文章
相簿

→ 銅 鑼 灣

凡高廚房 食咗 好多次至講

不眠王子 於 2010年02月12日發表   人氣:1076


      

       又 到 王 子 周 末 推 介 啦!最 近 有 Blog 友 問 王 子 ,而 家 個 Blog 有 咁 多 人 睇 ,會 唔 會 有 啲 餐 廳 你 食 完 覺 得 正 ,收 埋 唔 寫 住 ,驚 之 後 再 去 幫 襯 時 好 難 訂 到 位 架?梗 係 . . .

      有 啦!其 中 一 間 係 上 樓 餐 廳 凡 高 廚 房

      本 來 唔 想 俾 王 子 印 章 ,因 訂 位 時 同 老 闆 講 好 坐 窗 口 位 ,點 知 去 到 ,個 美 少 女 侍 應 話 本 簿 無 mark 低 . . . 不 過 ,見 佢 即 時 嘟 晒 嘴 仔 做 咗 個 好 卡 哇 依 嘅 道 歉 動 作 ,兼 同 另 一 位 美 少 女 侍 應 全 晚 都 有 貼 心 嘅 服 務 ,值 得 俾 印 章 嘅!   

      

       凡 高 廚 房 雖 然 係 上 樓 私 房 餐 廳 ,但 環 境 真 係 唔 錯 ,感 覺 到 主 人 家 幾 有 品 味 ,亦 幾 有 自 己 嘅 style。

      

       餐 廳 內 既 有 張 圍 滿 花 花 嘅 鞦 韆 搖 椅 ,又 有 張 桌 球 枱

      問 心 嗰 句 ,上 親 嚟 呢 度 多 數 都 係 一 pair pair 嘅 情 侶 ,同 另 一 半 享 受 緊 燭 光 晚 餐 ,又 點 會 鍾 意 聽 到 響 袋 聲 呢?好 彩 ,全 晚 都 無 人 篤 波 ,係 臨 走 時 有 個 客 玩 吓 啫!

       

       餐 廳 坐 滿 都 係 50 人 左 右 ,感 覺 都 幾 舒 服!

      

       凡 高 頂 級 和 羊 餐 ($268) 係 凡 高 嘅 招 牌 菜 ,餐 牌 上 有 大 段 文 字 講 解 澳 洲 頂 級 和 羊 有 幾 優 質 、幾 好 味 ,烹 調 法 仲 可 以 選 擇 炭 燒 或 香 煎 ,套 餐 價 錢 嚟 講 唔 算 太 貴 . . .

      如 果 好 食 的 話!你 睇 落 去 就 會 發 覺 個 餐 其 實 唔 貴。

      

       麵 飽 暖 烘 烘 ,外 脆 內 軟 熟 ,咁 大 條 我 竟 然 食 得 晒!

      

       挪 威 三 文 魚 配 雜 菜 卷 遠 睇 仲 以 為 係 嚿 紅 蘿 蔔 . . .

       

       以 挪 威 三 文 魚 作 頭 盤 並 唔 出 奇 ,通 常 只 係 放 幾 片 喺 碟 ,肯 花 心 思 喺 做 型 上 令 人 提 昇 食 慾 之 餘 亦 增 加 印 像 分。

      

       98% 野 菌 忌 廉 湯 係 點 計 出 嚟?係 咪 好 似 朱 古 力 咁 有 分 90% 、60% 、40% 嘅 濃 度 呢?有 無 朋 友 仔 答 到 我?

      呢 個 湯 超 香 超 濃 稠 ,好 味 到 想 encore ,I'm Loving It!

      

       澳 洲 頂 級 和 羊 架 配 蒜 蓉 香 草 醬 薯 角 果 然 不 同 凡 響

      

       蒜 蓉 香 草 醬 薯 角 味 道 係 一 如 所 料 嘅 香 口 軟 綿 綿

      

       澳 洲 頂 級 和 羊 架 揀 咗 用 炭 燒 ,羊 架 有 3 大 件 ,肥 瘦 適 中 ,燒 到 香 噴 噴 ,食 落 出 乎 意 料 咁 正。跟 王 妃 齊 齊 食 第 一 啖 時 ,大 家 互 望 咗 一 吓 ,個 心 係 講 緊 :「好 得 呀!」

      和 羊 架 有 肉 味 、帶 少 少 羶 ,肉 質 嫩 滑 細 緻 ,肉 汁 豐 盈 中 帶 微 微 果 香 ,跟 平 時 喺 外 邊 食 開 嘅 羊 架 有 明 顯 分 別。

      

       波 士 頓 龍 蝦 配 法 國 香 蔥 忌 廉 汁 意 大 利 飯 ($268) 係 凡 高 嘅 另 一 招 牌 菜 ,Menu 上 打 正 旗 號 Chef Special。

       

       炸 金 銀 畢 芝 士 係 頭 盤 ,外 層 鬆 脆 ,裡 面 香 軟 幼 滑。

       

       甘 筍 蕃 茄 忌 廉 湯 當 然 無 剛 才 嘅 野 菌 湯 咁 稠 ,但 亦 相 當 香 濃 又 creamy!甜 甜 哋 、好 好 味!

                    

                     波 士 頓 龍 蝦 配 法 國 香 蔥 忌 廉 汁 意 大 利 飯 單 係 個 look 都 靚 到 殺 死 人 ,出 面 食 同 類 菜 式 通 常 都 只 係 半 邊 龍 蝦 平 放 喺 意 大 利 飯 上 ,有 幾 可 砌 得 咁 靚?

                     

       龍 蝦 身 垂 直 插 喺 意 大 利 飯 上 ,大 大 個 鉗 則 打 橫 放 ,氣 勢 十 足 ,而 且 波 士 頓 龍 蝦 肉 質 鮮 味 、彈 牙 又 juicy。

      

       法 國 香 蔥 忌 廉 汁 意 大 利 飯 香 噴 噴 ,一 睇 都 知 好 掂! 

      

       粒 粒 飯 都 咁 有 黏 性 咁 好 咬 口 ,入 口 又 香 、又 煙 韌 、又 creamy 、又 juicy!Yummy Yummy!

      

       意 式 啤 梨 芝 士 餅 係 最 後 一 道 甜 品 ,質 素 同 樣 咁 精 彩

      

       心 太 軟 係 咪 好 吸 引 呢?上 Openrice 經 常 有 coupon 單 撈 ,食 滿  某 個 價 錢 ,即 可 以 免 費 獲 贈 一 客。

     餐 廳 所 送 嘅 心 太 軟 本 身 無 心 心 、更 加 無 "My Love" 呢 啲 咁 靚 嘅 dressing ,只 係 好 似 前 一 張 相 內 嘅 甜 品 咁 得 店 方 個 logo ,想 加 另 一 半 個 名?梗 係 要 喺 訂 位 時 講 明 用 coupon 兼 話 想 加 名 ,餐 廳 都 係 收 番 少 少 charge 咋!

      

       心 太 軟 賣 相 一 流 ,熱 烘 烘 ,朱 古 力 味 好 香 濃。

      

       切 開 軟 綿 綿 嘅 蛋 糕 ,朱 古 力 漿 慢 慢 流 到 個 心 心 度 ,難 以 形 容 咁 好 feel!食 心 太 軟 好 多 時 都 係 為 咗 呢 個 feel!

      

       歡 聚 帕 爾 馬 (左) 即 係 哈 密 瓜 梳 打 加 呍 喱 拿 雪 糕 

      傾 斜 比 薩 (右) 即 係 藍 莓 梳 打 加 呍 喱 拿 雪 糕

      2 杯 以 梵 高 作 品 命 名 嘅 特 飲 都 係 跟 餐 加 $25 ,同 honey 嚟 撐 枱 腳 ,唔 通 飲 coffee or tea 咩?俾 啲 情 趣 啦!

      呢 餐 埋 單 $700 有 找 ,抵 過 去 啲 食 得 拘 謹 嘅 高 級 cafe!     

      

       電 話 : 3528 1333                 平 均 消 費 :  $300 - $350 / 位

      地 址 : 銅 鑼 灣 軒 尼 詩 道 451-457 號 勝 華 樓 2 樓 B 室

                       

 


上一篇: Ice Trump 雪糕啤牌 好睇又好玩

下一篇: Monster Sushi 尖沙咀店 上下唔齊心 服務得零分


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 25,132,543
所有文章: 2,060
本日訪客人數: 721
累計訪客人數: 9,940,514