文章
相簿

→ 九 龍

Patisserie Tony Wong 龍城飛將紅 甜魔群出動

不眠王子 於 2009年12月24日發表   人氣:1291


       

       噚 日 講 完 九 龍 城 近 期 最 人 氣 嘅 Patisserie Tony Wong ,勁 多 朋 友 仔 問 我 可 唔 可 以 講 多 幾 款 甜 品 ,尤 其 是 佢 嘅 招 牌 鎮 店 之 寶 Chocolate truffle cake . . . 無 問 題 呀! 

      前 帝 苑 酒 店 行 政 糕 餅 總 廚 自 立 門 戶 ,喺 有 份 開 荒 嘅《曲 奇 四 重 奏》隔 幾 個 舖 位 開 設 屬 於 自 己 嘅 五 星 級 蛋 糕 店。1 個 餅 櫃 、2 張 枱 椅 、3 位 靚 女 日 日 去 招 呼 一 大 班 朝 聖 者 ,真 係 戥 佢 哋 辛 苦 呀!

     

      你 諗 吓 ,Tony 班 學 生 、帝 苑 Fine Foods 班 熟 客 、睇 佢 著 作 嘅 讀 者 、以 前 睇 Cable 跟 佢 學 整 餅 嘅 粉 絲 、一 班 甜 魔 . . . 個 個 趨 之 若 鶩 ,等 佢 開 門 、來 電 留 餅 ,再 加 埋 趁 熱 鬧 walk-in 嘅 市 民 . . . 你 話 啦!有 乜 可 能 唔 日 日 爆 場 呀?所 以 佢 開 咗 成 個 月 ,我 經 常 經 過 都 一 直 唔 敢 入 去。

      由 朝 到 晚 全 店 經 常 迫 滿 客 ,好 似 有 新 股 配 售 咁 ,見 到 堂 食 嗰 2 枱 客 食 到 混 身 唔 自 在 ,何 必 咁 辛 苦 呢?學 王 子 咁 ,行 多 幾 步 去 九 龍 城 廣 場 ,正 門 旁 邊 有 間 大 家 樂 嘛!買 杯 嘢 飲 ,慢 慢 坐 喺 度 影 cake 、食 cake 囉! 

      不 過 不 得 不 讚 呢 度 嘅 靚 女 店 員 ,圍 滿 晒 客 都 依 然 咁 鎮 定 ,有 條 不 紊 咁 逐 個 客 去 服 務 ,笑 容 仲 甜 到 殺 死 人。  

      

       見 王 妃 下 個 星 期 生 日 ,本 來 只 係 嚟 訂 個 Chocolate truffle cake 俾 佢 歎 吓!因 為 之 前 睇 過 Tony 喺 一 篇 訪 問 中 講 過「. . . 以 前 酒 店 都 著 重 成 本 回 報 ,用 料 有 所 限 制。但 而 家 自 己 話 事 ,自 由 度 大 ,材 料 用 更 好 嘅 ,步 驟 比 以 前 做 得 更 細 緻。Chocolate truffle Cake 以 前 只 用 1 種 朱 古 力 ,而 家 就 用 3 種 朱 古 力 混 合 ,再 加 層 榛 子 脆 片 令 口 感 更 佳 . . .」

      即 係 話 呢 度 嘅 Chocolate truffle cake 肯 定 正 過 帝 苑 囉! 

     

      Lunch time 之 後 ,零 售 嘅 蛋 糕 9 成 9 已 俾 人 掃 清 ,餅 櫃 內 嘅 頭 2 層 全 部 都 係 客 人 所 訂 嘅 生 日 蛋 糕 ,真 係 駕 勢 堂! 

     

      3 點 半 下 午 茶 時 段 ,餅 房 有 少 量 拿 破 崙 餅 及 果 撻 供 應  

     

      嗰 頭 影 完 相 ,餅 櫃 都 未 入 ,果 撻 已 俾 人 龍 掃 去 一 半

      

       餅 櫃 內 嘅 聖 誕 限 定 樹 頭 蛋 糕 呢 幾 日 勁 多 人 買。

      

       Christmas log cake 聖 誕 樹 頭 蛋 糕 ($98) 第 一 次 見 ,上 次 嚟 都 未 有 ,價 錢 唔 平 因 為 size 唔 細 兼 用 料 上 乘 嘛!

      

       聖 誕 樹 頭 蛋 糕 賣 相 咁 鬼 靚 ,王 妃 望 到 唔 眨 眼 ,買 啦! 

      

       樹 頭 蛋 糕 軟 綿 綿 ,質 感 就 好 似 高 級 太 空 枕 一 樣 ,朱 古 力 味 香 濃 得 嚟 唔 會 過 甜 。水 準 高 過 集 團 式 餅 店 好 多。 

      

       朱 古 力 蛋 糕 捲 住 嘅 樹 芯 部 份 係 香 甜 嘅 櫻 桃 ,Yummy!

                

      Snow Man 雪 人 ($68) 新 開 張 時 只 賣 $48 ,貴 咗 咁 多 ,外 觀 上 只 係 多 咗 條 朱 古 力 樹 枝 ,但 你 唔 買 就 走 寶 啦!

      

      雪 人 個 body 同 個 頭 原 來 係 2 種 完 全 唔 同 嘅 口 感 ,雪 人 身 體 軟 綿 綿 ,質 感 似 係 糯 米 糍 ,內 有 甜 甜 嘅 草 莓 餡。而 雪 人 個 頭 原 來 係 硬 嘅!咬 落 係 香 濃 嘅 朱 古 力 脆 皮。就 連 樹 枝 都 係 濃 度 好 高 嘅 朱 古 力 脆 條。貴 得 合 理 嘅! 

                 

      Chocolate Truffle Cake 朱 古 力 軟 心 蛋 糕 ($32) 可 遇 不 可 求 ,基 本 上 每 日 過 咗 中 午 就 唔 會 再 見 到 出 現 喺 餅 櫃 之 內 ,想 食 到 佢 只 有 3 個 方 法 . . .

      1. 一 早 11 點 舖 頭 開 門 到 下 午 2 點 前 多 數 會 買 到。

      2. 舖 頭 開 門 後 打 電 話 去 預 留 ,過 咗 2 點 就 唔 駛 打 啦

      3. 買 $170 嘅 3/4 磅 裝 或 $230 嘅 1 磅 裝 ,去 到 5 點 仲 會 有 

     

      Chocolate Truffle Cake 用 3 種 朱 古 力 混 合 而 成 ,再 用 榛 子 脆 片 做 底 層 ,面 頭 放 上 點 金 箔 ,令 人 有 種 驚 艷 嘅 感 覺。

     

      食 朱 古 力 軟 心 蛋 糕 ,要 用 刀 叉 去 享 受 . . . 外 層 光 滑 如 鏡 嘅 朱 古 力 漿 味 道 勁 香 濃 ,一 放 入 口 ,上 下 咀 唇 就 好 似 即 時 搽 咗 層 朱 古 力 潤 唇 膏 咁 ,有 種 極 豐 潤 嘅 感 覺。再 加 上 朱 古 力 慕 絲 、海 綿 、軟 心 蛋 糕 三 位 一 體 ,好 食 到 . . . 唔 識 點 講 至 夠 貼 切 . . . 自 己 買 件 試 吓 至 明。

                    

                     Napoleon 拿 破 崙 餅 ($32) 個 look 好 形 仔

                    

                     拿 破 崙 餅 頂 層 有 幾 塊 香 口 脆 片 ,而 中 間 有 2 層 厚 厚 嘅 吉 士 醬 為 生 果 作 穩 定 之 用 ,清 清 甜 甜 都 幾 好 味。

      

       櫻 桃 嬌 嫩 欲 滴 、充 滿 光 澤 ,好 似 粒 紅 寶 石 咁 ,味 道 比 想 像 中 鮮 甜 多 汁 . . . 最 初 仲 以 為 雪 得 太 耐 無 咁 新 鮮 嘛!

      

       就 咁 睇 以 為 $32 好 貴 ,食 過 至 知 乜 嘢 叫 一 分 錢 一 分 貨

     

      Cherry Tart 車 厘 子 撻 ($32) 新 鮮 做 起 ,賣 相 靚 絕 ,即 買

      

      車 厘 子 粒 粒 都 勁 鮮 甜 多 汁 ,而 且 仲 幫 你 去 埋 核 ,砌 到 靚 一 靚 ,撻 皮 鬆 脆 之 餘 仲 有 頗 濃 嘅 牛 油 香 ,超 好 味 呀!

                  

      Blueberry Tart 藍 莓 撻 ($32) 又 係 新 鮮 做 起,賣 相 亦 吸 引

     

      藍 莓 粒 粒 都 咁 清 甜 ,細 細 個 撻 上 竟 堆 咗 接 近 20 粒 ,仲 喺 其 中 幾 粒 點 上 金 箔 ,引 死 人 咩?撻 皮 一 樣 咁 鬆 脆 兼 有 牛 油 香 ,都 喺 嗰 句,超 好 味 呀!

                     

       Hazelnut chocolate cake 朱 古 力 臻 子 脆 餅 ($32) 少 人 買

      

       因 店 內 樣 靚 又 好 味 嘅 名 物 實 在 太 多 ,攪 到 Opera 、Hazelnut chocolate cake 等 2、3 款 餅 無 人 吼 ,Walk-in 都 買 到。

      

       朱 古 力 臻 子 脆 餅 樣 就 普 通 啲 ,但 都 好 好 味 喎!上 層 朱 古 力 味 又 香 濃 又 脆 口 ,下 層 臻 子 脆 餅 勁 鬆 化 ,Good 呀!

      

       3 件 餅 已 經 用 咗 2 個 盒 去 裝 ,唔 怕 互 相 觸 碰 撞 散 晒。

                    

       最 後 仲 用 靚 靚 手 抽 紙 袋 裝 住 ,細 心 之 餘 彰 顯 高 貴 感

      唔 想 去 到 買 唔 到 心 頭 好?中 午 前 好 打 電 話 去 預 留 啦 

      

       電 話 : 2382 6639          平 均 消 費 : $32 - $98 / 位 

      地 址 : 九 龍 城 福 佬 村 道 74 號 地 下

                              

 


上一篇: 澳門 食通 Guide 2010

下一篇: Erawan Thai 環境一流 正宗泰國菜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,504,607
所有文章: 2,060
本日訪客人數: 2,969
累計訪客人數: 10,264,420