文章
相簿

→ 銅 鑼 灣

Nice Sushi + Thai Buffet 日泰式自助晚餐 頭盤篇

不眠王子 於 2009年12月18日發表   人氣:742


  

   又 到 王 子 周 末 推 介 啦!Nice Sushi + Thai Buffet 新 開 張 唔 夠 10 日 ,但 我 已 經 忍 唔 住 第 一 時 間 去 幫 襯 ,一 間 開 喺 銅 鑼 灣 名 店 坊 Lcx 旁 邊 ,面 積 有 幾 千 尺 咁 大 、格 局 豪 華 嘅 餐 廳 ,以 日 本 料 理 同 泰 國 菜 做 主 打 嘅 自 助 晚 餐 ,任 食 2 小 時 ,價 錢 只 係 收 每 位 $198 咋 ( 五 至 日 都 係 $238 )!

  環 境 咁 靚 、價 錢 咁 抵 ,點 會 唔 吸 引? 單 係 食 刺 身 或 泰 國 菜 都 夠 回 本 啦! 

  呢 度 地 方 大 到 不 得 了 ,但 桌 椅 放 得 相 當 鬆 動 ,唔 似 得 一 般 酒 店 咁 用 盡 個 空 間 去 放 枱。而 用 餐 嘅 枱 亦 夠 大 張 ,椅 子 舒 服 好 坐。  

  呢 餐 要 多 謝 靚 靚 Blog 友 仔 Grace 請 客 ,食 得 好 開 心 呀!  

  

   咦?牆 上 有 咁 多 珠 寶 嘅?原 來 呢 度 其 中 一 位 老 闆 係 做 開 高 級 水 晶 生 意 嘅!咁 放 啲 產 品 有 乜 關 係? 

   原 來 呢 度 有 得 入 會 ,年 費 $238 ,但 送 嘅 迎 新 飲 品 、禮 品 同 coupon 總 值 over $1000 ,又 幾 吸 引 噃! 

  

   頭 盤 區 一 眼 睇 晒 ,總 括 可 以 用 3 個 字 形 容 :「簡 而 精」

  

   沙 律 菜 唔 多 款 ,但 質 素 頗 高 ,仲 有 幾 盆 泰 式 沙 律 添!

  

   泰 式 沙 律 之 外 ,仲 有 幾 款 日 式 沙 律 杯 ,味 道 唔 錯 架!

  

   肉 碎 生 菜 包 都 有 ,生 菜 仲 好 新 鮮 添!

  

   泰 式 沙 律?我 覺 得 似 韓 式 泡 菜 沙 律 多 啲!但 好 好 食 架

  

   泰 式 柚 子 沙 律 大 大 盤 金 碧 輝 煌 ,酸 酸 甜 甜 夠 醒 胃

   

    酸 辣 鳳 爪 一 樣 有 ,酸 酸 辣 辣 隻 隻 無 骨 滑 嘟 嘟 ,爽 呀

  

   刺 身 櫃 內 有 7-8 款 刺 身 ,有 三 文 魚 、吞 拿 魚 、油 甘 魚 、北 寄 貝 、赤 貝 、 甜 蝦 等 ,食 多 幾 轉 夠 回 本 啦!

  

   壽 司 款 式 之 多 、質 素 之 佳 靚 過 晒 所 有 價 錢 同 級 嘅 放 題 店 甚 至 酒 店 buffet ,帶 子 壽 司 、火 炙 三 文 魚 壽 司 、花 之 戀 、火 炙 芝 士 蝦 壽 司 都 有 得 任 食 ,你 話 去 邊 度 搵?

  

   睇 住 師 傅 仔 密 密 整 咁 多 款 手 握 壽 司 ,真 係 幾 辛 苦 架

  

   乜 東 東 呢?梗 係 蕎 麥 麵 嚟 啦!

  

   吞 拿 魚 卷 做 得 好 靚 喎!飯 粒 仲 係 用 日 本 珍 珠 米 添!

  

   三 文 魚 卷 一 樣 咁 靚 ,一 邊 影 個 肚 一 邊 打 鼓 . . .

  

   師 傅 仔 仲 好 有 心 機 咁 將 各 式 卷 物 堆 砌 到 靚 一 靚 

  

   火 炙 三 文 魚 壽 司 加 咗 芝 士 去 燒 ,睇 到 我 流 晒 口 水 . . . 

   

   帶 子 壽 司 任 食 ,隻 帶 子 仲 要 唔 係 一 粒 仔 嘅 MK 貨 色。 

  

   每 款 壽 司 攞 一 件 返 到 枱 砌 得 靚 靚 ,齋 睇 都 咁 開 心。

  

  

  

  

  

  

  

   電 話 : 2894 9622      時 間 : 6p.m - 11p.m ( 2 小 時 任 食 )

  地 址 : 銅 鑼 灣 京 士 頓 街 9 號 名 店 坊 6 號 舖  

  消 費 : $198 / 位 ,小 童 $108 / 位 ( 一 至 四 ) 

$238 / 位 ,小 童 $128 / 位 ( 五 至 日 及 公 眾 假 期 )

   

 


上一篇: 銀座梅林 82年老字號 珍豚美人訪港

下一篇: Nice Sushi + Thai Buffet 日泰式自助晚餐 熱葷篇


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,536
所有文章: 2,060
本日訪客人數: 714
累計訪客人數: 9,940,507