文章
相簿

澳 門 甜 品

馨發豆腐花 一試鍾情 酸辣湯豆腐花

不眠王子 於 2010年01月02日發表   人氣:888


       

       豆 腐 花 你 一 定 食 過 ,酸 辣 湯 你 應 該 飲 過 ,酸 辣 豆 腐 湯 都 或 者 試 過 ,咁 酸 辣 湯 豆 腐 花 呢?你 試 過 未?

      喺 氹 仔 食 店 林 立 嘅 官 也 街 附 近 ,有 間 隱 世 到 爆 嘅 豆 腐 花 店 叫 馨 發 豆 腐 花 ,有 幾 隱 世?門 口 招 牌 都 無 個 ,只 係 掛 塊 用 紅 字 寫 住 豆 腐 花 嘅 白 布 喺 舖 側。點 去?由 官 也 街 尾 莫 義 記 穿 過 公 園 ,沿 馬 路 左 邊 行 一 陣 就 見。

      

       忘 卻 威 記 情 與 恨‧猶 記 馨 發 豆 腐 花 . . . 唔 知 馨 發 老 闆 寫 俾 客 睇 ,還 是 寫 俾 自 己 睇。既 然 想 忘 卻 ,就 唔 好 寫 低 放 喺 咁 當 眼 嘅 地 方 日 對 夜 對 嘛!

      馨 發 除 咗 一 般 豆 腐 花 ,仲 有 賣 芝 麻 糊 、砵 仔 糕 等 ,熱 豆 腐 花 細 碗 賣 $6.5 ,大 碗 就 $8.5 ,都 OK 嘅!

                    

       酸 辣 湯 豆 腐 花 仲 要 加 忽 必 烈 喺 前 面 ,我 即 時 諗 到 衰 嘢 ,豆 腐 花 唔 通 酸 辣 到 pat pat 都 烈 開 . . .

      

       酸 辣 湯 豆 腐 花冰 鎮 豆 腐 花 各 叫 一 碗 試 吓 先 . . .

      

       酸 辣 湯 豆 腐 花 ($13) 即 叫 即 撞 ,總 之 要 稍 等 一 陣 ,嚟 到 熱 辣 辣 到 起 晒 煙 ,色 香 味 俱 全 ,豆 腐 花 仲 勁 滑 溜 添!

      

       酸 辣 湯 亦 相 當 足 料 ,冬 菇 、筍 絲 勁 多 ,酸 辣 度 恰 到 好 處 ,齋 飲 都 咁 正。再 加 埋 滑 嘟 嘟 豆 腐 花 ,正 到 之 後 入 嚟 嘅 人 個 個 都 叫 番 碗 ,但 原 來 我 呢 碗 已 經 係 last 啦!

      

       冰 鎮 豆 腐 花 ($11) 咁 貴 . . . 有 乜 特 別?老 闆 娘 話 豆 腐 花 係 用 礦 泉 水 喎!我 只 係 知 豆 腐 花 好 滑 好 滑 同 埋 . . . 好 滑!但 豆 香 就 唔 係 咁 濃。味 道 清 甜 ,糖 水 唔 係 落 得 太 重 手。

      但 單 係 為 咗 碗 酸 辣 湯 豆 腐 花 ,I'll Be Back!

       

       電 話 : 沒 有            平 均 消 費 : $7 - $13 / 位

      地 址 : 澳 門 氹 仔 施 督 憲 正 街 39 號 地 下

      

 


上一篇: 禮記雞鮑翅 澳門名翅 氹仔店亦正

下一篇: 新好利咖啡餅店 樣樣都係麻麻哋


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,687,830
所有文章: 2,060
本日訪客人數: 2,139
累計訪客人數: 9,545,136