文章
相簿

→ 旺 角

樂活一館 La Vie 女人街 意式菜

不眠王子 於 2009年11月24日發表   人氣:1074


      

     喺 自 己 個 Blog search 吓!發 現 單 係 寫 女 人 街 嘅 食 店 ,原 來 差 唔 多 有 40 間 ,好 鬼 邪 呀!樂 活 一 館 La Vie 又 係 喺 女 人 街 ,仲 要 以 意 式 菜 做 主 打 ,女 人 街 地 舖 嘅 同 類 西 餐 廳 唔 超 過 5 間 ,我 已 經 試 過 晒 ,La Vie 一 定 好 食 過 Dates . . . 好 多 ,仲 要 無 Dates 咁 貴 咁 搶 錢。唯 一 要 挑 剔 嘅 ,係 呢 度 嘅 水 吧 幫 間 餐 廳 倒 米 ,啲 特 飲 . . . 真 係 特 別 難 飲 呀!拖 低 晒 啲 分 數。

      雖 然 地 方 唔 大 ,環 境 亦 逼 咗 啲,但 都 坐 得 幾 舒 服 嘅!

      

       我 幫 襯 呢 度 已 經 係 幾 個 月 前 嘅 事 ,嗰 陣 仲 有 咁 jetso 嘅 $1 美 食 優 惠 ,唔 知 而 家 仲 有 無 架!

      雖 然 呢 度 嘅 晚 餐 價 錢 相 當 經 濟 ,但 2 個 人 食 滿 $100 有 幾 難?換 定 一 樣 先 . . . .

      

       香 芒 煙 三 文 魚 卷 ($32) 估 唔 到 $1 嘅 水 準 都 絕 不 馬 虎 ,就 算 要 我 俾 足 原 價 $32 都 會 照 樣 order ,$1 就 更 驚 喜 啦!

      

       沙 律 菜 同 芒 果 相 當 fresh ,煙 三 文 魚 亦 肥 美 ,味 道 幾 夾

                 

      La Vie 三 重 奏 ($98) 係 呢 度 嘅 招 牌 菜 ,呢 個 dinner set 包 括 前 菜 煙 鴨 胸 沙 律 ,而 主 菜 三 重 奏 分 別 有 紐 西 蘭 牛 柳 、香 草 燒 羊 架 及 香 檳 海 鱸 魚 柳 ,配 埋 意 粉 、甜 品 及 餐 茶 都 係 $98 ,食 完 肯 定 飽 到 要 捧 住 個 肚 出 門 口 . . .

      

       煙 鴨 胸 沙 律 賣 相 OK 喎!沙 律 菜 相 當 新 鮮 ,煙 鴨 胸 係 就 係 薄 咗 啲!但 夠 大 塊 嘛!厚 切 但 俾 一 片 仔 你 咪 仲 肉 酸!

      

       香 檳 海 鱸 魚 柳 煎 得 夠 香 ,肉 質 亦 嫩 滑 ,意 粉 夠 爽 彈 

      

       紐 西 蘭 牛 柳 都 幾 大 件 幾 厚 身 ,入 口 肉 質 夠 鬆 化 ,肉 味 仲 相 當 濃 ,兼 多 汁 到 一 口 都 係 ,廚 師 水 準 有 番 咁 上 下。

                    

       香 草 燒 羊 架 睇 吓 幾 大 件 、燒 得 幾 靚 ,同 樣 價 錢 喺 出 面 食 到 嘅 通 常 都 係 啲 又 黑 又 韌 又 羶 又 無 肉 嘅 貨 色 ,醃 得 咁 好 味 又 咁 好 肉 嘅 羊 架 ,喺 女 人 街 都 係 第 一 次 食 到。

       

       想 食 得 經 濟 啲 可 以 試 吓 自 選 DIY 意 粉 或 意 大 利 飯 ,$48 夠 晒 抵 食。俾 多 $20 仲 跟 埋 餐 湯 、蒜 茸 法 包 及 餐 茶 添!

      

       蒜 茸 法 包 睇 樣 就 唔 錯 ,但 一 咬 . . . 又 冷 又 硬 ,失 望!

      

       意 大 利 什 菜 湯 都 幾 香 濃 ,煲 得 都 夠 杰 身 ,味 道 唔 錯。

      

       煙 三 文 魚 蜆 肉 意 大 利 飯 配 黑 松 茸 忌 廉 汁 幫 其 他 item 拉 番 高 晒 啲 分 ,單 係 睇 個 意 大 利 飯 就 知 水 準 唔 錯 啦!飯 粒 香 噴 噴 ,煙 韌 有 黏 勁 又 creamy ,份 量 又 夠 多 ,我 唔 講 ,你 真 係 未 必 睇 得 出 咁 正 嘅 意 大 利 飯 係 嚟 自 女 人 街 嘅 一 間 餐 廳 ,$48 有 咁 嘅 水 準 ,真 係 抵 食 到 unbelievable 呀!

      

       意 式 奶 凍 係 跟 餐 甜 品 ,質 感 唔 錯 ,清 清 甜 甜 夠 滑 溜

      

       藍 莓 芝 士 凍 餅 ($28) 講 水 準 就 唔 值 呢 個 價 ,質 感 麻 麻 ,味 道 亦 偏 甜 ,但 用 $1 嘅 優 惠 價 就 食 得 到 . . . 無 投 訴 啦! 

                     

                      益 力 多 特 飲 跟 餐 加 $10 . . . 唔 加 好 過 加

                     

       荔 枝 茉 莉 花 釀 特 飲 味 道 怪 怪 ,唔 知 點 咁 ,跌 咗 $10

      埋 單 $210 有 找 ,唔 講 2 個 特 飲 ,其 實 真 係 食 得 過 架!

      

       電 話 :  2332 8767         平 均 消 費 : $80 - $110 / 位

      地 址 :  旺 角 通 菜 街 6 號 地 下

      

 


上一篇: 甜之迷 豪裝 甜品店

下一篇: ECF Cafe 水準不俗 樓上小 Cafe


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,699,247
所有文章: 2,060
本日訪客人數: 1,527
累計訪客人數: 9,555,511