文章
相簿

澳 門 酒 店 ● 食

葡京酒店 葡京日麗 蝦蟹 點心宴

不眠王子 於 2010年01月03日發表   人氣:1304


  

   今 次 澳 門 之 旅 單 係 講 食 嘅 已 出 到 第 15 篇 Blog ,由 L 嘅 各 款 評 級 到 死 神 流 克 都 出 齊 晒 ,係 未 出 王 子 印 章 ,呢 篇 要 俾 啦!得 主 係 葡 京 酒 店 嘅 高 級 中 菜 廳 葡 京 日 麗 ,網 上 有 人 叫 佢 做 酒 樓 ,甚 至 有 人 叫 佢 做 餐 廳 ,講 到 cheap 晒 ,陰 公!就 連 Openrice 都 叫 錯 佢 做 葡 京 酒 店 日 麗。

  話 明 係 酒 店 中 菜 廳 ,格 局 及 擺 設 當 然 係 比 酒 樓 高 級 ,但 點 心 嘅 價 錢 絕 對 唔 貴。而 service 亦 出 奇 地 好 過 新 葡 景 嗰 邊 嘅 食 肆 ,起 碼 幾 個 女 侍 應 都 反 應 快 、夠 殷 勤。

  

   今 次 推 介 呢 度 嘅 品 茗 時 段 ,記 住 閒 日 朝 早 由 11 點 半 開 始 到 下 午 3 點 ,星 期 六 、日 及 公 眾 假 期 就 由 9 點 半 到 下 午 3 點。點 咗 壺 普 洱 ,發 覺 呢 度 嘅 茶 葉 有 番 咁 上 下 質 素 ,而 點 心 更 加 唔 駛 講 ,即 叫 即 製 ,樣 靚 味 道 好 ,超 強 呀!

  我 同 王 妃 係 蝦 癡 ,2 個 剔 完 點 心 紙 後 至 發 現 原 來 呢 餐 所 揀 嘅 點 心 唔 係 蝦 就 係 蟹 作 主 打 ,真 搞 笑 . . . 

  

   翡 翠 鮮 蝦 餃 ($30) 同 樣 價 錢 ,喺 香 港 嘅 酒 店 中 菜 廳 食 就 只 得 4 粒。蝦 餃 皮 唔 算 薄 ,但 餡 就 肯 定 靚 ,有 鮮 味 爽 口 河 蝦 仁 喺 裡 面 ,點 解 隻 蝦 餃 綠 色 嘅?加 咗 蘿 勒 嘛!

  

   咖 喱 焗 蟹 撻 ($30) 係 廚 師 推 介 ,一 碟 有 3 隻 栩 栩 如 生 嘅 蟹 仔 趴 喺 咖 喱 撻 上 面。

  

   個 look 精 緻 到 我 哋 將 隻 碟 轉 嚟 轉 去 好 耐 都 唔 捨 得 食

  

   蟹 仔 嘅 酥 皮 相 當 香 口 鬆 化 ,1 件 點 心 同 時 有 3 種 口 感

  

   咖 喱 撻 嘅 牛 油 撻 皮 夠 香 脆 ,咖 喱 香 而 不 辣 ,好 味!

  

   橙 蜜 炸 雲 吞 ($24) 用 半 個 鮮 橙 去 肉 嚟 裝 住 橙 蜜 醬 汁 ,夠 心 思 ,4 隻 雲 吞 亦 包 得 好 靚 呀!

  

   雲 吞 炸 得 香 脆 ,蝦 肉 夠 鮮 味 ,蘸 埋 橙 汁 就 更 好 味。

  

   蒜 香 脆 蝦 卷 ($24) 賣 相 似 春 卷 ,咬 落 去 熱 辣 辣、勁 鬆 脆 ,蝦 肉 份 量 唔 少 ,唔 駛 蘸 汁 就 咁 食 已 好 好 味。

   

   高 力 蟹 粉 球 ($30) 第 一 次 食 ,炸 到 金 黃 色 大 大 球 ,見 佢 size 唔 細 ,仲 以 為 有 好 多 餡 添!

  

   話 明 高 力 蟹 粉 球 嘛!當 然 無 乜 餡 ,但 豬 肉 夠 鮮 味 之 餘 亦 食 到 有 唔 少 香 濃 蟹 粉 ,都 幾 正 嘅!

  

   荔 茸 鳳 尾 蝦 ($24) 1 客 3 件 ,賣 相 又 係 靚 到 唔 捨 得 食

   

   荔 茸 鳳 尾 蝦 外 層 個 雀 巢 好 少 見 炸 到 咁 靚 咁 金 黃 . . .

  

   去 Youtube 睇 吓!去 Google search 吓!無 件 靚 得 過 呢 度

  

   外 層 勁 鬆 脆 ,蝦 肉 大 隻 又 鮮 味 ,正 到 不 得 了 呀!

 

   杏 汁 凍 布 甸 ($25) 亦 係 廚 師 推 介 ,無 論 質 感 或 味 道 都 係 超 讚 嘅!凍 布 甸 滑 嘟 嘟 杏 香 撲 鼻 ,甜 香 軟 滑 ,裡 面 仲 有 啲 新 鮮 龍 眼 肉 添!超 好 味 呀!

  埋 單 連 茶 芥 及 加 一 都 係 $220 左 右 ,酒 店 嚟 講 唔 貴 啦

  

   電 話 : (853) 8803 3100      平 均 消 費 : $70 - $110 / 位

  地 址 : 澳 門 葡 京 路 葡 京 酒 店 東 翼 2 樓

  

 


上一篇: 魔手和風拉麵 激讚限定品 凍食三文魚蛋卷

下一篇: City Cafe 酒店級豪裝 咖啡室


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,404,634
所有文章: 2,060
本日訪客人數: 2,359
累計訪客人數: 10,180,405