文章
相簿

→ 銅 鑼 灣

鳥羽名古屋料理 秘製 手羽先唐揚

不眠王子 於 2010年01月15日發表   人氣:683


      

       又 到 王 子 周 末 推 介 啦!喺 香 港 ,日 本 料 理 食 得 多 ,但 名 古 屋 料 理 真 係 未 試 過 ,睇 飲 食 雜 誌 知 道 上 個 月 喺 銅 鑼 灣 有 間 叫 鳥 羽 名 古 屋 料 理 新 開 張 ,總 廚 係 嚟 自 日 本 ,名 物 有 八 丁 味 噌 及 手 羽 先 唐 揚 等 ,當 然 要 嚟 試 吓 啦!

      手 羽 先 唐 揚 即 係 炸 雞 翼 ,唔 知 點 解 嗰 本 雜 誌 寫 咗 燒 雞 翼 ,最 慘 係 佢 哋 搞 咗 場 網 友 飯 局 ,於 是 搞 到 網 上 大 部 份 食 評 變 晒 燒 雞 翼 ,當 然 店 內 亦 真 係 有 燒 雞 翼 食 嘅!

      Anyway, 講 番 呢 度 嘅 service ,絕 對 要 用 Excellent 嚟 形 容 ,每 個 侍 應 都 咁 好 禮 貌 ,笑 容 亦 夠 自 然 ,招 呼 殷 勤 仲 好 體 貼 ,絕 非 港 式 料 理 嘅 機 械 式 招 呼 可 比。當 晚 原 本 book 咗 7 點 枱 ,王 妃 遲 放 工 搞 到 8 點 至 嚟 ,我 唯 有 先 入 坐 周 圍 影 吓 相 ,同 時 亦 睇 到 香 港 難 得 一 見 嘅 頂 級 服 務 態 度。

      靚 女 經 理 Mancy 見 我 得 一 個 人 ,忙 到 死 之 餘 一 有 少 少 空 閒 就 聊 . . . 係 陪 我 傾 吓 計 、介 紹 吓 間 店。水 吧 個 靚 仔 仲 叫 我 不 如 先 飲 杯 sake 啦!我 只 叫 咗 杯 冰 水 去 等 ,後 生 靚 女 侍 應 見 我 杯 水 差 唔 多 飲 完 ,主 動 問 我 要 唔 要 多 杯 ,甜 到 漏 嘅 笑 容 到 呢 個 moment 仲 記 得 . . . 食 嘢 期 間 因 為 名 物 炸 雞 翼 賣 晒 ,旁 邊 剛 到 嘅 2 位 OL 客 向 侍 應 要 求 俾 番 啲 優 惠 佢 哋 (唉!真 肉 酸 呀 . . . ) ,難 得 係 侍 應 盡 量 去 配 合 ,抵 讚!

      

       鳥 羽 佔 地 2 層 ,樓 下 以 VIP 房 為 主 ,其 中 2 間 仲 係 坐 榻 榻 米 添!上 星 期 五 晚 幫 襯 ,全 場 full ,最 好 先 打 嚟 訂 位。

      

       樓 上 堂 座 有 散 枱 及 吧 枱 ,木 製 檯 櫈 ,唔 只 有 居 酒 屋 風 味 ,仲 好 有 特 色 ,一 大 幅 酒 牆 肯 定 吸 引 班 酒 友。 

      

       清 酒 種 類 超 過 300 款 ,唔 係 擺 設 嚟 架!睇 啱 邊 款 就 叫 服 務 一 流 嘅 靚 女 侍 應 幫 忙 攞 啦!每 罐 劃 一 價 $78。

      

       Sake 有 平 有 貴 ,由 普 通 米 酒 到 貴 價 嘅 吟 釀 都 有 ,有 啲 貴 到 喺 市 面 賣 到 $250 罐 ,呢 度 照 賣 $78 ,識 揀 嘅 肯 定 開 心 死 ,唔 識 揀 嘅 可 以 搵 對 清 酒 好 有 研 究 嘅 經 理 幫 忙。

     

      再 唔 係 嘅 可 以 睇 罐 身 五 顏 六 色 嘅 圖 案 去 揀  . . . 王 子 靜 雞 雞 話 你 知 ,中 間 有 隻 馬 嗰 罐 係 貴 價 嘅 限 定 品 嚟 架!

                  

       鳥 羽 將 推 出 以 自 家 品 牌 為 名 嘅 清 酒 ,香 港 要 遲 啲 有

      

       呢 晚 我 揀 咗 坐 吧 枱 嘅 最 佳 位 置 . . . 角 落 位 ,有 幾 正?

      

       邊 食 邊 睇 住 師 傅 用 新 鮮 食 材 整 串 燒 ,真 係 胃 口 都 好 啲!而 且 師 傅 功 架 十 足 ,調 味 功 夫 一 流。睇 吓 我 哋 食 嘅 串 燒 有 幾 正 就 知 啦!怕 油 煙?放 心 ,有 塊 透 明 板 隔 住 架! 

                   

       店 方 先 送 上 前 菜 青 瓜 牛 舌 粒 醒 醒 胃。 

      

       和 風 野 菜 沙 律 ($48) 係 變 身 食 肉 獸 前 幫 口 腔 清 新 嘅 恩 物 ,沙 律 醬 中 加 咗 少 少 薑 汁 ,所 以 食 落 別 有 風 味。 

       

       海 帶 生 蠔 醋 ($60) 係 當 日 嘅 店 內 限 定 品 ,Menu 無 架!你 去 幫 襯 嗰 陣 不 妨 問 吓 侍 應 有 乜 Daily Special 吧!2 大 隻 生 蠔 嚟 自 廣 島 ,當 日 新 鮮 運 到 ,海 水 味 濃 、肥 美 鮮 甜。加 咗 特 別 調 製 嘅 醋 汁 ,酸 酸 哋 更 加 提 昇 到 生 蠔 嘅 鮮 味!

      

       見 王 妃 未 到 ,又 有 啲 餓 ,於 是 趁 訂 咗 榻 榻 米 房 嘅 客 未 到 ,點 咗 少 少 嘢 入 去 坐 咗 陣 ,食 吓 嘢 、影 吓 相。

      

       日 本 雞 蛋 天 婦 羅 ($28) 細 細 粒 、容 易 食 . . . 但 唔 易 整

      

       日 本 雞 蛋 整 熟 隻 蛋 黃 再 做 天 婦 羅 之 嘛!又 有 幾 難?

      

       一 咬 落 隻 金 黃 蛋 黃 . . . 咦?溏 心 蛋?無 蛋 香 . . . 至 奇!

      

       炸 腐 皮 溫 泉 蛋 ($43) 賣 相 精 緻 ,一 定 要 趁 熱 食 至 正 

      

       腐 皮 整 成 匙 羹 狀 ,釀 入 日 本 溫 泉 蛋 ,外 微 脆 內 溫 軟 

      

       半 熟 溫 泉 蛋 入 口 當 然 夠 juicy ,只 係 略 嫌 稍 欠 蛋 味。

      

       八 丁 味 噌 煮 鯖 魚 ($58) 屬 於 名 古 屋 味 噌 料 理 ,係 日 籍 總 廚 嘅 招 牌 菜 之 一。 加 上 鯖 魚 當 造 ,特 別 肥 美 ,價 錢 亦 唔 貴 ,梗 係 要 試 吓 啦!

      

       經 八 丁 味 噌 烹 煮 後 嘅 鯖 魚 肉 質 嫩 滑 、油 香 鮮 味 ,腩 位 部 份 入 口 即 溶 ,味 道 香 濃 帶 少 少 微 甜 ,滋 味 度 滿 分。

      

       天 空 之 月 ($35) 係 店 內 供 應 嘅 2 款 梅 酒 之 一 ,市 面 720ml 裝 要 成 $130 一 支 架!個 人 覺 得 味 道 比 Choya 香 醇 啲!無 Choya 咁 甜 到 有 啲 over 咗!

      

      Mancy 幫 王 妃 揀 咗 款 味 道 偏 甜 嘅 清 酒 ($78) 凍 飲 慢 慢 嗒 

       

       名 古 屋 秘 製 手 羽 先 唐 揚 ($48) 有 5 隻 ,分 原 味 、中 辣 及 大 辣 ,有 幾 正?當 晚 坐 我 後 面 枱 客 食 咗 超 過 20 隻 呀!

      日 本 朋 友 仔 講 過 ,名 古 屋 風 味 嘅 炸 雞 翼 比 較 乾 身,食 之前 最 好 先 飲 少 少 梅 酒 或 清 酒 ,此 乃 最 佳 食 法。

      

       雞 翼 用 咗 八 丁 味 噌 及 多 種 醬 料 調 味 ,一 食 即 上 癮!

      

       雞 翼 雖 然 係 揀 咗 中 辣 ,但 其 實 又 唔 係 辣 得 太 緊 要 ,辣 中 帶 微 甜 ,超 惹 味。雞 翼 細 細 隻 肉 質 夠 嫩。食 完 本 來 想 encore ,但 已 經 賣 晒 . . . 鬼 咩!枱 枱 都 order 一 大 碟。 

      

       吉 列 佐 賀 豚 肉 串 ($88) 要 呢 個 價 錢 只 因 佐 賀 黑 豚 肉 相 當 矜 貴 ,所 以 一 客 2 串 要 $88 ,豚 肉 炸 到 金 黃 香 脆 ,肉 質 爽 口 鮮 嫩 又 多 汁 ,豚 肉 之 間 仲 有 香 噴 噴 嘅 大 葱 添!

      

       鵝 肝 釀 雞 翼 ($45) 見 師 傅 不 停 咁 燒 就 知 有 好 多 客 落 單

      

       雞 翼 燒 得 靚 ,肉 質 夠 嫩 滑 ,雞 味 當 然 欠 奉 ,但 香 濃 又 份 量 唔 少 嘅 鵝 肝 醬 正 好 彌 補 不 足 之 處。

      

       蘆 筍 豚 肉 卷 ($25) 一 見 到 梯 形 嘅 排 列 就 知 師 傅 心 思 細 密 ,如 果 全 部 並 排 去 燒 ,會 因 唔 同 位 置 嘅 爐 溫 唔 同 而 燒 到 有 啲 會 好 燶 ,有 啲 就 未 熟。 

      

       薄 切 豚 肉 捲 住 露 筍 燒 得 咁 靚 ,無 乜 港 式 串 燒 店 做 到

      

       豚 肉 薄 薄 一 片 ,燒 到 微 脆 甘 香 ,口 感 有 啲 似 喺 澳 門 食 到 嘅 即 燒 豬 肉 乾 ,而 蘆 筍 亦 夠 爽 口。

       

       燒 雞 肉 丸 ($30) 唔 好 以 為 係 普 通 料 ,其 實 係 負 責 串 燒 嘅 師 傅 嘅 心 機 之 作 ,雞 肉 丸 內 仲 有 微 粒 雞 軟 骨 、蔥 粒 及 冬 菇 粒 等 ,惹 味 之 餘 仲 相 當 好 咬 口。

      

       燒 牛 脷 ($28) 感 覺 好 似 貴 咗 啲!唔 通 唔 係 用 本 地 貨?

      

       燒 粟 米 ($15) 密 密 麻 麻 大 大 粒 ,燒 得 超 靚 ,相 當 吸 引

       

       師 傅 將 粟 米 燒 到 咁 上 下 ,再 放 喺 一 大 件 牛 油 磚 上 均 勻 咁 碌 ,上 到 枱 香 噴 噴 ,食 落 粒 粒 都 咁 香 甜。

                   

       椰 子 雪 葩 ($50) 純 係 為 咗 暫 解 熱 氣 而 落 單 ,味 道 只 係 一 般 ,但 好 彩 唔 係 雪 到 死 硬 ,唔 駛 出 盡 力 去 鑽 探。

      埋 單 一 計 多 謝 $750 ,今 次 係 食 到 太 興 奮 、食 多 咗 啫 ,其 實 2 個 人 嚟 食 around $500 都 落 到 樓 ,值 得 再 encore! 

      

       電 話 : 2891 7188           平 均 消 費 : $250 - $350 / 位

      地 址 : 銅 鑼 灣 駱 克 道 489 號 駱 克 駅 21 樓 

                       

 


上一篇: 青洲劉記美食 跟事頭婆 共晉午餐 - 已結業

下一篇: 膳坊 周身刀 無張利


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,524
所有文章: 2,060
本日訪客人數: 702
累計訪客人數: 9,940,495