文章
相簿

民 間 甜 品

Hotchocspoon 攪攪朱朱匙 冧冧有情人

不眠王子 於 2010年02月09日發表   人氣:1173


      

       今 年 飲 食 雜 誌 嘅 情 人 節 特 輯 悶 死 人 ,朱 古 力 甜 蜜 之 選 只 講 花 款 、不 講 互 動!寫 嗰 個 無 情 趣 、睇 嗰 個 扁 晒 咀!

      送 朱 古 力 俾 另 一 半 唔 同 拜 年 ,求 其 喺 對 方 樓 下 嘅 便 利 店 "do" 一 盒 就 算?點 得 架?俾 啲 心 思 啦!

      今 年 送 乜 朱 古 力?我 推 介 嚟 自 荷 蘭 嘅 Hotchocspoon

      

       早 幾 日 喺 iSquare 睇 完 阿 凡 達 ,去 咗 Log-on 行 吓 ,見 到 有 個 櫃 位 吊 住 一 包 二 包 朱 古 力 ,而 且 有 成 十 幾 款 口 味 咁 多 添!價 錢 由 $28 - $33 不 等。我 諗 Citysuper 都 有 得 賣 吧?

       

       同 一 款 朱 古 力 味 道 仲 分 咗 牛 奶 朱 古 力 、黑 朱 古 力 同 白 朱 古 力 3 個 系 列 。

      

       朱 古 力 味 道 有 40% 可 可 、60% 可 可 、85% 可 可 、曲 奇 抹 茶 、Tiramisu 、布 朗 尼 蛋 糕 、Cappuccino 香 橙 、干 邑 橙 酒 、草 莓 胡 椒 等 等。

      啲 朱 古 力 就 咁 食 架?咁 簡 單 就 唔 介 紹 俾 你 哋 啦!

      

       Hotchocspoon 熱 朱 古 力 匙 係 嚟 自 荷 蘭 嘅 朱 古 力 品 牌 Chocolate Company ,佢 唔 係 一 粒 就 咁 食 嘅 朱 古 力 ,而 係 俾 你 放 入 熱 鮮 奶 度 攪 拌 成 熱 朱 古 力 嘅 鮮 奶 伴 侶。

      每 粒 朱 古 力 上 仲 插 住 支 匙 ,既 有 gimmick 又 實 際!

      

       王 子 揀 咗 4 款 最 有 特 色 嘅 朱 古 力 味 嚟 試 ,包 括 Cappuccino 香 橙 、草 莓 胡 椒 、干 邑 橙 酒 及 曲 奇 抹 茶。

                  

       黑 朱 古 力 干 邑 橙 酒 ($33) 係 最 貴 嘅 一 款,因 為 有 酒 

      

       朱 古 力 上 面 插 住 支 管 咁 得 人 驚 嘅?

      

       朱 古 力 放 入 熱 鮮 奶 時 ,將 干 邑 橙 酒 灌 埋 落 去。 

                   

       白 朱 古 力 草 莓 胡 椒 ($28) 味 道 夠 獨 特 ,草 莓 夾 胡 椒?

      

       朱 古 力 既 有 草 莓 嘅 香 甜 ,又 有 胡 椒 嘅 麻 辣 ,超 過 癮。

                      

                       黑 朱 古 力 曲 奇 抹 茶 ($28) 味 道 最 有 驚 喜

                      

       牛 奶 朱 古 力 Cappuccino 香 橙 ($28) 朱 味 香 濃 中 帶 橙 香

       

      

       玩 咁 正 嘅 朱 古 力 ,鮮 奶 梗 係 用 北 海 道 3.6 牛 奶 啦!

      

       黑 朱 古 力 曲 奇 抹 茶 放 入 熱 鮮 奶 後,睇 住 佢 不 斷 溶 化

       

       朱 古 力 味 道 夠 濃 ,但 又 散 發 出 抹 茶 清 香 ,好 飲 到 極!

      

       說 明 書 話 一 粒 朱 古 力 可 以 沖 200 ml 鮮 奶 ,我 覺 得 沖 250 ml 都 仲 得 ,粒 朱 古 力 相 當 香 濃 嘛!

                     

                     送 粒 俾 佢 ,佢 沖 杯 俾 你 ,係 咪 好 冧 呢?

                 

 


上一篇: 伊呂波 尖沙咀店 午市抵食 日式燒肉

下一篇: 小店 Copacabana 浪漫在 九龍城


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,699,221
所有文章: 2,060
本日訪客人數: 1,501
累計訪客人數: 9,555,485