文章
相簿

→ 上 環 → 香 港 區

Moon Thai 精品酒店 開秦菜餐廳 泰 ● 隱世

不眠王子 於 2013年01月08日發表   人氣:1260




   泰 國 菜 有 唔 少 既 精 緻 又 精 彩 的 菜 式 ,今 個 星 期 帶 大 家 去 食 泰 國 菜 ,第 2 站 去 Moon Thai

  Moon Thai 位 於 開 業 不 久 的 蘇 豪 智 選 假 日 酒 店 內 ,早 排 約 兩 個 朋 友 仔 來 這 裡 食 lunch ,純 係 膽 博 膽。酒 店 餐 廳 做 泰 國 菜 收 高 級 食 府 價 錢?酒 店 門 口 無 指 示 內 有 這 間 餐 廳?午 飯 時 段 無 設 lunch set?新 開 張 有 8 折 到 埋 單 至 知?3 個 人 食 lunch 無 食 貴 價 菜 式 但 埋 單 都 要 $900?

  仲 冒 險 過 冒 險 樂 園 呀!但 我 仲 冒 險 ,午 飯 時 間 ,上 環 滿 街 都 是 搵 食 的 打 工 仔 ,但 我 到 達 這 裡 時 係 空 無 一 人 ,好 驚 呀!而 全 程 亦 只 係 得 兩 枱 客 ,希 望 他 們 可 以 守 得 住 啦! 



  原 來 Moon Thai 係 Erawan Thai 的 分 店 ,個 心 當 堂 定 一 點 ,記 得 Erawan Thai 嗎?09 年 底 曾 寫 過 Blog 出 過 王 子 印 章 俾 這 間 食 店 ,詳 情 可 睇 這 裡 Here



  Moon Thai 有 面 積 不 少 的 露 天 雅 座 ,雖 然 沒 有 景 觀 可 言 ,但 陽 光 普 照 的 日 子 ,食 個 sunshine lunch 也 不 錯。



 食 飽 飽 坐 上 去 小 睡 片 刻 ,爽 到 極! 



  話 明 露 天 雅 座 ,座 椅 就 是 如 此 舒 適。



 餐 廳 可 容 納 過 百 人 ,室 內 有 一 定 空 間 感 ,坐 得 頗 舒 適 的。



 個 人 覺 得 ,如 果 客 人 不 多 的 話 ,Table for Two 好 了。



 水 吧 頗 具 規 模 ,Happy hour 應 該 會 有 不 少 捧 場 客。



 向 來 少 影 洗 手 間 ,但 朋 友 告 知 內 裡 格 局 雅 緻 ,於 是 . . .



 Cafe Latte ($48) 友 人 所 點 ,看 朋 友 樣 子 水 準 應 該 不 錯 吧!



  泰 式 奶 茶 ($48) 只 要 見 餐 牌 有 此 物 ,必 定 會 點 ,王 子 愛 飲 泰 式 奶 茶 比 港 式 奶 茶 更 甚。



  奶 滑 之 餘 多 了 一 份 層 次 ,茶 香 之 餘 又 有 自 己 個 性 ,便 是 泰 式 奶 茶 誘 人 的 地 方。



 桂 花 蜂 蜜 ($48) 係 另 一 友 人 所 點 ,好 友 大 讚 味 道 天 然 好 好 飲。



  泰 式 生 蝦 ($158) 一 碟 11 隻 ,價 錢 太 貴 了 ,比 一 般 泰 菜 館 貴 了 50% 有 多 ,還 以 為 食 材 上 或 份 量 上 會 有 分 別 ,結 果 . . . 賣 相 係 靚 ,但 價 錢 確 實 訂 得 太 高 了 ,沒 錯 我 係 身 在 酒 店 ,但 這 裡 只 是 精 品 酒 店 嘛!  



 蝦 肉 爽 口 鮮 甜 ,上 面 的 辣 醬 勁 度 十 足 ,連 朋 友 仔 都 話 辣 得 要 命。



 鮮 蝦 炒 金 邊 粉 ($118) 賣 相 靚 、夠 鑊 氣 、香 噴 噴 、少 油 膩 ,夠 未?



 蝦 肉 惹 味 彈 牙 ,金 邊 粉 炒 得 爽 口 ,唔 會 黐 成 一 團 團 ,相 當 有 水 準。



 紅 咖 喱 鮮 果 燴 燒 鴨 ($128) 係 大 廚 推 介 菜 式 ,值 得 一 試。



  睇 菜 式 名 字 便 知 個 汁 是 甜 的 ,鮮 果 之 中 最 得 意 係 有 幾 粒 龍 眼 肉 ,熱 烘 烘 的 龍 眼 肉 沾 滿 了 甜 甜 的 咖 喱 汁 ,感 覺 有 點 怪 怪 的 ,燒 鴨 肉 質 軟 嫩 ,無 半 點 嚡 ,而 且 相 當 入 味 ,比 想 像 中 好 食。



  蒜 子 胡 椒 炒 蝦 ($138) 香 噴 噴 鑊 氣 十 足 ,蝦 身 唔 算 太 細 隻 份 量 亦 不 少 ,蝦 肉 入 口 帶 點 微 脆 及 一 點 點 香 辣 ,非 常 惹 味。



  泰 式 甜 品 拼 盤 ($108) 捧 到 上 枱 時 ,賣 相 已 令 大 家 眼 前 一 亮 ,一 盤 盛 滿 了 泰 式 南 瓜 布 甸 、泰 式 香 芒 椰 汁 糯 米 飯 、泰 式 千 層 糕 及 泰 式 椰 汁 西 米 糕。



  芒 果 唔 係 時 令 ,有 少 少 酸 也 值 得 體 諒 ,泰 式 千 層 糕 及 泰 式 椰 汁 西 米 糕 滑 溜 透 心 涼 ,好 味。



  椰 汁 糯 米 飯 最 好 食 ,香 甜 軟 糯 ,反 而 泰 式 南 瓜 布 甸 就 比 較 失 色 ,質 感 不 錯 但 香 味 欠 奉 。

  埋 單 原 價 $794 ,8 折 後 再 計 回 原 價 的 加 一 服 務 費 ,實 收 $714 ,除 開 每 人 差 不 多 要 $240。以 原 價 去 食 lunch 嚟 講 實 在 偏 貴 ,這 個 價 錢 夠 我 去 格 局 更 高 級 的 Mango Tree 啊!



  電 話 : 2851 1288                       平 均 消 費 : $250 - $300 / 位

 地 址 : 上 環 蘇 杭 街 83 號 香 港 蘇 豪 智 選 假 日 酒 店 2 樓
                                                 ↑
                                 
直 Click Google Map


 


上一篇: Cafe Siam 去舊立新 泰 ● 地道

下一篇: 芭堤雅小廚 Pataya 泰 ● 創新


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,485,816
所有文章: 2,060
本日訪客人數: 278
累計訪客人數: 10,245,787