 都 要 急 要 快 ,最 好 落 完 單 3 分 鐘 內 就 有 得 食 ,唔 去 用 個 腦 諗 吓 好 多 美 食 都 需 要 一 定 嘅 烹 調 時 間 . . . 唉!

      如 果 你 自 問 係 個 無 耐 性 嘅 人 ,咁 你 無 必 要 再 睇 落 去 

      新 翠 華 小 廚 正 正 係 出 名 食 炭 燒 煲 仔 飯 嘅 新 翠 華 茶 餐 廳 嘅 分 店 ,由 於 呢 度 新 開 無 耐 ,又 喺 東 寶 小 館 後 面 ,所 以 唔 係 咁 多 人 知。但 呢 度 地 方 大 好 多 ,衛 生 環 境 亦 比 銅 鑼 灣 店 好 得 多 ,最 意 外 係 連 service 都 唔 錯 ,阿 姐 好 好 招 呼 ,食 完 仲 會 問 吓 你 意 見 ,但 最 緊 要 都 係 炭 燒 煲 仔 飯 超 掂。 

                  

      新 店 除 咗 煲 仔 飯 ,仲 有 好 多 小 菜 選 擇 ,價 錢 豐 儉 由 人 ,但 一 定 無 東 寶 搶 錢 得 咁 狼 死 ,我 成 餐 飯 計 埋 都 唔 夠 喺 東 寶 食 碟 搵 笨 黃 金 蝦 . . . 當 然 ,妳 可 以 跟 阿 麗 梅 食 餐 貴 嘢 ,但 老 實 講 ,避 風 塘 炒 蟹 咁 惹 味 ,無 理 由 配 煲 仔 飯 囉! 

       

       呢 度 嘅 炭 燒 煲 仔 飯 明 顯 比 舊 店 出 色 ,第 一 ,呢 度 係 清 一 色 用 炭 爐 ,而 銅 鑼 灣 店 其 實 有 部 份 爐 係 用 gas 爐。

      

       第 二 ,負 責 炭 燒 煲 仔 飯 個 阿 叔 非 常 專 業 兼 全 神 貫 注

       

       第 三 ,呢 度 連 煮 飯 嗰 煲 水 都 係 用 炭 爐 燒 嘅!堅 呀! 

      

       阿 叔 非 常 熟 手 咁 落 完 生 米 ,就 用 炭 爐 煲 熱 嘅 水 倒 落 瓦 煲 度 煮 飯 ,而 右 邊 嗰 煲 飯 就 快 熟 啦!睇 見 就 興 奮 呀! 

      

       阿 叔 見 飯 開 始 成 形 就 開 始 落 配 料 ,蓋 好 煲 蓋 慢 慢 煲 

       

       落 單 到 炭 燒 煲 仔 飯 上 枱 ,全 程 要 20 分 鐘 ,唔 好 催 呀!

      阿 姐 會 幫 你 打 開 個 煲 蓋 ,淋 少 少 豉 油 ,再 蓋 番 個 蓋 兼 提 醒 你 焗 2 、3 分 鐘 先 好 開 ,真 係 唔 夠 豉 油 就 自 己 加 . . . 係 咪 好 貼 心 呢?

      

       臘 腸 排 骨 煲 ($38) 熱 氣 騰 騰 ,足 料 炮 製 ,梗 係 抵 食 啦

      

       阿 姐 好 手 勢 ,無 須 多 加 豉 油 ,炭 香 攻 鼻 ,Take action 啦

      

       排 骨 半 肥 瘦 ,肉 嫩 軟 腍 ,滲 出 豆 豉 香 ,軟 骨 夠 鬆 化

       

       無 得 傾 ,炭 燒 煲 臘 腸 零 舍 香 噴 噴 ,肉 質 豐 腴 好 咬 口

      

       炭 燒 煲 仔 飯 嘅 飯 粒 夠 乾 身 ,飯 香 加 炭 香 ,真 攞 命!

       

       南 乳 脆 炸 雞 ($48) 本 來 只 係 諗 住 煲 仔 飯 嚟 之 前 落 單 醫 吓 肚 ,點 知 食 落 有 驚 喜 喎!炸 雞 望 落 乾 巴 巴 ,油 都 唔 多 滴 ,點 知 入 口 熱 辣 辣 ,仲 有 好 濃 嘅 南 乳 香 ,估 唔 到 呀!

       

       雞 肉 嫩 滑 ,一 啲 嚡 都 無 ,炸 得 香 口 又 唔 油 膩 ,高 手!

      

       田 雞 滑 雞 煲 ($45) 永 遠 都 係 用 炭 燒 煲 至 最 正 ,賣 飛 佛

       

       出 面 好 多 田 雞 滑 雞 煲 都 只 會 係 咁 意 落 幾 嚿 就 算 ,田 雞 唔 係 細 粒 就 係 得 條 骨 ,滑 雞 亦 只 係 皮 包 骨 ,好 少 似 呢 度 咁 重 手 得 嚟 配 料 又 有 咁 上 下 質 素。

      

       睇 吓 啲 田 雞 幾 肥 美 ,肉 質 鮮 嫩 滑 溜 ,咬 落 彈 牙 到 極

      

       滑 雞 確 係 夠 滑 ,仲 要 啖 啖 肉 、無 乜 骨 ,兼 有 陣 炭 香 

      

       食 完 仲 見 煲 底 有 咁 多 飯 焦 ,唔 好 浪 費 ,就 咁 食 香 脆 可 口。又 或 加 上 熱 茶 ,蓋 番 煲 蓋 焗 多 陣 至 食 亦 非 常 正。

      連 埋 支 細 可 樂 ,埋 單 只 不 過 $142 ,已 經 飽 到 唔 郁 得

      條 數 唔 太 啱?餐 前 有 碟 香 脆 花 生 招 呼 ,收 幾 蚊 之 嘛!

      

       電 話 : 6276 6621                平 均 消 費 : $50 - $80 / 位

       地 址 : 北 角 渣 華 道 99 號 渣 華 道 市 政 大 廈 2 樓 GF4 號

     

 


上一篇: 麗景酒店 Cafe Express 蠔情自助晚餐 甜品篇

下一篇: 三樣好 甜品老字號 點只三樣好


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,335,195
所有文章: 2,060
本日訪客人數: 1,836
累計訪客人數: 10,116,354