文章
相簿

→ 九 龍

良仔甜品 屋邨小驚喜 甜品玩美學

不眠王子 於 2010年02月24日發表   人氣:569


      

       星 期 三 多 數 會 講 甜 品 ,今 個 星 期 講 開 黃 大 仙 區 嘅 新 開 食 店 ,當 然 有 甜 品 店 份 啦!屋 邨 嘅 甜 品 店 ,一 般 都 係 走 穩 紮 穩 打 路 線 ,賣 傳 統 嘅 甜 品 或 中 式 糖 水 ,做 街 坊 生 意 ,好 少 會 有 驚 喜。但 如 果 我 話 上 面 張 心 太 軟 嘅 相 ,係 嚟 自 黃 大 仙 邨 商 場 內 嘅 一 間 甜 品 小 店 ,你 又 信 唔 信?

      屋 邨 甜 品 店 有 心 太 軟?個 賣 相 仲 要 咁 靚?好 少 見 喎?

      良 仔 甜 品 新 開 無 耐 ,格 局 似 茶 記 ,地 方 光 猛 整 潔 ,侍 應 幾 好 笑 容 ,亦 幾 好 招 呼 ,主 動 推 介 甜 品 得 嚟 又 唔 會 太 硬 銷 ,未 落 單 已 經 加 咗 印 象 分。良 仔 除 咗 賣 傳 統 嘅 甜 品 及 糖 水 ,亦 有 唔 少 自 家 嘅 創 作 出 品 ,水 準 仲 唔 錯 添!

      

       門 口 旁 嘅 甜 品 櫃 做 外 賣 為 主 ,供 應 果 凍 、糯 米 糍 、桂 花 糕 、木 糠 布 甸 等 ,平 均 只 係 賣 $16 ,街 坊 價 ,抵 食!

                    

       木 糠 布 甸 ($18) 用 高 身 杯 增 強 視 覺 享 受 ,做 法 聰 明 ,見 到 個 布 甸 都 幾 有 層 次 感 ,價 錢 又 唔 貴 ,忍 得 住 至 奇。

      

       木 糠 布 甸 清 香 軟 綿 綿 ,味 道 清 甜 又 creamy ,唔 錯!

      

       奶 凍 三 重 奏 ($28) 由 茘 枝 奶 凍 、咖 啡 奶 凍 及 椰 子 奶 凍 組 合 而 成。一 般 嘅 甜 品 店 只 會 就 咁 放 件 奶 凍 喺 碟 上 面 ,無 美 感 可 言。但 你 睇 吓!呢 碟 每 款 奶 凍 上 都 放 咗 口 感 唔 同 嘅 配 料 ,兩 旁 又 有 好 似 絲 帶 咁 嘅 朱 古 力 條 拌 邊。即 係 話 俾 你 知 店 主 係 有 心 去 做 甜 品 ,而 且 $28 亦 相 當 抵 食! 

      

       椰 子 奶 凍 清 香 幼 滑 ,配 上 清 甜 嘅 士 多 啤 梨 ,好 夾 味!

      

       椰 子 奶 凍 滑 嘟 嘟 ,入 口 軟 綿 綿 ,甜 甜 哋 、涼 透 心。

      

       咖 啡 奶 凍 味 道 香 濃 ,質 感 滑 溜 ,仲 放 咗 2 粒 外 形 好 似 咖 啡 豆 咁 嘅 朱 古 力 襯 托 ,夠 趣 緻 、有 心 思。

      

       茘 枝 奶 凍 甜 甜 哋 、凍 凍 哋!配 埋 啫 喱 好 好 味。

      

       朱 古 力 心 太 軟 ($28) 個 賣 相 靚 到 喺 心 度 嘩 咗 幾 聲!

      

       個 look 充 滿 美 感 得 嚟 又 有 幾 分 藝 術 氣 息 ,又 好 似 2 座 圓 形 建 築 物 上 放 咗 條 橋 樑 咁 . . . 總 之 就 形 仔 到 極 啦! 

      

       條 橋 唔 係 裝 飾 品 ,食 得 架!其 實 係 朱 古 力 嚟!我 估 係 熱 溶 咗 啲 朱 古 力 成 網 狀 一 大 片 ,再 捲 成 筒 狀 吧!咬 落 去 啲 朱 古 力 仲 係 暖 暖 哋 、幾 香 脆 添! 

       

       呍 喱 拿 雪 糕 當 然 唔 係 用 乜 嘢 貴 價 貨 ,但 味 道 OK 嘅!

       

       朱 古 力 心 太 軟 焗 到 香 噴 噴 ,但 我 呢 個 嚟 到 時 喺 中 間 爆 開 咗 ,未 切 開 已 經 流 咗 少 少 出 嚟 ,要 扣 啲 啲 分 啦! 

      

       因 為 蛋 糕 爆 開 咗 ,朱 古 力 漿 無 乜 流 心。好 彩 朱 古 力 味 夠 香 濃 ,唔 係 嗰 啲 偷 工 減 料 嘅 cheap cheap 阿 華 田 味 ,蛋 糕 亦 夠 香 夠 鬆 軟 ,整 體 味 道 係 OK 嘅!而 且 $28 亦 好 抵 食。 

      仲 有 好 多 甜 品 想 試,一 定 有 下 次!

      

       電 話 : 2325 2700                 平 均 消 費 : $20 - $50 / 位

      地 址 : 黃 大 仙 正 德 街 104 號 黃 大 仙 中 心 地 下 G10 舖

      

 


上一篇: 三和茶餐廳 午餐晚餐 無樣過關

下一篇: 紅蜻蜓 十分靜 粗口猛飛男侍應


不眠王子

多功能吃喝玩樂寫Blog人累積瀏覽人次突破2000萬


Come On Baby 緊貼我吧







搜尋王子的文章
累計瀏覽次數: 24,695,695
所有文章: 2,060
本日訪客人數: 601
累計訪客人數: 9,551,994