文章
相簿

→ 銅 鑼 灣

小平津 港式日本料理

不眠王子 於 2010年01月08日發表   人氣:932


      

       又 到 王 子 周 末 推 介 啦!上 個 星 期 5 講 過 王 妃 至 鍾 意 食 日 本 嘢 ,又 鍾 意 試 新 嘢 ,所 以 一 早 book 咗 小 平 津 嘅 窗 口 位 同 佢 喺 除 夕 慶 祝 生 日 ,仲 安 排 咗 個 超 級 驚 喜 俾 佢 ,開 心 到 佢 面 仔 都 紅 埋 . . . .

       小 平 津 搬 咗 嚟 新 場 後 地 方 闊 落 咗 ,侍 應 雖 然 係 後 生 仔 ,但 斯 文 有 禮 夠 殷 勤 ,老 闆 更 加 係 nice 到 爆 又 夠 細 心 ,奉 上 生 日 壽 司 蛋 糕 時 ,同 王 妃 講 生 日 快 樂 後 仲 主 動 提 出 幫 我 哋 影 張 合 照 留 念。所 以 埋 單 時 佢 計 漏 個 蛋 糕 入 單 ,我 都 主 動 同 佢 講 笑 話 :「無 理 由 要 你 請 嘅!」

                    

                     香 辣 牛 舌 粒 係 迎 賓 小 食!好 惹 味 架!

                     

                      酸 麵 豉 雜 錦 沙 律 ($38) 係 新 推 出 嘅 自 家 製 期 間 限 定 品 ,必 試!做 型 夠 精 緻 ,味 道 清 新!

                     

                     酸 麵 豉 雜 錦 沙 律 柱 內 有 牛 油 果 、清 瓜、 蝦 肉 等 ,拌 以 自 家 製 麵 豉 ,味 道 酸 酸 哋 清 新 夠 醒 胃 ,沙 律 柱 頂 仲 有 蘆 筍 及 大 大 隻 熟 蝦 ,好 睇 又 好 食。

                    

       南 瓜 沙 律 ($40) 係 小 平 津 嘅 招 牌 沙 律 ,枱 枱 都 會 點 ,用 日 本 南 瓜 煮 熟 後 磨 茸 再 混 入 沙 律 醬 ,清 清 甜 甜 涼 透 心。 

       

       三 文 魚 剌 身 ($60) 厚 切 6 片 ,新 鮮 肥 美 ,物 有 所 值。

       

       三 文 魚 剌 身 充 滿 光 澤 ,新 鮮 有 魚 味。雖 然 唔 係 頂 級 貨 色 ,但 絕 非 MK 嗰 啲 $20 半 磅 無 魚 味 三 文 魚 刺 身 可 比。

                   

       碎 蔥 免 治 吞 拿 魚 腩 軍 艦 壽 司 ($40) 唔 駛 講 啦!比 噚 日 乜 水 嗰 件 正 得 多 ,吞 拿 魚 腩 蓉 夠 晒 鮮 味。

      

       帶 子 壽 司 ($30) 質 素 唔 錯 ,帶 子 鮮 甜 ,飯 粒 又 唔 散。

      

       清 酒 煮 蜆 ($65) 唔 係 用 平 價 嘅 沙 白 蜆 ,而 係 用 大 花 蛤 ,仲 正 呀!而 且 份 量 都 唔 少 ,出 面 食 親 蜆 好 多 時 都 有 唔 少 空 殼 ,而 呢 度 就 隻 隻 都 有 料 到 ,計 落 其 實 好 抵 食。Menu 上 已 寫 明 敬 請 預 訂 ,Walk-in 就 要 睇 彩 數 ,知 道 王 妃 至 愛 呢 道 菜 ,當 然 係 一 早 訂 定 啦!

      

       花 蛤 大 大 隻 ,肉 質 鮮 甜 又 無 沙 ,仲 帶 住 淡 淡 嘅 清 酒 香 味。墊 底 嘅 黃 芽 白 清 甜 無 渣。平 時 食 清 酒 煮 蜆 我 一 定 唔 會 飲 個 湯 ,因 為 唔 係 苦 就 係 無 味 ,但 呢 個 花 蛤 湯 亦 相 當 清 甜 ,可 能 落 咗 唔 少 黃 芽 白 呱!

      

       鰻 魚 豆 腐 天 婦 羅 ($60) 亦 係 小 平 津 另 一 自 家 創 作 嘅 人 氣 招 牌 名 物 ,一 場 嚟 到 梗 係 要 試 吓 啦!

      

       嫩 滑 豆 腐 配 合 濃 味 鰻 魚 ,用 紫 菜 包 住 再 加 少 少 炸 粉 製 成 天 婦 羅 ,一 定 要 第 一 時 間 放 入 口 至 感 受 到 精 彩 之 處 ,放 涼 咗 嘅 豆 腐 同 鰻 魚 當 然 點 食 都 唔 會 正 得 去 邊 啦!

      

       冷 稻 庭 烏 冬 ($78) 係 我 近 半 年 食 過 最 正 嘅 冷 稻 庭 烏 冬 ,比 早 排 喺 尖 沙 咀 新 開 嗰 幾 間 所 謂 烏 冬 專 門 店 更 好 食。

      

       冷 稻 庭 烏 冬 份 量 多 到 足 夠 2 個 人 分 ,白   、滑 嘟 嘟 ,充 滿 光 澤。將 各 種 配 料 放 入 醬 汁 後 撈 勻 ,再 放 一 口 烏 冬 落 汁 浸 一 浸 ,一 啖 入 口 ,冰 涼 嘅 感 覺 ,滑 溜 到 不 得 了。 

      食 完 個 感 覺 : 自 家 烏 冬、香 之 香、川 福、江 川 . . . 出 局! 

                    

       梅 酒 ($35) 唔 知 係 邊 隻 牌 子 ,係 貴!但 好 飲 過 Choya 噃

     

      生 日 壽 司 蛋 糕 (價 另 議) 有 成 尺 長 ,係 咪 好 震 撼 呢?

      呢 度 嘅 自 家 製 蛋 糕 有 幾 款 選 擇 ,有 最 大 路 由 三 文 魚 砌 成 嘅 圓 形 壽 司 蛋 糕 或 甜 品 系 嘅 英 文 字 母 迷 你 蛋 糕。而 壽 司 字 母 蛋 糕 就 最 少 人 見 過 ,知 道 製 作 需 時 ,所 以 我 係 提 早 好 幾 日 預 訂 ,老 闆 超 好 人 ,仲 會 按 我 嘅 要 求 盡 量 配 合 ,例 如 王 妃 最 愛 帶 子 及 吞 拿 魚 ,結 果 吞 拿 魚 就 做 咗 2 款。靚 仔 老 闆 話 帶 子 偏 白 色 可 能 效 果 無 咁 靚 ,我 話 唔 緊 要 ,你 揸 fit 啦!結 果 帶 子 壽 司 上 加 咗 蟹 子 . . . 好 窩 心 呀!

      當 然 ,生 日 壽 司 蛋 糕 係 當 日 新 鮮 製 作 啦!

     

      壽 司 製 作 相 當 嚴 謹 ,5 款 魚 生 非 常 新 鮮 ,壽 司 飯 亦 夠 軟 熟 ,唔 會 散 甩 甩 ,整 件 英 文 字 母 壽 司 似 係 用 個 字 母 模 具 去 製 作 ,感 覺 有 啲 似 箱 壓 壽 司。 

     

      王 妃 對 "O" 壽 司 讚 不 絕 口 ,話 帶 子 仲 鮮 甜 過 散 叫 嗰 件

     

      咁 大 個 生 日 壽 司 蛋 糕 只 係 百 鬆 啲!仲 抵 過 買 真 蛋 糕

                  

      最 後 再 切 埋 個 生 日 蛋 糕 Chocolate truffle cake ,禮 成! 

      

       埋 單 時 送 上 豆 腐 及 咖 啡 雪 糕 ,唔 係 雀 巢 貨 色 算 OK!

      埋 單 只 係 $600 ,超 抵 食!我 一 定 會 再 嚟 . . . 好 密 嗰 隻

       

       電 話 : 2893 9697              平 均 消 費 :  $200 - $300 / 位 

      地 址 : 銅 鑼 灣 波 斯 富 街 48 號 優 食 橫 町 3 樓 G 舖

                            

 


上一篇: Yahoo 2009 Blog 之最 無啦啦當選

下一篇: 金水壽司 九龍城店 跌錢晚餐


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,561,265
所有文章: 2,060
本日訪客人數: 1,356
累計訪客人數: 10,312,332