文章
相簿

澳 門 飲 食

青洲劉記美食 跟事頭婆 共晉午餐 - 已結業

不眠王子 於 2010年01月17日發表   人氣:746


      

       去 到 澳 門 ,問 當 地 朋 友 仔 邊 檔 嘅 豬 扒 包 最 好 食 ,一 面 倒 嘅 答 案 都 係 青 洲 劉 記 美 食。青 洲? 喺 澳 門 北 區 喎 . . . 咁 遠 . . . 唔 好 吓 吓 搭 的 士 咁 儍 啦!問 吓 當 地 人 嘛!

      

       其 中 一 架 去 青 洲 嘅 巴 士 係 8A ,我 喺 蒲 16 酒 店 門 口 個 站 搭 去 ,幾 蚊 雞 之 嘛!喺 正 青 洲 小 學 對 面 落 車 ,勁 方 便。

      

       行 到 青 洲 小 學 旁 邊 ,會 見 到 有 個 茂 密 嘅 小 森 林 . . .

      

       樹 叢 下 有 間 鐵 皮 屋 茶 檔 ,呢 度 就 係 青 洲 劉 記 美 食

      王 子 嚟 到 呢 度 ,無 意 中 遇 見 有 個 巫 . . . 呀!Sorry!係 事 頭 婆 ,佢 攞 住 個 巨 型 嘅 私 伙 杯 ,一 邊 歎 茶 一 邊 氣 定 神 閒 指 揮 佢 嘅 團 隊 ,大 家 坐 埋 一 枱 ,佢 仲 偶 以 同 我 哋 傾 吓 計 仔 ,招 呼 確 實 唔 錯。全 場 爆 滿 真 係 好 靈 異 ,附 近 一 帶 明 明 無 乜 人 ,點 解 呢 度 有 過 百 人 食 嘢 嘅?

      童 話 故 事 嚟 到 呢 度 ,通 常 都 係 王 子 同 公 主 一 齊 過 住 愉 快 嘅 生 活 . . . 地 踎 版 童 話 故 事 係 咁 求 其 架 啦!

      

       咖 喱 雞 絲 治 ($12) 無 乜 香 港 人 order ,個 個 都 係 叫 咖 喱 雞 絲 包。無 錯 ,咖 喱 雞 絲 包 個 硬 身 包 包 係 烘 得 香 脆 ,但 係 唔 索 汁 噃!同 咖 喱 雞 絲 感 覺 格 格 不 入。三 文 治 就 唔 同 ,白 麵 包 新 鮮 軟 熟 ,沾 上 咖 喱 汁 後 同 雞 絲 融 為 一 體 ,個 人 覺 得 仲 好 味 ,你 下 次 不 妨 試 試 呀! 

      

       睇 吓!咖 喱 雞 絲 份 量 幾 多 ,仲 加 咗 啲 洋 蔥 喺 裡 面 ,咖 喱 汁 香 濃 而 只 係 帶 點 微 辣 ,相 當 惹 味。

      

       豬 扒 包 ($12) 平 過 大 利 來 ,好 食 過 大 利 來 ,為 乜 仲 去 排 餐 死?豬 扒 包 即 叫 即 製 ,熱 烘 烘 嘅 包 身 勁 香 脆。

      

       豬 扒 面 積 大 到 個 包 都 遮 唔 晒 ,煎 到 香 噴 噴 之 餘 唔 會 太 乾 身 ,亦 唔 算 太 油 膩 ,咬 落 去 都 有 幾 多 肉 汁 架!豬 扒 醃 製 功 夫 了 得。暫 時 係 喺 澳 門 食 過 最 正 嘅 豬 扒 包。

       

       魚 丸 撈 粗 加 咖 喱 汁 ($13) 係 呢 度 嘅 另 一 皇 牌 ,必 試!

      魚 丸 似 係 用 新 鮮 嘅 鯪 魚 肉 去 炸 ,魚 味 鮮 香 勁 彈 牙 ,蘸 少 少 香 濃 嘅 咖 喱 汁 更 惹 味。

      

       粗 麵 相 當 爽 口 ,麵 身 嘅 彈 性 有 少 少 似 出 前 一 丁 ,正!

                     

                      熱 奶 茶 ($6.5) 平 到 unbelievable!但 味 道 麻 麻

                      

       凍 奶 茶 ($8.5) 水 準 只 係 OK 合 格 ,但 勝 在 超 平 夠 抵 飲

      

       電 話 : (853) 2830 9599        平 均 消 費 : $20 - $25 / 位

      地 址 : 澳 門 青 洲 第 7 街 37 號 青 洲 小 學 側

      

 


上一篇: ★ 不眠王宮 Blog 四週年紀念誌 ★

下一篇: 鳥羽名古屋料理 秘製 手羽先唐揚


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,076,970
所有文章: 2,060
本日訪客人數: 1,418
累計訪客人數: 9,893,032