文章
相簿

→ 中 環

華豐燒臘專家 燒臘滷味 老字號 潮得起

不眠王子 於 2010年01月11日發表   人氣:783


      

 

       華 豐 燒 臘 專 家 以 前 係 間 有 接 近 70 年 歷 史 嘅 燒 臘 店 ,最 近 裝 修 完 重 開 竟 變 咗 一 間 形 格 燒 味 茶 餐 廳 ,一 到 lunch 時 段 就 爆 場 爆 到 不 得 了。好 彩 ,暫 時 夜 晚 去 唔 算 多 人 ,唔 駛 等 位 之 飲 仲 有 闊 落 卡 位 坐 添!

      我 最 欣 賞 係 哩 角 嘅 侍 應 比 中 上 環 一 帶 任 何 一 間 燒 臘 茶 餐 廳 更 好 招 呼 ,反 應 快 、有 笑 容 ,仲 相 當 細 心。

      燒 味 茶 餐 廳 唔 只 賣 單 賣 燒 味 、臘 味 、鹵 味 ,連 小 菜 都 有 唔 少 款 式 ,就 算 金 錢 雞 、鳳 凰 奶 糊 等 古 老 美 食 一 樣 有 得 供 應。而 且 仲 有 啲 自 家 創 作 嘅 特 色 名 物 添!

       

       雖 然 全 新 面 貌 示 人 ,但 仍 有 唔 少 古 老 懷 舊 菜 式 供 應

      

       而 家 做 埋 堂 食 ,地 方 又 大、樓 底 又 高 ,感 覺 相 當 舒 服

       

       店 內 用 多 個 瓷 花 瓶 做 吊 燈 ,形 仔 得 嚟 又 有 幾 分 古 雅

      

       金 華 火 腿 炒 蛋 三 文 治 ($25) 夠 晒 gimmick ,而 事 實 市 面 上 腿 蛋 治 嘅 火 腿 一 向 都 係 雪 藏 肉 一 片 或 幾 條 ,無 乜 味 道 可 言。用 金 華 火 腿?未 食 都 估 到 有 幾 正 啦!

       

       金 華 火 腿 甘 香 味 濃 ,少 少 已 經 足 夠 ,炒 蛋 亦 夠 香 滑

       

       但 三 文 治 嘅 腿 蛋 略 嫌 細 份 ,多 啲 蛋 去 中 和 火 腿 更 佳

      

       叉 燒 拼 燒 肉 ($60) 係 燒 味 雙 拼 嘅 心 水 選 擇 ,以 份 量 計 ,價 錢 係 貴 咗 啲!$50 會 比 較 合 理 ,當 俾 面 份 靚 叉 燒 吧!

      

       燒 肉 望 落 唔 係 太 靚 ,但 都 皮 脆 肉 滑 嘅!而 家 好 多 地 方 嘅 燒 肉 一 食 到 最 肥 嗰 層 我 都 會 . . . 但 哩 度 嘅 燒 肉 真 係 好 正 ,可 以 成 件 放 入 口。

       

       叉 燒 半 肥 瘦 ,靚 得 交 關 ,肉 質 鬆 化 、蜜 味 香 濃。瘦 嘅 部 份 唔 乾 ,肥 嘅 部 份 唔 韌。正 到 想 打 包 半 斤 返 屋 企。

      

       什 錦 鹵 味 拼 盤 ($40) 包 括 生 腸 、豬 脷 、豬 肚 、雞 腎 等 ,水 準 比 想 像 中 失 色 , 滷 得 唔 夠 入 味。

      

       啲 豬 乜 豬 物 係 好 爽 口 、好 鮮 味 ,只 係 無 乜 滷 水 味 囉!

      

       全 碟 最 好 味 、只 係 幾 塊 脷!

       

       華 豐 馳 名 臘 味 煲 仔 飯 ($45) 用 到 華 豐 馳 名 4 個 字 ,梗 係 要 試!餐 牌 上 雖 寫 住 一 人 份 量 ,但 其 實 都 夠 2 個 人 食。

      

       侍 應 會 幫 忙 贊 上 豉 油 ,之 後 仲 會 問 你 落 得 夠 唔 夠 ,記 得 焗 一 陣 至 開 蓋 . . . 相 當 體 貼。

      

       香 噴 噴 嘅 臘 味 煲 仔 飯 有 齊 臘 腸 、膶 腸 、臘 肉 及 菜 心 ,一 式 兩 份 ,以 價 論 質 ,收 貨 有 餘。

      

       華 豐 嘅 臘 味 向 來 都 咁 出 名 ,水 準 無 需 懷 疑。

      

       臘 腸 、膶 腸 、臘 肉 、油 鴨 嘅 精 華 滲 晒 落 飯 粒 之 中 ,單 係 諗 都 已 經 留 晒 口 水。

       

       油 鴨 脾 肉 質 原 來 都 幾 嫩 滑 (我 少 食),鹹 鹹 哋 幾 好 味!

       

       煲 仔 飯 底 部 嘅 飯 焦 可 以 一 整 塊 咁 輕 易 起 出 嚟 ,難 得 無 半 點 燶 ,香 口 脆 卜 卜 ,唔 駛 放 湯 就 咁 食 一 樣 咁 正。

                     

                      什 果 冰 ($20) 已 經 好 耐 無 飲 過 ,只 係 見 menu 內 寫 上 懷 舊 2 字 一 時 興 起 ,少 冰 多 什 果 ,味 道 係 對 辦 嘅!比 起 出 面 嗰 啲 多 冰 少 什 果 嘅 衰 格 茶 記 有 良 心 得 多。

                      

                      朱 田 壁 合 ($18) 即 係 朱 古 力 溝 阿 華 田 . . . not my cup of tea ,試 咗 一 啖 ,朱 到 乜 嘢 咁!啱 晒 小 朋 友 . . .

                       

       凍 奶 茶 係 臨 尾 突 然 想 試 ,唔 記 得 賣 幾 錢 杯 ,只 記 得 水 準 唔 錯 ,有 茶 香。係 味 道 偏 甜 咗 少 少。

      埋 單 around $220,燒、臘、滷 味 樣 樣 齊 ,值 得 再 encore

      

       電 話 : 2544 3466         平 均 消 費 : $50 - $110 / 位

      地 址 : 中 環 威 靈 頓 街 112-114 號 地 下

     

 


上一篇: 岡田珈琲 過江龍 變 過江蟲

下一篇: 嚮應加盟 藍鰭吞拿魚 停食行列


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,223,844
所有文章: 2,060
本日訪客人數: 1,366
累計訪客人數: 10,013,585