文章
相簿

澳 門 酒 店 ● 食

粥麵莊 酒店級水準 價錢夠經濟

不眠王子 於 2009年12月29日發表   人氣:862


      

       24 號 中 午 到 澳 門 ,第 一 時 間 去 新 葡 京 酒 店 食 lunch ,知 道 粥 麵 莊 有 拉 麵 師 傅 現 場 表 演 炮 製 山 西 手 工 麵 ,又 有 茶 藝 師 傅 表 演 花 式 功 夫 茶 ,加 埋 阿 蓮 推 介 ,咪 嚟 試 吓 囉!

      首 先 想 講 ,網 上 有 食 評 話 呢 度 係 賭 場 ,小 朋 友 不 能 內 進 係 錯 嘅!其 實 酒 店 有 電 梯 上 U1/F ,唔 須 要 經 賭 場 架! 

      

       粥 麵 莊 門 口 旁 嘅 巨 型 玻 璃 窗 可 見 到 點 心 師 傅 整 點 心

      

       粥 麵 莊 格 局 充 滿 貴 氣 ,地 方 相 當 大 ,枱 與 枱 之 間 有 一 定 嘅 距 離 ,但 價 錢 就 唔 算 貴 ,甚 至 可 以 話 係 好 抵 食 添!

      

       有 茶 藝 師 傅 表 演 花 式 功 夫 茶 ,但 茶 葉 卻 比 想 像 中 平 靚 正 ,一 般 茶 葉 只 係 $5 杯 ,最 貴 嘅 都 係 $30 咋!

      

       八 寶 茶 ($5) 實 在 係 抵 到 喊 ,飲 完 再 用 滾 水 沖 多 幾 轉 ,味 道 依 然 係 咁 甘 香 甜 潤 ,無 得 頂。

      

       茶 內 各 種 配 料 好 似 紅 棗 、杭 白 菊 、杞 子 等 質 素 極 高

      

       龍 井 茶 ($5) 去 酒 樓 飲 茶 俾 $10 茶 錢 都 無 咁 靚 嘅 茶 葉 啦

      

       點 咗 碗 一 根 麵 ,即 刻 走 埋 去 睇 山 西 師 傅 表 演 ,睇 住 佢 將 一 根 麵 條 遠 距 離 拉 落 鑊 內 ,功 架 一 流。吓?睇 唔 到?

            

      將 一 根 咁 長 嘅 麵 條 離 幾 尺 遠 拉 落 鑊 內 好 考 功 夫 架! 

      

       一 根 麵 ($50) 可 配 一 款 湯 底 及 一 款 配 料 ,想 加 多 一 款 配 料 都 係 俾 多 $10 ,貴?唔 好 忘 記 呢 度 係 酒 店 噃!

      

       我 揀 咗 牛 肉 湯 底 配 紅 燒 牛 筋 腩 ,因 為 呢 度 啲 牛 筋 同 牛 腩 都 好 正 架!牛 筋 軟 腍 滑 嘟 嘟 ,牛 腩 肉 質 鬆 化 肉 味 濃。 

       

       一 根 麵 食 落 爽 口 彈 牙 有 咬 勁 ,$50 碗 食 完 都 會 覺 得 值

      

       再 點 一 碗 刀 削 麵 ,然 後 又 埋 去 睇 吓 師 傅 嘅 手 勢

      

       刀 削 麵 ($50) 揀 咗 酸 辣 湯 配 酸 辣 雲 吞 ,呢 碗 我 俾 滿 分

      

       酸 辣 湯 非 常 香 濃 兼 杰 身 ,配 料 勁 多 ,冬 菇 、筍 絲 等 全 部 用 靚 貨 色 ,酸 辣 度 適 中 又 平 均 ,味 道 係 超 讚 嘅!一 片 片 刀 削 麵 雖 然 厚 身 ,但 索 晒 酸 辣 湯 嘅 精 華 煙 韌 有 好 味。

      

       酸 辣 雲 吞 亦 係 美 味 到 極 ,雲 吞 內 蝦 肉 非 常 鮮 味 爽 口

                    

       驢 打 滾 ($20) 係 北 方 甜 點 ,類 似 紅 豆 糯 米 卷 ,好 正 架

      

       糯 米 皮 煙 煙 韌 韌 ,紅 豆 蓉 清 清 甜 甜 ,香 噴 噴、好 好 味

       呢 餐 食 得 飽 飽 ,埋 單 連 加 一 都 係 $143 ,抵 食!

      

       電 話 : (853) 8803 7755         平 均 消 費 : $60 - $90 / 位

      地 址 : 澳 門 葡 京 路 新 葡 京 酒 店 紅 金 上 層 U1/F

      

 


上一篇: 美的雪糕車 賤格阿叔 累及無辜

下一篇: 甜香園麥師傅甜品 勝在開得夠夜


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,689,037
所有文章: 2,060
本日訪客人數: 559
累計訪客人數: 9,546,343